كلية الآدآب..لغة انجليزية..منافذ وظيفية ؟

[tex]

من فترة أفكر أتخصص لغة انجليزية > ترجمة ..لكن.... ما اعرف ايش ممكن ووين أتوضف بعد التخرج!؟

لأهل المعرفة.. هل يوجد مستقبل لتخصص اللغة الانجليزية ؟

[Sweet Dreamz]

والله يا عزيزي ما اقدر افتيلك في هذا الموضوع صراحه
بس انا قريبتي اتخرجت الترم الأول بكالوريوس لغه انجليزيه وماشاءالله الحين متوظفه في شركه طبيه اظن

*الأرزاق بيد الله .. اذا عاجبك وحابه ادخله والتوفيق من الله تعالى يارب
وحاول تكمل دراستك بحيث انه ماتوقف على البكالوريوس بس =)

موفق يارب

[Waah Fdatek]

طيب حلو .. لو كنت ناوي من جد تتخصص لغة .. مرة حلو ..
ليش ؟؟؟ .. لأنه من الحين اعتقد بدأوا يدرسوا الانجليزي من رابع ابتدائي ..
وأكيد راح يكون فيه نقص للمعلمين وكذا ..
وبسهولة تلاقي وظيفة ..
لانهم محتاجين موظفين ..
هذا غير بعد التخرج لمن تاخذلك دورات حاسب وتطور من نفسك وكذا ..
بسهولة تتوظف .. لأنه الانقليزي والحاسب أهم شي عند الشركات ..
كمان ممكن تشتغل في دار للنشر والتحرير .. مترجم ..
او في السفارة .. او تبتعث للخارج ..
او ترجع معيد في الجامعه .. وتصير مدرس لغة ..
ممكن مستشفيات .. شركات .. عقارات .. كل مكان يحتاج انجليزي ..
مررة مهم .. بس ادعم نفسك بشهادة حاسب معتمدة ..
وكم دورة لتطوير الشخصية .. وفالك بالوظيفة ..
وبالتوفيق .. وتذكر .. الأرزاق بيد الله ..
الله معاك ..

[tex]

أحلام سعيدة..

طيب.. ايش كان تخصصها ؟ ( أدب انجليزي-ترجمة....الخ)
وإذا ممكن بس ممكن بس ممكن .. أعرف كم تأخذ في الشهر ؟ P:

ونعم بالله..

وحاول تكمل دراستك بحيث انه ماتوقف على البكالوريوس بس =)

إن شاء الله ..
عارفة.. من الحين شايل هم المشروع التخرج لأنه كح كح ترجمة كتاب كامل T.T كح كح

--

Waah Fdatek
< بعد محاولات عديدة ... فشل في محاولة معنى الاسم *___*

تم حفظ الرد في قصاصة على سطح مكتبي لأستخدامات مستقبلية..

u r awesome

يعطيكم العافية..أنتما الإثنتين.. واستمتعا بالعطلة المملة

[نادين 1]

كان نفسي في قسم انجلش
لكن ما قدر لاني العلمي غير متاح لهم
يلاا الحمدالله

[nour al3mr]

حيـآك أخي
في جامعة الملك عبدالعزيز - كلية الآداب و العلوم الإنسانية
تخصص لغـآت أوروبية - انجليــزي
لايوجد ترجمــــة .. فقط لغة

|| مجلـة قسم اللغـآت الأوروبيــــة || دليــل الطلبة }~
بالتوفيق