سؤال عن المواد

[ahmed_al0lyan]

السلام عليكم ورحمة الله وبركاته
اخواني عندي كم سؤال يا ريت تفيدوني
بخصوص مادة الـ ie201
اول شي صعبه ولا سهله
وايش احسن دكتور يدرسها
وايش اسماء الدكاتره اللي يشرحو بالعربي واللي يشرحو بالانجلش
وكيف طبيعة دراستها واختباراتها
وايش افضل الملخصات لها ؟؟
وهل تعتمد على الانجلش بشكل كبير ؟؟
وهل لازم اخدها قبل ما اتخصص؟؟
----------------------------------------------------
مادة ال EE201 برمجة الحاسب
برضو صعبه ولا سهله .. وكيف طبيعة دراستها ومين افضل الدكاتره اللي يدرسوها وهل تعتمد على الانجلش؟؟
وكمان لازم اخدها قبل ما اتخصص؟؟
----------------------------------------------------
PHYS202 لازم اخدها قبل التخصص؟؟
----------------------------------------------------
MENG130 ممكن احد يوضحلي ايش هيا دي الماده ؟؟؟؟ وصعبه ولا سهله .. وافضل دكتور ليها
وممكن اتخصص بدونها ولا لاء؟؟
----------------------------------------------------
رأيكم بهدا الجدول ..
ie201 .....3
EE201 .....2
IE204 .....1
CHEM281 .....1
ARAB201 .....3
MENG130 .....2

12 ساعه ... ممكن ارفع معدلي بدي الخطه واتخصص اي تخصص بنفس الوقت ؟؟ مع العلم اني اخدت مادة الرسم الهندسي والماث 202 في الترم الاول

ولين دحين مخلص 39 ساعه

والف شكر لكم

[cнαяιsмα]

ie201 سهلة ، بس كرف

والبرمجة سهلة مرا

الجدول تمام

بالتوفيق

[مهندس الزعيم]

ie 201 :
مادة على جزئين الجزء الاول فردي تختبر عشر كويزات وتقدم اسايمنت واحد
طبع الكويز اذا جبت 100 =E من 80 الى 99 =M من 40 الى 79 =NI من 0الى 39 =NCE واذا لم تحضر الاختبار تاخذ NS
بالنسبة لكويزات فيه ملخصة لكل كويز وأسئلة سابقة تلقاها عند يعقوب السوداني في كل كويز اذا ذاكرت وفهم الثلاث صفحات كويس وعرفت تحل نماذج الاسئلة راح تجيب E أو M بالراحة ..
طبعا المطلوب انك تجيب 3 أكسيد (E) والبقية كلها M وطبعا حتى الاسايمنت الوحيد c1 لازم تجيب فيه M
- اذا جبت واحد NI ما يضر لكن اثنين تأخذ ديفيكت ...
بالنسبة لنظام الدرجات طويل وما راح تفهمه بسرعة ..

- نروح للجزء الثاني اللي يتعلق بالتيم بحيث ان هناك تقريبا 7 اسايمنت ومشروع لازم التيم حقك يقدمها في وقتها
يعني نصيحة مهمة وضورية في الاي اي 201 اهم شئ لازم التيم حقك يكون شغال وطلاب ممتازين ومو كسلانين وناس تشتغل ولازم يكون فيهم اثنين ولا ثلاثة مبدعين في الانجليزي علشان ترتاحون في الاسايمنت ...
أعيد وأكرر 5 طلاب في التيم حقك من الان حاول تجمعهم وتتفق معاهم ومو شرط يكونوا اخوياك المهم ناس تشتغل ولا راح تتعب في اخر الترم ولا راح تقدموا شئ لان في اخر الجزء الثاني من الترم راح يكون هناك كرف مو طبيعي ...

المادة سهلة بس فيها كرف لكن تصبح معقدة اذا كان التيم حقك فاشل
- اهتم بالحضور وقت المحاضرة ولا تغيب لانهم يحاسبون بالدقيقة في هذه المادة ..
بالنسبة للدكاترة انا اعرف محمد ريحان هو يبغى الطالب يشتغل ومنضبط لكن بالاخير يعطيك حقك ويساعدك اذا شافك مهتم وتشتغل اهم شئ توضحله انك مهتم وتشتغل ...

EE201 برمجة حاسب

مادة متوسطة لها معمل اهم شئ انت حمل برنامج الماتلاب على جهازك من بدري وحاول تتدرب عليه .. لا تسمع كلام الطلاب اللي يقولون سهلةلانك راح تهمل وفي الاخير راح تصعب عليك ... خذها عند دكتور علاء جودة

بالنسبة للفيزياء 202 على حسب التخصص اذا كهرباء ضروري ولازم تاخذها اما التخصصات الثانية مالي علم فيها ..

