إيش راح تطبخي أول يوم ؟!

[فاقدة أبوها]

السلاام عليكم ورحمة الله وبركاته

/
/
/
/
كيفكم بناات,
شو اخباركم,
كل سنة وانتم طيبين ,


زي ماهو واضح من العنوان حابين نكتب ايش راح نطبخ أول يوم في الشهر المبارك ان شاءالله

الفكرة شفتها في منتدى ثاني بس مو سعودي وماحبيت أكلهم

وحبيت اطرحها هنا ومنها نستفيد من بعض لأني من الحين شايلة هم بعض الأيام
ايش راح اطبخ فيها

في البداية راح اقولكم قائمة طبخي لأول يوم ان شاءالله :

طبعاً الشوربة لاغنى عنها وح اسوي شوربة حب (قمح)أول يوم ان شاءالله-وكل يوم-

الطبق الرئيسي حيكون فاصوليا بيضا باللحم ورز مصري بالشعيرية وسلطة خضرا
(فيه كثير ناس يستغربوا اننا نسوي رز ع الفطور بس اخواني عندهم شي رئيسي )

المعجنات حتكون سمبوسة وكرواسون بالجبنة
الحلو حيكون بسبوسة محشية بالقشطة ان شااءلله
العصير حيكون فيمتو أكيييد وتانج برتقال <مالها في الطبيعي
البارد حيكون كريم كراميل< مو دايماً تزبط معي واحيانا اتهاوش مع خيو بسببها

طبعاً غير الرطب واللبن(أو القهوة) والقشطة الطازجة
والفول لأهل الحجاز <احنا لأ,

يلاا اتمنى منكم تحطون لي قوائم طبخكم لأول يوم(واللي معزومة أول يوم تحط لي ثاني يوم )

والبنات اللي مايطبخون ياريت نتشطر هالسنة ونساعد ماما منها برّ ومنها نشاط

مااقدر اقول اقتصدوا في الطبخ وقللوا لأن أغلب العوائل السعودية ماشاءالله كثيرة العدد فصعب نقتصد فيه لكن ممكن نسوي افكار للإستفادة من وقت الطبخ مثل احتساب الأجر طول ماانتي في المطبخ عشان هالساعات ماتضيع عليكِ سدى,
وتحميل محاضرات ع الجوال وتسمعيها بالهيدفون وانتي بتطبخي,
وياريت لو قبل المغرب بشوي تجهزي صينية من كل صنف وتوديها لعمال أو مساكين قريب منكم عشان تكسبي أجر تفطير صائم وتكوني صمتي مرتين,
وحتى اللي يظل من افطارك ممكن ترتبيه وتوديه لهم يتسحروا فيه,

واتمنــى نبتعد عن رمي الأكل بالزبالة(ربي يعزكم) ونحمد ربنا على النعمة لأن بالشكر تدوم النعم,
واحنا شايفين الناس في مشارق الأرض ومغاربها بتموت من الجوع فله الحمد وله الشكر,


بس ياخسارة ماراح اتسحر في بيتنا لأنو برمضان ان شاءالله دوامي ليلي
يعني راح امشيها حواضر
(ح تتدبس محابر في السحور بس ياخوفي تسحرهم بطاطا مقلية كل يوم )

معلش طولت بالحكي ويلاا حبيباتي بانتظار قوائمكم

[مني يغار الورد]

ماشاء الله تبارك الله عليك يسعدك ربي ع النصايح
انا تحمست
اقلي هههههههههههههههههه<جزاني الله خير صراحة
بحضر السفرة معاهم اسوي تخصصي اللي تعرفيه تقطيه بصل وثوم ~_~
يعني اشياء خفافي
<<داخلة عرض هنا
وربي ييسر لكم والله يبلغنا رمضان واحنا بااحسن حال
:)

[وفاء جدة]

