سؤال لذوي الخبرة

[ملكة العسل]

السلام عليكم
حبيت اسئل بنات السنوات الي قبلي عن الجدول،انا ثاني كلية ،وشايفة الكل منحاس ومتوتر من حكاية الحذف والاضافة ،،،،،الجدول ما نزلي للحين بس لما ينزل لازم احذف واضيف والا عادي ممكن اقبل به زي ماهو ،زي لما كنت اولى تحضيري؟
وسؤال ثاني كمان >>اتحملوني الله يخليكم>>المواد الي احذفها ادرسها الترم الثاني؟وكيف اعرف مواد الترم الثاني ايش حتكون عشان اسوي ترتيبي صح بين الترمين؟؟
واكون لكم شااااااكرة...

[Fatema Alshareef]

اذا انتي لسى باقي ما تخصصتي يعني سنه اولى ماتقدري تتحكمي بجدولك ,,
اما اذا كنتي متخصصه ومستوى ثالث بامكانك تعدلي جدولك حتطلعلك بالاوديس تبعك
على القائمه بيدك اليمين الحذف والاضافه وتطلعلك رموز المواد وارقامها اختاري الماده
والوقت اللي تبغيه,,, وبالنسبه للمواد اللي تحذفيها اكيد حتكون معاك لحد ماتدرسيها وتخلصي منها
وانصحك خذي خطتك الدراسيه تبع قسمك من موقع الجامعه واختاري المواد اللي حابه تدرسيها ,,

[الــود طــبعي]

شوفي ياعسل إذا إنتي عجبك جدولك زي مانزلك .. خليه لا تغيرينه ترى مو شرط التغيير..
غالبا البنات يغيرون عشان المواعيد أو الأستاذات أو عشان مادة تبيها ومادة ماتبيها وهكذا ..

بالنسبة إذا حذفتي مادة الترم الأول أكيد تنزلك على طول الترم الثاني..
وانتبهي من المواد اللي تكون متطلب لمواد أخرى..

وإذا تبين تعرفين موادك اللي بتاخذينها في الأترام المقبلة
روحي للخطة الدراسية موجوده على يمينك أيضا ادخلي عليها وشوفي

واسمعي ياقمر إذا ماعرفتي تسوين شي
أنا مستعدة أرسلك إيميلي وأساعدك في أي شي تحتاجينه

بالتوفيق

[ملكة العسل]

الحين فهمت ،انا لسا ماوصلت للمستوى الثالث ،وشكلو زي ما قلتي يا بنت جامعتي ماحقدر اغير في الجدول ..على العموم ريحتوني الله يسعدكم ..مشكوورة يا>>بنت جامعتي و>>الود الف شكر..