سؤال عن كيفية الانسحاب من الجامعه بلييييز ادخلو قبل يوم 12

[وديـــــــــــان]

السلام عليكم ورحمة الله وبركاته
اول شي كل عام وانتو بخير وينعاد عليكم بالصحة والسلامه

انا طالبة متخرجة من الثانوي وقدمت في جامعة الملك عبد العزيز
وانقبلت الحمد لله وختمولي ع الشهادات الاصلية

ودحين جاني قبول في البعثات بس ما كنت اعرف انو في شرط
يقول انو يمنع المتقدمين للبعثات من حجز مقاعد في الجامعات
السعودية

طبعا مررره اتفاجأت ودحين لازم اسحب قبل يوم 12 رمضان
عشان انقبل في البعثة وما يلغو ترشيحي
بلييييز ساعدووونيييي من جد مررررررررررره محتاجه مساعدتكم
الختم مكتوب عليه : تم قبول الطالب بالجامعه الفصل الدراسي الاول
للعام الجامعي 1431-1432 هـ ولا يمكن له التقديم بجامعه اخرى الا باخطار
خطي يفيد انسحابه من الجامعة .

بالله ياليت تساعدوني بكلام اكيد لاني انا من مكه ومرررره مشوار عشان انزل جده

وجزاكم الله خير

[cool_kemoo123]

طيب انتي اهدي ولا تخافي


انا كنت مقدم على البعثه واترفضت ووقت قبولي في الجامعه دخلت عند عميد القبول والتسجيل وطلبت منو مايختمولي على الشهاده


قلي الختم ماراح يأثر ابدن يعني ديكور لا اكتر ولا اقل


المهم ختملي عليها انا وواحد صاحبي


وصاحبي راح دخل جامعة طيبة انقبل في الكليات الصحيه وراح ولا قالولو شي على الختم



وبرضو اذا منك مرتاحه وناوية تنسحبي بسيطه


روحي الجامعه وقولي لاي وحده من المسؤولين انك تبغي تنسحبي وهيا تقلك فين تروحي



والله يوفقك يارب ويسهل امورك

[Moataz Arab]

^^

كففاا ووفاا ، بالتوفيق !

[وديـــــــــــان]

مشكور اخي cool_kemoo123
على سرعة استجابتك الله يوفقك

يعني دحين لمن اسحب حيشيلو اسمي من قاعدة البانات
عل طول ولا كيف؟؟؟

[وديـــــــــــان]

مشكور Moataz Arab
على مرورك ^^

[cool_kemoo123]

يب على طول حيشيلو اسمك من قاعدة البيانات

وصدقيني الرجال حلفلي انو الختم ديكووور وبس لا اكتر ولا اقل


والله يسهل امورك

[ملاك الجامعية]

^^^

مثل ماقالوا الاخوان زيادة على ذلك ومو حابه ازعجك لكن سمعت انوا اخر يوم انسحاب لدفعتكم يوم 6/9 فتأكدي من كلامي

انا ماخده ملفي كاستعارة لمدة اسبوعين ولمن سالت عن مدة انتهاء السحب قالولي انتي دفعة 10 قلت يب قالوا عادي باي وقت

الله يوفقك يارب عارفة باللي تمري فيه الاسبوع الجاي الكلام الاكيد عن قبولي بجامعه ثانيه متوترة وشايله هم

باذن الله تنقبلي بعثه ويكون هالقلق من الماضي

[وديـــــــــــان]

مشكورين ما تقصرو الله يوفقكم
بس المشكلة ما اعرف اسال مين عن اخر يوم انسحاب
الله يستر
تسلمووو ^^

[السيف99]

احسن شي اتصلي عالجامعة وخذي الكلام اللي يجمد على الشارب :) <<<يعني المضمون

[وديـــــــــــان]

مشكور يا السيف 99
بس الجامعة ما يردو لمن اتصل
والله مدري ايش اسوي
الله يستر من جد خايفة