ساعدوني الله يخليكم ..

[لوديا]

صباحكم مسرات جميعا .. و عام ملئ بالسعادة والسرور علينا وعليكم يارب ..

حدخل في الموضوع مباشرة ..

أنا حاليا خريجة بكالوريوس إدارة اعمال .. تخرجت في شهر 8 من عام 1432 .. وناوية أكمل ماستر بإذن الله .. طبعا رحت سألت عن التقديم للماستر العام وأنا لسا لازلت في الجامعة يعني تقريبا ع شهر 7 وقالولي إنه لازم أخضع لاختبار القدرات العامة للجامعيين واختبار ستيب و توصيات .. والحمدلله اختبرت الاختبارين في شهر 8 تقريبا حتى قبل لا أستلم وثيقتي والحمدلله جبت فيها درجات كويسة تأهلني لدراسة الماستر .. قريت في موقع العمادة إنهم حياخذوا 60٪ من المعدل وناسية كم بالزبط حياخذوا من الاختبارين .. المهم حسبت المعدل الموزون والحمدلله الوضع تمام عندي ..

تفاجأت أمس إنه وحدة من صاحباتي تقول لازم مع القدرات والستيب يكون عندك توفل كمان و بنات كثير أكدوا كلامها وبعضهم قالوا إنه الستيب اتلغى حتى..

كيف كذا؟؟ يعني اختباري في الستيب راح بلوشي .. وهل حجلس سنة كمان أدرس في معاهد اللغة عشان أوصل لدرجة التوفل !!! بصراحة أنا ما فهمت كل ناس لهم كلام .. وكان نفسي أروح بنفسي للجامعة و أستفسر بس ما أقدر .. فا اللي فاهم الهرجة ينورني الله ينور دربه لأني قلقت والتقديم خلاق مابقي عليه شئ كلها شهرين بالكثير ..



آسفة على الإطالة .. بس اللي عنده اضافات لا يبخل عليا .. الله يعطيكم العافية يارب ..