الرجاء من طلاب وطالبات التعليم عن بعد الدخول وكل من له معلومات عن التعليم عن بعد

[شودي]

السلام عليكم ورحمة الله وبركاته ...

عندي شوية اسأله ارجوا انكم تتحملوني وتجاوبوني اذا تقدروا تفيدوني ...

انا طالبة انتساب وارغب بالتحويل لتعليم عن بعد واود استشارتكم

الانظمه الجديده الي نزلت مطبقه على السنه التحضيريه فقط ولا حتى الدفعات القديمه زي الحرمان اذا لم تحضر 25% من المحاضرات وغيرها من القرارات الجديده ؟؟

الي سمعته ان الشهادات من جامعة الملك عبدالعزيز معترف بها والتعليم عن بعد والانتظام لهم نفس الشهاده والاتنساب يكتبون عليها منتسب هل هذا الكلام صحيح؟؟

انا تخصص لغة انجليزية مين فيكم متخصص هذا التخصص في التعليم عن بعد وماشي الحال معاه ؟؟
لاني انتساب و3 اسابيع بس قليل علينا وضغط وفي النهاية الاختبار من 100 لكن اعتقد التعليم عن بعد افضل لان فيه حضور يومي والواحد عنده فرصه يذاكر طول الترم وهو فاهم من الشرح وغير كذه عنده فرصه يجمع 40 درجه والنهائي من 60 هل كلامي صحيح والا انا فهمت غلط؟؟

طيب لو الواحد فاتت عليه وحده من الاختبارات الدوريه او ماقدر يسلم الواجب في الوقت المحدد لظروف خارجه عن ارادته زي انقطاع النت خاصة من يعمل في قرى مثل حالتي اش العمل هل له اختبار بديل ولا ايش الموضوع بالزبط؟؟

اذا حولت الترم الجاي لتعليم عن بعد وحسيت الوضع ماناسبني اقدر ارجع لنظام الانتساب الترم الي بعده ولا لازم اكمل تعليم عن بعد لان ماعندي غير فرصه واحده للتحويل زي ماسمعت؟؟

اخيرا اش تنصحوني ابقى على لانتساب واحاول امشي ولا تعليم عن بعد افضل واتوقع طلاب السنه التحضيريه يقدرون يجاوبوني على استفساري لانهم جربوا النظامين؟؟

وتقبلوا تحياتي ...