تعالوا شوفوا إيش حلمت فيه .. عن الجدول

[meshaal1983]

صباح الليل للجميع ،،

أمس حلمت حلم و أتمنى ما يطلع صحيح ، حلمت إن الجامعة نزلت لنا الجدول قبل الإختبار بيوم !!!!!!!!!!!!!!!!!!!!!!

لا و بعد تكملة للحلم ، طلع واحد من الجامعة على التلفزيون و في رواية التلفاز .. يقول إحمدوا ربكم إننا نزًلنا لكم جدول !!!!!!!!!!!!

الأدهى من هذا كله .. و أنا جالس في قاعة الإختبار و ماني عارف كيف أجاوب ، إشتكيت للمشرف على قاعة الإختبار ، قلت له ترى أمس بس نزل لنا الجدول و اليوم جايين نختبر و الله ظلم .. بس طالعني بنظرة غريبة و قوية بنفس الوقت .. و قال لي يعني منزلين لكم الجدول و معطينكم يوووووووووووووووووووووووووووووووووووووووووووم كاااااااااااااااااااااااااااااامل علشان تذاكرون لكن للأسف إنكم ما إستغليتوا هذا اليوم لإنكم ما تقدًرون قيمة الوقت .. بس تدري المرة الجايًة راح ننزل لكم الجدول قبل الاختبار بإسبوع !!!!!!!!!!!!!!!!!


صحيت من اليوم وأنا " أتنهت " و أستجمع أنفاسي و حمدت الله كثيراً على أن اللي صار كان حلم و دعوته بكل ما أوتيت من إيمان أن يبقى هذا حلماً ..


قوية صح ؟




ياللأسف ..............


جامعتنا خيًبت آمالنا .. حريصة كل الحرص على أن نسدد في موعد مبكر و لكنها مهملة في أداء أبسط واجباتها تجاهنا ..الجدول تأخر كثيراً و لا أحد يرد على هواتف الجامعة على الرغم من أن ربع الشعب السعودي موظف في هذه الجامعة على ما أعتقد !!


الوقت اللي جالسين نشتكي فيه الحين ، المفروض كل واحد فينا يذاكر له مادة من مواد الفصل الدراسي .. لكن منكم لله يا جامعتنا المهملة.



كتبه غني النفس .. مشعل