اما بالنسبة لmeng 130 الحقيقة انا ما اخذتها لكن على حسب كلام اغلب الطلاب تقدر تاخذ فيها بالراحة a , a+

بالنسبة لجدولك ما فيه صعوبة العربي 2 تافه وتجيب A+ بالراحة اذا ذاكرت قبل الاختبار بيوم بس والMeng130 سهلة بالنسبة لie204 ما اعرفها بس اظن هي بدال الانجليزي 2 للهندسة هي يمكن كرف محاضرات وتعب بس
اما البرمجة تحتاج المتابعة وعدم الاهمال وما فيها صعوبة كبيرة والاي اي 201 زي ما قلت اول هي كرف بس

والله يوفقك والجميع..

[ahmed_al0lyan]

مشكووورين اخواني على مساعدتكم

شكلي ماحأخد ال ie201 لأنها كلها انجلش

بس الفيزياء 202 ممكن اسيبها دحين واخدها بعد ما اتخصص في الكهربائيه ؟؟ ولا ما يقبلو طلبي الا ادا كنت ماخدها ؟؟

لأني بأفكر انزل ماث 204 بدال ال ie201 ... واخلي الفيزياء 202 بعد ما اتخصص

مادة الـ Meng130 ياريت ادا في احد اخدها يعطيني فكرة المادة واهم شي (( تعتمد على الانجلش ولا لاء ))

مشكووورين الله يسعدكم

[صقرر]

ما قصروا الاخوان بالتوفيق

[Eng:S.T.M]

المشاركة الأصلية كتبت بواسطة ahmed_al0lyan مشكووورين اخواني على مساعدتكم شكلي ماحأخد ال ie201 لأنها كلها انجلش بس الفيزياء 202 ممكن اسيبها دحين واخدها بعد ما اتخصص في الكهربائيه ؟؟ ولا ما يقبلو طلبي الا ادا كنت ماخدها ؟؟ لأني بأفكر انزل ماث 204 بدال ال ie201 ... واخلي الفيزياء 202 بعد ما اتخصص مادة الـ meng130 ياريت ادا في احد اخدها يعطيني فكرة المادة واهم شي (( تعتمد على الانجلش ولا لاء )) مشكووورين الله يسعدكم

كل الهندسة فيها انجليزي سواء ie أو غيرها واذا ماخذ ذي المواد دحين متى بتاخدها؟
غير لو انك ناوي تطلع برة تاخد كورس انجليزي في الصيف
بس ترى اذا أخذت الie ممكن تتحسن لغتك بس تكون مهتم وحريص
وبالتوفيق للجميع...

[مهندس الزعيم]

اخوي بالنسبة للاي اي لا تخلي الانجليزي هو اللي يمنعك من اخذ المادة
انا مثلا في الانجليزي سئ لكن في الكويزات كنت اترجم الثلاث اوراق أو أاخذ الترجمة من مكتبة يعقوب والحمدالله كل درجاتي كويسة اما بالنسبة للاب اللي فيه اسيمنت كثير تسويه مع التيم حقك هو صح يحتاج انجليزي بس التيم 5 طلاب اذا فيه واحد ولا اثنين يعرفوا انجليزي فراح يفهموك وتساعدوا بعض يعني لا تشيل هم بس اهم شئ في المادة هذي انك تختار تيم كويس وشغال ..

اما بالنسبة لفيزياء 202 فضروري انك تاخذها قبل التخصص خاصة اذا بتخصص كهرباء لانك اذا تخصصت كهرباء الترم الجاي فما راح تقدر تنزل مواد في الكهرباء لان الفيزياء تفتح لك مادة البيسك والبيسك تفتح لك مواد كثيرة في الكهرباء يعني من بدري لازم تاخذ الفيزياء 202 علشان ما تتاخر ....

[فهد القرني]

اخوي مهندس الزعيم اذا ما عليك امر ..

وش مادة البيسك اللي تقول ... :) :)) :)))

[مهندس الزعيم]

المشاركة الأصلية كتبت بواسطة فهد القرني اخوي مهندس الزعيم اذا ما عليك امر .. وش مادة البيسك اللي تقول ... :) :)) :)))

هي المادة اللي انا اخذت انا فيها d+ عند الهنداوي

اااه يالهنداوي انت افضل واحد في الشرح لكن في الدرجات ظاااااااااااااااااااااالم !!!!!!!!!!!!!!

الله يرجك انت والملف اللي اخترعته في المادة عندنا واخرتها الدرجات طايحة بسبب الملف والكويزات وطريقة تصحيحك الظالمة !!!!!!!!