ابي المساعدة منكم ؟؟؟

[من جامعة الهم خريج]

السلام علكم ورحمة الله وبركاته

بدايتاً احب ابارك لكم بالشهر الفضيل ....
ولو سمحتوا الله يوفقكم عندي سؤال شايل معه اهمومي كلها وليت اعرف الجواب الصحيح المؤكد , وابي منكم الله يخليكم النصيحة الله يوفقكم . وردوا علي باسرع وقت تكفون يالربع ؟؟؟

انا بحمد الله تم قبولي بالجامعة بس الي قاهرني اني ما قبلت في المسار العلوم الطبيعية
وانا شهادتي علوم طيبعية والله مقهور من قلبي وشايل الهموم كلها والمشكلة نسبة الثانوية 93 والقدرات 62 والتحصيلي 55 . طبعاً قبلت في المسار الاداري الانساني وما ابغاه وليس ضمن رغبتي والي ابي اتاكد منه
اني انا ابغى ادرس حاسب .. اااااهاه اي والله ياليت .
بس على ما اعتقد وقريت وسمعت ان ما في حاسب في هالمسار ... وابغى منكم الجواب فيه حاسب بعد السنة التحضيرية هذي ..ولا اقدر بعد السنة هذي اروح اي كلية ابغاه حتى لو في المسار الثاني ولا كيف اسوي تكفون ردوا علي الله يسعدكم واعطوني الجواب المقنع وش اسوي ..
والله احياناً تقول نفسي روح اسحب شهادتك واتركها ونفس تقول كمل وخلها على الله وما ادري افيدوني رعاكم الله

[dode999]

هلا وغلا اخوي

اول شي الف مبروك قبولك في الجامعه

ثانيا

اخوي انت شهادتك علميه .. يعني تقدر تحول كلية الطب اذا تبي

لكن كل كلية في الجامه تخضع لشروط


مثلا الهندسه يبون معدل اكثر من 4 و درجات ما تقل عن 80 في الانجليزي والرياضيات والفيزياء


انت يالغالي اللي عليك اولا انك تجيب معدل طيب وتحاف عليه الترم الثاني ..

بعدين تقدر تحول من كلية لكلية اخرى لكن بتدرس كم مادة زيادة .. مثل الاحياء والاحصاء والرياضيات << وتجيب درجات حسب اللي تشترطها كليتك .. ومعدل ايضا



و في الاخير مافي شي مستحيل يا عزيزي

ويمكن ترتاح في الادارة وتتخصص ادارة اعمال او كلية الاداب قسم اعلام ..


مايدري الواحد وين نصيبه ..

انا كنت ابي هندسه .. وبعد السنه التحضيريه استخرت ربي ولقيت ميولي حاسب الي

فانت ادرس الحين وشد حيلك و جيب معدل امتياز لا يقل عن 4,75

ليه لا ؟

اخويانا والله جايبين معدلات 5 من 5 في السنه التحضيريه ..


الله يوفقك عزيزي

[من جامعة الهم خريج]

الله يوفقك يالغالي ...
بس انا مساري اداري انساني مافيه بعد التحضري حاسب وانا ابغى حاسب او اي مادة علمية او تعتقد او موكد اني اقدر انحرف عن مساري هذا واروح المسار العلمي بعد السنة التحضيرية ... تكفى الله يخليك عطني الخبر الاكيد والنصيحة منك الله يسعدك ..... تعرف انا الحين مثل الجاهل ما اعرف نضام الجامعات ,,, ساعدني الله يسعدك .

تخيل ادرس مواد الشرعي وانا علمي ما تصير ,,,,,,,,,,,

[أنثى نرجسية]

::

\/


للآسَف كليّة الحآسِبآتْ متآحَة فقَطْ لـ المَسَآرْ العِلْمِي ..

بِـ النِسبَة للتحويل منْ المسآرْ العِلمِي لـ الإدآرِي اللإنسآنِي ممكِنْ ’ لَكْن بِـ آليّة خآصّة مآآعرِفْهَآ تقدَر تسآل فيهَآ دكتورْ مشآط


وبِـ التوفيق ~ } ..

[digital-girl]

السلام عليكم...

اولآ..أسال الله ان يوفق وييسر ويفتح ابواب الخير ويرزق...

كل من كان له طموح وسعي وسؤال وراء حاجته..,,

ما اروع ان يكون للانسان همه وهدف يسعى ويجري وراءه.. ..

لكن ليش الهم والغم والنكد


بس ابي اذكرك.,,,

قال الرسول علية الصلاة والسلام ((من كانت الآخرة همه جعل الله غناه في قلبه وجمع له شمله

وأتته الدنيا وهي راغمة ومن كانت الدنيا همه جعل الله فقره بين عينيه وفرق عليه شمله

ولم يأته من الدنيا إلا ما قدر له ))..

نصيحه لا تخلي عدم تخصصك في الماجل الي انت تبيه نهاية العالم ...,,,..

ماتعرف فين الخير بطريقك..

يمكن بعد هالعقبه تتيسر امورك ..

مشكلتنا ننسى طريقة مهمه تريحنا وتسعدنا.... الا وهي الدعــــــــاء

ادعي ربك واستغفر ليل نهار...ولا تنسى رمضان الحين والعشر الاواخر لاتضيعها

بالندم والتأفف ..

