ممكن تساعدوني بافضل اسماء الاستاذات للمستوى الخامس

[ماهينور1]

السلام عليكم
بنات الله يوفقكم ويسعدكم اريد خبرتكم
اولا أبغى أسماء افضل استاذات للمواد
ثانياوهل هذي المواد كلها حفظ
اعطوني رايكم الله يوفقكم
تنميه الموارد البشريه 312
سلوك تنظيمي321
تطوير تنظيمي322
سياسه عامه وصناعة القرار331
اداره محليه 341
اداره الخدمه المدنيه 311

[لمار عزوز]

تنميه الموارد البشريه 312
أخذتها عند أستاذة ريما مشاط الأستاذه ماشي حالها لأنها كانت تابعه لأستاذة سوزان القرشي بكل حاجه
وبصراحه خوفونا البنات من أستاذة سوزانوبالأخير طلعت الأسئلة سهله جداً وواضحه مافيها أي غموض
والماده حلوه بس طووووويله جداً جداً
والبنات اللي قبلنا يمدحون أستاذه أمل تركستاني إن شاء الله تنزل معاها هذا الترم

سلوك تنظيمي321
مع أستاذة بدرية الجهني ربي يسعدهااا
الماده موسهله مرررره ولا صعبه وفيها علماء

تطوير تنظيمي322
بالنسبه لي أشوفه أسهل من السلوك فيه علماء كمان بس أستاذة سلوى ماتجيب منهم شي
شرحها عادي والأسئلة يبغالها ترررركيز بس لو كنتي مذاكره كويس بتحليها

سياسه عامه وصناعة القرار331
الماده حلوه بس موو سهله وأكيد مع أستاذة خديجة الحربي
اسئلتها وشرحها حلويين

اداره محليه 341
ماأخذتها

اداره الخدمه المدنيه 311
سهله لكن طووووووويله
مع أستاذة بدرية من غير كلام وكل الأستاذات غيرها ما كانو كويسين على كلام غالبية البنات
ومنهم أستاذة سناء وأستاذة رزان هداية

لو برتبها لك من الأصعب للاسهل
تنمية الموارد البشرية
السياسة العامة وصناعة القرار
السلوك التنظيمي
التطوير التنظيمي
إدارة الخدمة المدنية

بالتووووووفيق

[*sweet smile*]

السلام عليكم

موادك كلها حفظ بس لازم تفهمي المنهج مزبوط عشان يساعدك بالحفظ

استاذة بدرية الجهني ( ادارة خدمة مدنية ) >> شرحها عادي و اسئلتها وسط

استاذة ريم مشاط ( تنمية الموارد البشرية ) >> شرحها لا بأس به على الرغم من كثير بنات مدحولي هي الى انوا حسيت شرحها مو مرة مفهوم و الاسئلة كانت موحدة ما اقدر احكم على اسئلتها بس كان الاختبار وسط مو مرة صعب او مرة سهل

استاذة العنود ( سلوك تنظيمي , ادارة محلية ) >> شرحها تمام و ماشاء الله عليها تفهمي معاها على طول و الاسئلة كانت موحدة و كانت وسط برضو و الحمد الله اعطتني درجات زيادة

استاذة سلوى اعظم ( تطوير تنظيمي ) >> شرحها كانت حلو للامانة ما حضرت معاها غير محاضرتين و بالمحاضرتين حسيت شرحها تمام و الاسئلة كانت موحدة بس حلوة و بسيطة

استاذة خديجة الحربي ( سياسة عامة و صناعة قرار ) >> شرحها مررررة جنان ماشاء الله عليها و جدا حبوبة و طيبة هالاستاذة و الاسئلة كانت موحدة و وسط برضو

بالتوفيق ^_^

[ماهينور1]

الله يوفقكم يارب مره شكرا