للأبطال الصامدين الغير مستعجلين أرجوا الدخول مهم جداً

[أحلام لاتكتمل]

بسم الله الرحمن الرحيم

السلام عليكم ورحمة الله وبركاته

كيف الحال جميعاً

اولاً ادري ان العنوان مضحك شوي

بس يستاهلون هاللقب اللي ماغيروا تخصصاتهم ولا استعجلوا وصابرين رغم ان قلوبهم على نار


ولو ان الغير يقول ظروفي وظروفي اجبرتني اغير او احول


وانا اقول الظروف ماتجبر الواحد يخش شي مايبغاه دامه يدرس بفلوسه



ثانياً

اقترح اقتراح وهو اننا نقط قطية فقط اللذين يردون اعاده فتح اداره اعمال عامه
او يريدون استرجاع اموالهم وتعويضهم ماديا ومعنوياً

القطية تكون على حسب عددنا

وهي تكاليف السفر والمواصلات التي يصرفها الأخ العزيز سلطان

هو مايركض لنفسه بس
تراه يركض لنا كلنا ويطالب ويجتهد

حرام مانساعده مادياً

مو اني انقص منه او انه هو طلب لا والله الرجال مايدري بس دامه يطالب لنا لازم نساعده مادياً ومعنويا والا كلامي غلط ؟


ثالثاً :
نعمل له وكالة عن طريق المحكمة مثلاً وفيها توقيعنا

او ورقه اصليه نكتب فيها الخطاب والخطاب ننسق مع سلطان وش نوعه

ونكتب اسم كل واحد بالورقة ورقمه الجامعي ورقم سجله المدني وجواله

ونوقعها ولو يبون نبصم بعد ونرسلها بالبريد عشان تكون الأصل معه

بكذا نكون ساعدناه مادياً ومعنويا من تشجيع واقتراحات وتسهيلات وتجميع الاوراق والمعلومات

وصدقوني يد وحده ماتصفق

كلنا كجسد واحد نساعد بعض ونوصل للي نبغاه افضل من اننا نستسلم

وارجو اخوي سلطان يقبل اعتذاري بعدم اخذ رايه بالموضووع قبل طرحه

لان هذا الواجب علينا اننا نعمله مو نظل باردين وهو يتعب ويجتهد

ليس هو الوحيد المحروق قلبه بل كلنا

وهو محروق قلبه على نفسه وعلى اخوانه الطلاب والطالبات
لذلك لازم نكون معه قلباً وقالباً

ارجوا ان اقتراحاتي تعجبكم وقابله للنقد والتعديل
والتشاور :)

وبالتوفيق للجميع

[أحلام لاتكتمل]

اكثر من 30 مشاهده وللاسف ماحد رد سواء بموافقة او رفض او اقتراح ؟؟؟؟؟؟؟؟؟؟؟؟؟

[حطام أنثى]

كلام جميل .. واتمنى من كل المتضررين ان يقفوا بجانب بعض خاصه اللي مايقدر يروح الجامعه على الاقل يقف ماديا ومعنويا مع أخوانكم سلطان واحلام لم تكتمل .. والله ينصركم على الظلام .. و فالكم التوفيق باذن الله ..

[أحلام لاتكتمل]

يعطيك العافيه حطام انثى عالمرور

وشاكر لك الكلام الطيب اللي مايجي الا من طيبين

[خجلـ]

فكره حلوة اخوي احلام لاتكتمل
وبادرة طيبة منك
واحنا حاضرين
وفقك الله لكل خير

[الكاسـر]

فكرة حلوة ..

ومعاكم انا :)

[أحلام لاتكتمل]

حياكم الله ومنورين الموضوع يا أبطال

تحياتي لكم

[عادل.عادل]

الله يكتب لكم اجر سعيكم ومع انني قررت ان ادخل ادارة عامة منذ ان نزل اختيار التخصصات ومن قبل ماتحصل هذي المعمعة أي الغاء ادار الاعمال

ولكن وانا معكم اللي تأمرون فيه وقفة مع اخوتي وأي خدمة أنا جاهز تحت امركم
واذا فيه مبلغ معين حددتموه ندفعه بلغونا فيه او كم حصة كل شخص وفي اي حساب نودع المبلغ
والله يوفقكم

[؛؛وجود؛؛]

تصدق اخوي كانت هالفكره مشابهه عندي
لكن كنت متردده اطرحها او كيف اوصلها لكم
وخفت التحسس من الموقف

بادره جدآآ جدآآ حلوه منك
وان دل يدل على طيب
اصلك ولايهونون البقيه
وبصراحه الموقف يحتاج
دعم بمعنى الكلمه ومافيها اي احراج
لان الكل يطمح لنفس الهدف
لذلك يستوجب وقفهـ على يد وقلب واحد

رايتك اخوي انت والاخ سلطان
بيضاء وماقصرتوا من البدايه
وحنا هنا اخوان لذلك من منطلق هالكلمه
لابد نكون بكل مافيها على وتيره وحده

وحنا لما خطينا خطوه واخترنا هالمكان
اخترنا نكون يد تدعم بعض بكل
مافيها ونسقي بعضنا منفعه لوجه الله

عني انا حاضره وبالشوفه اذا ينفع
والله اذا فيه ادنى منفعه على راسي من فوووق
ونوقف وياكم دوووم بالافراح
وعسى ربي يريح البال

[just-_^dream]

جزاكم الله عنا كل خير وجعله في ميزان حسناتكم
أنا معاكم واي شي تأمرون عليه على راسي من فوق
وبإذن الله مايضيع حق وراه مطالب