هـــــــــــــلا فاقدة....وعليكم السلام ورحمة الله وبركاته..
حيالله هالطــــــــــــــلة ...
اولا بلغك الله شهره وانتي بأحسن حال..
أما المطبخ فأنا مجرد أساعدهم في تقطيع الخضار أو لف السمبوسة ...
وأسوي القهوة <<يجي مني
واذا بأسوي حلى أسويه من الليل.....وطبعا التوت والسنكويك أسويهم
وأحضر السفرة ...مبدعة بسم الله عليا

أما الاطباق...الطبقين الرئيسيين.الشوربة والسمبوسة..
والباقي نشكل من الاصناف:مكرونة بالباشميل_بيتزا المكرونة_سلطة المكرونة_لازانيا
لقيمات_ومعجنات منوعة(فطاير_خلية نحل_بيتزا _كرواسون)...
هذا اللي يحضرني حاليا

وأولا وأخيرا...نحمد الله على جميع نعمه....الله يديمها ويحفظها من الزوال...

وكل عام وأنتي والجميع بخير وصحة وعافية...

[a7la_lolo]

58:

بالنسبه لأول يوم

ماراح اطبخ شي

لأنو زوجي حيكون في العمل

وبروح بيت اهلي من الظهر

وإن شاء الله ثاني يوم يكون موجود

طبعا راح اسوي شوربه حب وسمبوسه رقاق ماحب العجينه

ويمكن اذا اتشطرت اسوي كروسون وبيتزا

وبس

وكريم كرامل اليوم سويت اجرًب اعرف ولا لأ

اول مره اسويه


وبس


وكل سنه وانتوا طيبين ورمضان مبارك علينا وعلى كل المسلمين ياااااااارب

[نجمة ليل]

موضوع حلو
إحنا فطورنا خفيف يعني نسوي سمبوسة الدجاج بالفرن (ما نحب القلي ) وأهم شي شوربة الكويكر ( أموت فيها)
وطبعا الرطب والأهم (عرق سوس) لا تقولو انكم ما تعرفوه والقطايف بالقشطة
وبعدين على بعد صلاة التراويح نحط الأكل الدسم ( يمكن ماما حبيبي تطبخلنا سليق ) يعني يكون الأكل جاهز على وقت باب الحارة!!!!!!!!!!! أهم شي

[فاقدة أبوها]

ماشاء الله تبارك الله عليك يسعدك ربي ع النصايح انا تحمست اقلي هههههههههههههههههه<جزاني الله خير صراحة بحضر السفرة معاهم اسوي تخصصي اللي تعرفيه تقطيه بصل وثوم ~_~ يعني اشياء خفافي <<داخلة عرض هنا وربي ييسر لكم والله يبلغنا رمضان واحنا بااحسن حال :)

ويسعدك ربي ويسنعك
والله اللي يقطع عني البصل والثوم ياخذ فيني أجر ,
والحمدلله هالمهمة موكلة للشغالة دوماً ربي مايحرمني منها
وييسر للجميع ويبلغنا جميعاً الشهر المبارك ونحن في أتم صحة وعاافية,
نووورتي

هـــــــــــــلا فاقدة....وعليكم السلام ورحمة الله وبركاته.. حيالله هالطــــــــــــــلة ... اولا بلغك الله شهره وانتي بأحسن حال.. أما المطبخ فأنا مجرد أساعدهم في تقطيع الخضار أو لف السمبوسة ... وأسوي القهوة <<يجي مني واذا بأسوي حلى أسويه من الليل.....وطبعا التوت والسنكويك أسويهم وأحضر السفرة ...مبدعة بسم الله عليا أما الاطباق...الطبقين الرئيسيين.الشوربة والسمبوسة.. والباقي نشكل من الاصناف:مكرونة بالباشميل_بيتزا المكرونة_سلطة المكرونة_لازانيا لقيمات_ومعجنات منوعة(فطاير_خلية نحل_بيتزا _كرواسون)... هذا اللي يحضرني حاليا وأولا وأخيرا...نحمد الله على جميع نعمه....الله يديمها ويحفظها من الزوال... وكل عام وأنتي والجميع بخير وصحة وعافية...

