ساعدوني يابنات الكلية انا تنبل في الحذف والاضافة ساعدوني ارجوكم بغرق في شبر ميه

[اعلامية]

انا اول مرة اعدل في جدولي واحذف واضيف وكان نازلي اربع مواد وهيا الاقناع والاسلوب وتحليل النصوص والاعلام الدولي والثقافة حذفت الاقناع والاسلوب وجيت اغير بمواد تانية بس طلعت كلها فل ماعدا نظريات الاتصال فاضفتها ورجعت الاقناع مع انو موعدها زفت من 2 الى 3 وابغى اضيف مواد كمان لكن فل كلها سؤالي اقدر اضيف يوم السبت موادولالاوممكن اغير شعبة الاقناع وكيف وانا اعرف اني لازم اراجع الجامعة في الحذف والاضافة بس اراجع مين قسمي ولاغرفة معينة عشان اثبت المادة الجديدة اللي اضفتها وايش هيا الاجراءات يعني مثلا اطبع جدولي واروح قسمي ولاكيف

[t3bt ashtaq]

اللي اعرفه تروحي لمرشدتك اللي في قسمك وتطلبي منه الحذف والاضافه وهتقولك كمان اذا فيه تغير شعب او لا بس هما اللحين لهم كم ترم يقولوا ما في تغير

اتمنى اكون افدتك وبالتوفيق

[اعلامية]

كيف اوصلها المرشدة هادي

[.vib]

اول شي تابعي الشعب الاتبغيها في النت ممكن احد يطلع وتحطي نفسك مكانه
اما بالنسبه لحكاية المرشده في كليتك يكتبوا ورقه جنب مكان تخصصك بكل دفعه ومين مشرفتها
الله يوفقك ويسهلك

[اعلامية]

فينكم بس ردين

[أنا وبس]

ترى احنا ماعندنا دا الكلام مرشده ومادري ايه

لانو على البركه فاتحين القسم الموهم يوم السبت ان شاء الله روحي المبنى التامن

الدور التاني قسم الاعلام ومن هناك عند السكرتيره حنآخد ورقه ونكتب فيها المواد اللي نبغى نضيفها


وهما يضيفوها عند السكرتيره وبس ياقلبوووو اي خدمه انا جاهزه

[اعلامية]

متى اروح الصباح ولاالظهر

[أنا وبس]

الوقت اللي يعجبك بس افضل الصباح عشان مايحطوا اعذار...