كآآآرثة غير مسبوقة...احتاج الى إفادة سريعة

[strowbarry]

السلام عليكم ورحمة الله وبركاتة...
يسعدلي يوم الجميع...والله يوفقنا كلللللللنا ف الاختبارات ونغلق بأحسن معدلات وأعلى الدرجات يارب...ويرزقنا سريعة البديهة والفهم... ..

انا سارتلي كارثة موطبيعية..غيرو جدولي قبل اسبوع تخيلو بمواد غيييييير ولأني تخرج السنة هذي ان شالله ماقدرت اسوي شي... ..
ياليت تفيدوووني لان الاختبارات مابقي عليها شي وانا ماعرف شي ف اغلب المواد الي اضافوها ليا... ..

نزلت لي مادة التفسير الاسلامي للسلوك الانساني شعبة 2 عرفت الكتاب من موقع الجامعة بس مو عارفة مين الدكتورة ولا الي معانا من الكتاب...

اضافة الى مادة قياس نفسي عرفت انو مع الدكتورة زيزي بس برضو ايش الي معانا ماعرف...
ومادة حرة تاريخ المغرب والاندلس ...وموعارفتلها لاكتاب ولا منهج ولا اي حااااااااااااااجة...

يااااريت احد يفيدني لاني حاليا ف المدينة ولاحتى اقدر انزل جدة الاوقبل الاختبارات بكم يوم....
سأكون لكم من الشااااااااااااااكرين...
من فرج كربة من كرب المؤمن فرج الله علية كربة من كرب يوم القيامة...وجزاكم الله كل خير
يوم سعيييييييييييييييد اتمناة للجميع..

[@بنت الجنوب@]

اسم الاستاذة مادة التفسير الاسلامي للسلوك الانساني شعبة 2
مرام المغامسي

[strowbarry]

يسعدك ربي ياقمر...لو تكملي معروفك معايا وتقوليلي الفصول الي معانا تكوني كسبتي فيا اجر>>>>بتشحت لووووووووووووول

[منال عبد الغني]

حبيبتي كل الي اعرفه مادة القياس لنفسي دكتورة زيزي حذفت الفصلين 2 و10
وحددت مع البنات ياليت اقدر اساعدك كنت مع سميرة وحذفت المادة

[الدانــــة]

الله يكون في عونك خيتو ويسهلك الي تساعدك يارب

[امونة المزيونة]

وي وي كيف تخرج ودوبك تاخذي قياااااااااس؟!

واش اللخبطة هذي ع كيفهم يغيرو الجدول مهزلة بجد!!

والله يكون بعونك وتلحقي ع المزاكرة..

[جيجي_جده]

يعني كيف يغيروا جدولك قبل اسبوع بس !!

معقووووووولة !!! <<<< رايحة تشيك عجدولها

[عطر منثور]

حسبي الله عليهم

الله يوفقك حبيبتي وتلاقي احد يساعدك انا ماعندي موادك والا كان ماقصرت معاكي

[strowbarry]

حطولي مواد الترم التاني ف الترم الاول..ودرستها وكل شي ولمن راجعتهم قالو لاء عادي التزمي بالجدول...افاجئ لمن جيت اببغا اشوف جدول اختباراتي ان المواد كلها اتغيرت...وماقدر اغيرها خلاص ..
الله يسعدكم كلكم ياااااااااااااارب وتتخرجو بأعلى المعدلات والله يجبر بخاطركم زي ماجبرتو بخاطري ولو بكلمة حلوة....

يومكم سعيد..

[وردةالعشاق]

هههههههههههههههههههههههههههههه رحت اشيك على جدولي هههههههههههههههههه خفت
بعد ماتنفست وارتحت اللله يعينك إن شاء الله