مهم مهم مهم مهم مهم مهم

[الطرفي]

س/ هل السنه التحضريه في كليه الاقصاد ولاادره , صعبه ولا سهله ..؟

عشان بتخصص قانون

[متفآئلهـ]

انا اللي اعرفه ان السنه التحضيريه فيها مسارين
مسار علمي ومسار اداري انساني
وبعدين يجي التسكين في الكليات اما كليه الهندسه أو كليه الاقتصاد والاداره أو كليه الطب أو كليه العلوم و..و...
طبعاً التسكين حسب المسار اللي اخترته في السنه التحضيريه والمعدل .. ومن بعدها التخصص وبعدين تحديد المسار

[بحر الحرية]

أهلين خيوو..

بالنسبة للسنة التحضيرية في المسار الاداري والإنساني سهولتها وصعوبتها تتوقف عليك..
تذاكر وتجتهد راح تصير سهلة، تسيبها وتطنش.. راح تشوف فيها أيام سودا.. زيها زي أي سنة دراسية..

بالنسبة لياا، كانت سنة مررره روعة، وسوت عندي نقلة جديدة وجدية، يعني بالعربي كانت نقطة تحول، كل الصعوبات اللي كانت تواجهني فيها، إني أنا من أول دفعة تطبق عليها السنة التحضيرية، وكان صدور القرارت والتغييرات يصير بشكل مفاجئ، أعتقد الآن تحسن الوضع أكتر ومازال في تحسن..

السنة التحضيرية من السهل الممتنع..
موادها English - عربي - ثقافة إسلامية - رياضيات - إحصاء - مهارات التفكير - مهارات الاتصال.. تنقسم المواد على الفصلين بخطة أ وخطة ب ..

يعني بصراحة أحس بعض مواد التحضيري تكراااااار لما سبق دراسته..

وبالنسبة للتخصص.. ما يكون إلا بعد ما تجتاز السنة التحضيرية وتحقق المعدل المطلوب لكل تخصص..
وتخصص القانونن العام الماضي كانت أقل نسبة قبول فيه 3.04 من 5 في التحضيري..

أتمنى أكون أفدتك؛؛

[قلبي محروق حرق]

من وجهة نظري السنة التحضيرية أغلب موادها ســــــــهــــــــلـــــــة لأنها عامة
باستثناء بعض المواد اللي تعتمد عليك ممكن زي الانجليزي الرياضيات الاحصاء
صعوبة الجامعة تكمن في أول سنة من التخصص لأن المواد والمعلومات تكون جديدة

بالتوفيق

[سكووت]

شوف بعد ماتصير اداري انساني شد حيلك قد ماتقدر خدها نصيحة من مجربة وبعدين انتو سهلو لكم شويا مو زي على ايامنا اول ماطبقو النظام لايغرك اللي يقولو التحضيري قرف ويخسف المعدل ومدري ايش لو ذاكرت كل شي ينفتح قدامك باذن الله ..انا استهترت شويا واخدت على راسي واضطريت اتخصص ادارة عامة عشان ارفع معدلي ورفعتو وحولت الحمدلله ...خصوصا احس الاقبال على الانظمة كثر دحين فشد حيلك عشان تجيب فوق 4 وتتخصص بالرااااحة ..الله يوفقك ..