ادعي ادعي ادعي ..واعمل واسعى واطلب من الله الرزق..

..وبتلاقي رزقك ..

---------------------------------

انت الحين علمي ودخلت تحضيري مسار اداري..ليش وكيف..,,؟؟ ماهو السبب

واعتقد ان الي يدرس مسار اداري ماينفع بعدها يدخل اي تخصص علمي..

مثل الي يدرس باادارة واقتصاد سنه وبعدين وده يتخصص بعدها كيمياء ..ما تجي..

لأن فيه مواد بالسنه الثانيه تعتمد على مواد بالسنه الاولى..

هذا الكلام من تحليلي الشخصي والله اعلم..يمكن يكون ... غـلـط

بس انت تأكد من موقع الجامعه.. وادعي ربك وكون ايجابي ...

..وبعدبن لو درست سنه وتعبت واكتشفت انهم مايقبلون...برضوا مو نهاية العالم..

ياما ناس ما درسوا وتعلموا إلا وهم بالاربيعين...

وياما ناس تخرجوا بعد 4 رسنين دراسة باكالوريس بمكان مو ميولهم..

وبعدها عرفوا مجالهم وميولهم ودرسوا

وابدعوا ..وافضل من غيرهم بمليون مره..

...يعني لو ضاعة سنه الحمدلله تقدر تروح لأي جامعه ثانيه ...لا تحطم نفسك بنفسك ..

وتضيع مستقبلك بيدك..

العلم ماله عمر محدد..ولا زمن..

باقي الأبواب مفتوحه قدامك..

والعلم والكتب موجوده بكل مكان ..

الحمدلله انت احس مية واحد غيرك الي حتى مايفكر بالدراسه ..ولا بالتخصص

وبالتوفيق..

[من جامعة الهم خريج]

يا خوي العزيز ,,,
انا نسبتي الموزونة 76 والمسار العلمي مايقبل
الا من 80 وفوق لهذا السبب ما قبلت الا في الاداري
يعني مواد الي شهاذة شرعي والي قاهرني
ان نسبة الثانوية ممتاز والله 93 كيف ما اقبل
والله ان الامور تسكرت في وجههي اما الحين
ما ادري مين اصدق ومادري وين اروح
لكن الاريح اني اسحب شهادتي واروح
لا احد هالدورات العسكرية .

ياليت احد يرد علي بسبب مقنع ؟؟؟
اخوي digital-girl
... لك جزيل الشكر والاحترام ...
... وخالص الحب والوفاء ...
... ويعطيك الف عافية على ردودك ....

[dode999]

عزيزي

لا تجلس كل شوي تقول انك جايب 93 مسار علمي

انتو دفعتكم تساهلو معاكم و اختباراتكم من مدارسكم ..

وبعدين انت عارف ان هالسنه معتمدين على القدرات والتحصيلي وانت شايف كم جايب فيهم


انا ما احبطك يا عزيزي لكن لا تعيش وهم و تحسس نفسك انك مظلوم


اسمع يا قلبي

انا تخرجت قبل سنتين من الثانويه العامه وكانت نسبتي 95.36 مسار علمي 68 قدرات 68 تحصيلي

ما انقبلت في الكليات العسكريه (( حلم حياتي ))
ما انقبلت في البترول والمعادن
ما انقبلت في البعثات الخارجيه (( بسبب القدرات اقل من 70 ))
ما انقبلت هندسه في جامعة الملك عبدالعزيز (( الهندسة طالبين موزون 87.50 )) وانا جايب (( 87.25 ))

وقتها كانت الهندسه بدون سنه تحضيريه


شايف كيف انقفلت الدنيا بوجهي ؟؟؟؟


ما لقيت الا كلية العلوم دخلت فيها و دمعتي في عيني .. شديت حيلي و استخرت ربي .. و ارتحت للحاسب اكثر

و الحمدلله جبت معدل يبيض الوجه ودخلت كلية الحاسب .. وبكمل دراسه واتخرج ان شالله وبقدم على الكليات العسكريه


شفت كيف يا عزيزي الشخص يسعى جاهدا للوصول الى طموحه ؟


انا ما اقلك اعتبرني مثال .. انا مجرد شخص عادي .. غيري احسن مني بمراحل ..

لكن خذ من قصتي عبره .. والله يوفقك

نصيحه اخوي .. ترى الاداره والله العظيم فيها الخير والبركه

انا تخصصي نظم معلومات ،، ونص موادي ادرسها من كليتكم ...


و صدقني لو تدرس في الادارة وتجيب واسطه وتحول الحاسب بتتعب من نواحي كثيره ما استفدت منها في السنه التحضيريه


الانجليزي بيكون اصعب عليك .. بتكون عندك مشكلة في الرياضيات والاحصاء



عشان كذا انصحك تشد حيلك و تواصل في كليتك ..


وخلي الدورات العسكريه ..

تخرج يا بعدي وقدم على اي كلية عسكريه وتخرج ضابط باقدميه سنه

لا تفوت الفرصه .. مستقبلك بين يديك .. نصيحة من اخ مسلم



تحياتي لك

[من جامعة الهم خريج]

اخوي dodoe999
اشكرك من خالص قلبي
على الردود ....