هلا وفاء,
ربي يحييك ويبقيك ياغالية
آمــــــين ع الدعوات الطيبة
ماشاءالله والله لك دور لابأس به
انتوا زينا شوربة وسمبوسة دايماً
لكن صواني البشاميل مااحد ياكلها فبطلت اسويها
ممم تحضير السفرة
هذا مااحبه ابداً مدري ليش
ودايماً محابر هي اللي تجهز السفرة.

يسلمووو ياعسل على تواجدك.

58: بالنسبه لأول يوم ماراح اطبخ شي لأنو زوجي حيكون في العمل وبروح بيت اهلي من الظهر وإن شاء الله ثاني يوم يكون موجود طبعا راح اسوي شوربه حب وسمبوسه رقاق ماحب العجينه ويمكن اذا اتشطرت اسوي كروسون وبيتزا وبس وكريم كرامل اليوم سويت اجرًب اعرف ولا لأ اول مره اسويه وبس وكل سنه وانتوا طيبين ورمضان مبارك علينا وعلى كل المسلمين ياااااااارب

أكيد أول يوم حيكون في بيت العيلة ,
عاد انتي وزوجك بس مايحتاج تطبخي خذي من عند اهلك<أم الكسل
الكراميل خليكي زيي يوم متماسك ويوم يلعب بالصحون
مشكووورة ياقمر على تواجدك

موضوع حلو إحنا فطورنا خفيف يعني نسوي سمبوسة الدجاج بالفرن (ما نحب القلي ) وأهم شي شوربة الكويكر ( أموت فيها) وطبعا الرطب والأهم (عرق سوس) لا تقولو انكم ما تعرفوه والقطايف بالقشطة وبعدين على بعد صلاة التراويح نحط الأكل الدسم ( يمكن ماما حبيبي تطبخلنا سليق ) يعني يكون الأكل جاهز على وقت باب الحارة!!!!!!!!!!! أهم شي

مرورك الأحلى يانجمة,
سمبوسة الدجاج بالفرن كيف تسويها !
وهل تستخدمي عجينة جاهزة ولا تسوينها بنفسك!
خلينا نتعلم نسوي اكل صحي

شوربة الكويكر حلوووة وتنفع للطوارئ بس انا افضل شوربة الحب رغم انها تاخذ وقت,
العرق سوس مانشربه برمضان ولاغير رمضان <عمري ماشربته
القطايف رهيبة باضيفها للقائمة
الرطب مايحتاج كلام
السليق انا مرررة احبه بس مااسويه لأن اخواني مايحبوه
حبيبي حاولي تبطلي مسلسلات برمضان لأنه شهر فضيل

يسلمووووو على تواجدك نجمة نووورتي.

[ستأتي أيامي]

وعليكم السلام ورحمه الله وبركاته

موضوع خطيييير جدا جدا ..
بس ماشاء الله عليكم مو كأنو كثير الأكل أول يوم ...؟؟!!
بالنسبة ليا
لو زوجي موجود حأطبخ لو موجود الشغالة الله يسعدها تقربعلنا أي حاجة هههههههههه

الشوربة على حسب أحيانا كويكر وأحيانا حب ..
جربي تسوي شوربة بالبزاليا مرررررررررره خطيرة أو الفاصوليا البيضا
مسلوقة دجاج أو لحم وحطي عليها البزاليا أو الفاصوليا والبصل البهارات اللي تبغيها ..15 دقيقة تقريبا بعدين أخلطيها في الخلاط مرررررررررره لزيزة جدا جدا ..

حسوي ان شاء الله فناجيل البطاطس ، وكمان حلى لسه ما قررت ايش هوا
كمان سمبوسة لازم ..
بس كذا يكفي هههههههههه

موضوع راااااااااااايق صراحه ..
ما ننحرمش ..

[رنيم سليمان]

وعليكم السلام ورحمة الله وبركاته




الأطباق بين السواخن والسَلطة والتمر والعصيرات الطبق الرئيسي والأطباق الجانبية ثُم الحلويات



بالنسبة لطبيعة أكل العائلة من المستحيل أن يكون الطبق الرئيسي " رُز و إيدام في الفطور"

لأنني أراها دَسمه على معدة الصائمين ومُناسبة أكثر للأيام العاديه " كغداء "





أمًا التحضيرات فأهلي ممن يحبون التغيير دومًا بعيدًا عن التكرار

وأن يكون " مييزا وجديدًا .. إلخ " ويُناسب رغباتهم المُختلفه

لذا هُنا الاختيار بالنسبة لي أصعب مرحله أما التطبيق فالحمد لله .




أبدا الطبخ غالبًا من الظُهر وحسب الأطباق تكون المواصلة أو على فترات متقطعه


تقديم الفطور كثيرًا ماطالبوا أن نبدأ بالتمر والسلطه والسواخن في البدايه " خفيفه جدًا "

بعد ذلك للصلاة ثُم يعودون للفطور والأطباق كامله


وللأسف كُل مره يتكاسلون ونعود للنظام الطَبيعي

لكن هذه المره بإذن الله ستُطبق قسرًا .



وإلى الآن وأنا أحضر " ملف وورد " للأطباق الرمضانيه

حتى لاننشغل بالنت والبحث أثناء رمضان ، أشغلنا الله وإياكم بطاعته




وإن أردتم أي خدمه فـ سَعْي حاضِره = )

دُمتم سباقين للخير ~

المشاركة الأصلية كتبت بواسطة فاقدة أبوها افيه لكن ممكن نسوي افكار للإستفادة من وقت الطبخ مثل احتساب الأجر طول ماانتي في المطبخ عشان هالساعات ماتضيع عليكِ سدى, وتحميل محاضرات ع الجوال وتسمعيها بالهيدفون وانتي بتطبخي, وياريت لو قبل المغرب بشوي تجهزي صينية من كل صنف وتوديها لعمال أو مساكين قريب منكم عشان تكسبي أجر تفطير صائم وتكوني صمتي مرتين, وحتى اللي يظل من افطارك ممكن ترتبيه وتوديه لهم يتسحروا فيه, واتمنــى نبتعد عن رمي الأكل بالزبالة(ربي يعزكم) ونحمد ربنا على النعمة لأن بالشكر تدوم النعم, واحنا شايفين الناس في مشارق الأرض ومغاربها بتموت من الجوع فله الحمد وله الشكر,

رائعة وأكثر

هذا مانُريد إيصالَه تمامًا (f)

[Suzi]

اهنن بمشرفتنا شهرك مباركـ ويسعدلي ايامكـ يالغاليهـ الله يعينكـ على الدوآم ويكسبك الاجر

انا عن نفسي انشاءاللهـ اول يوم كل اخوآني عندنا راح اعمل حلا الملاعق +الكراميل +منائيش

الشوربة ماما تعملها وكمان كالعادة حريم اخواني مايقصرون كل وحدة بصينيتها وبعد التراويح يبدا التخطيط

للعشاء

اللهم اشغلنا في طاعتكـ فيما يرضيكـ عنا وبلغنا آمالنا

بارك اللهـ فيك موضوع ناآآآآآآآآآآآآآيس مجرم على قولة باش ~ ودي

[نجمة ليل]

تسلمي حبيبتي وبالنسبة لعمل سمبوسك الدجاج
تجيبي من السوبر ماركت رقائق السبرنج رول ( السنبلة) بالبر أو العادي زي ما تحبي بس انا أحبو بالبر
أما حشوة الدجاج تجيبي دجاج مفروم ناعم وابشري جزر وتفرمي ملفوف ( البنفسجي ) وبصل مفروم
أما التوابل عبارة عن بهار وبودرة سناد نكهة الدجاج وصوص الصويا
تقلي البصل مع الدجاج وتحطي التوابل وبعدين الملفوف والجزر لين ما تحسيها أنها نضجت وسيبيها تبرد قبل ما تلفيها بالرقائق وتستخدمي شوية طحين مخلوط بموية عشان تلصقي طرف الرقاقة وبعدين حطيها بصينية بدون ما تدهنيها زيت وبالفرن لين ما تحسيها أنها صارت مقرمشة وبس