انجليزية بس ماهو اكيد

[NaRa]

لسلااام عليكم و رحمة الله و بركاتة

أنا صرااحة عندي أمل أني ادخل انجليزي بش شكله

محد بيعطيني وجهة ,
الموووووهم

عندي ثلاثة أسئلة ياليت تجاوبين عليها ,,

السؤال الأول ..

وش الأحسن مسار اللغة و ألا الترجمة .. و الأسهل ؟؟

السؤال الثاني ..

ياليت أي طالبة انجليزي تعطيني أسماء الأستاذات اللي شرحهم زين
و عليه القيمة ؟؟

السؤال الثالث ,,

وش نصايحكم للمبتدئين ؟؟

[NaRa]

ياااااااربي و لا أرد

اجبروا خاطري لو بنص رد راااضية

[الإمبراطورة]

أهلين عزيزتي ^_^

وموفقة بإذنْ المولى..

ِِِ
بالنسبة لإستفسآرآتك

وش الأحسن مسار اللغة و ألا الترجمة .. و الأسهل ؟؟

إلآ ألآن لم يُفتح مسآر الترجمة.. وأعتقد إنو حـ يطول..
وبالنسبة لأية أسهل..
اللي أسمعه منْ الأستآذآت والمُجربينْ..
اللغة أسهل,, لأنْ الترجمة تتطلب مستوى متقدم جدآ في اللغة الإنجليزية..

ياليت أي طالبة انجليزي تعطيني أسماء الأستاذات اللي شرحهم زين و عليه القيمة ؟؟

هذآ السؤآل مررة مآ أحبه..
وأنصحك لآ تخليه من اهتمآمآتك..
لأنو في مُعظم الأحوآل مآ حتتحكمي في الاختيآر وحتندبي حظك.. وإنتِ اللي بتأكليهآ..,,
ع العموم أُستآذآت المستويآت الأولى مررة تمآم

وش نصايحكم للمبتدئين ؟؟

هذآ السؤآل جميل..
النصآيح كثيرة.. أهمهآ : أكثري منْ القرآءة- خآصة القصص والرويآت
اتعرفي على الخُطة الدرآسية والموآد منْ الآن..
امشي ع الخُطة الدرآسية بالتمآم ولآ تلخبطي في الجدول..

إممممممم إذآ تذكرت شيء حأقول لك

موفقة..

دُمتم سآلمين..
(:

[nour al3mr]

هلا والله غاليتي ..
لا حشا ما احد يردك ان شاء الله كل الاخوة والاخوات هنا متعاونين وان شاء الله تلاقي اجوبه على استفسارك..

راح احاول اساعدك بعد عون الله على قد ما اقدر..

بالنسبه للمسارات على حد علمي انه الى الان ما فتح مسار الترجمة في الجامعه فهو مسار واحد فقط ..
وطبعا انسي كلمة الاسهل في الجامعه لانه مافي شيء سهل من دون جد واجتهاد بعد التوكل على الله ...

اما الاستاذات فعندك كثير ماشاء الله استاذات قمم بس ان شاء الله لا تخصصتي راح تعرفي
بس اعطيك بعض اسماء الاستاذات اللي درسوني وفي نفس الوقت من خبرات البنات..
عندك مس سحر نصيف .. الآء المحمدي ..ابرار مجدي ..سهام فطاني .. وغيرهم كثير بس هذول اللي يحضروني حاليا في قسم الانقلش اما استاذات الفرنسي انا اعطتني مس صالحه القحطاني وماشاء الله قمة ..

اما النصيحه :. انك تتوكلي على الله و تثقي انه معاك في كل حال واحسني الظن فيه لانه في بنات دخلوا هذا القسم وقرروا يسحبوا بسبب احباط او صدمة ما اتوقعوها ..
وطبعا في اللي كمل فانتي خليك مهيئه لكل شيء
يعني لا قدر الله اذا نزل المعدل حبتين لا تنصدمين ..
وطبعا حاولي تطوري من نفسك ولغتك قد ماتقدري حطي هدف قدامك تبغيه تحققيه من ورى تعلم هذي اللغه وكل ما تياسي او تملي ذكري نفسك بالهدف وانتي بتجيك طاقه ودافع انك تكملي دراستك ..
ياعزيزتي هذا القسم يعتمد بشكل كبير على مجهودك الشخصي كميه الكلمات اللي عندك وقدرتك على التحدث بطلاقه ووو.....
فادخلي مواقع انجلش وحاولي تطوري من نفسك ..ونمي الفوكابلري عندك وكميته لانه بيساعدك كثيير ..
ولاتسمعي للبنات اللي يحبطوا ويقولوا انه قسم العذاب لانه مافي شيء سهل في الجامعه من دون عزيمة وجد واجتهاد..
بس لا اخفيك انه يعتبر قسمنا من اكثر الاقسام صعوبه على مستوى كليه الاداب << راي شخصي

اعتذر على الاطاله اتوقع اني لخبطتك اكثر من اني افدتك ..
بس لاني كتبت الرد بسرعه هههههههههههه..
اي استفسار ان شاء الله اساعدك وربي يوفقك ويحقق لك مرادك ..
دمتي في حفظ الرحمن...

[*MISS CUTE*]

اهليييييييييييييييين حبيبتي ..
بالنسبة لاسئلتك ...
السؤال الاول جاوبوك البنات ...
ام بالنسبة للسؤالين الثانيين ....

ياليت أي طالبة انجليزي تعطيني أسماء الأستاذات اللي شرحهم زين و عليه القيمة ؟؟

بالنسبة لهذا السؤال الاستاذة غالبا يعتمد على المادة نفسها الي بتعطيها الاستاذة ...
فعند بداية كل ترم ياليت تحطي المواد تبعك واسماء الاستاذات وان شاء الله نفدك فيها ...

وش نصايحكم للمبتدئين ؟؟

شوفي حبيبتي حتلاقي تحطيم كبيرررررررررررررر من جانبا لكل استاذات طالبات حتى معدلك ممكن ينزل حبتين ...
بس ادعي ربنا وربنا ما يخيب ظنك وعن تجربة ....
واستغفري كثير ...
طبعا هذا اول شيئ غير كده اقرأي كثير بالانجليزي ممكن يفيدك ...
واذا احتجتي اي شيء انا في الخدمة ...
ربنا يوفقك وتعدي سنوات دراستك على خير ...

[dedo11]

وش الأحسن مسار اللغة و ألا الترجمة .. و الأسهل ؟؟

ههههههههههه كان قبل دفعتي في مسار ترجمة اما دحين قفله بس فيه مسار لغة حسبي الله عليهم

ياليت أي طالبة انجليزي تعطيني أسماء الأستاذات اللي شرحهم زين
و عليه القيمة ؟؟

رشا قزاز طيبوبة وحبوبة بس مرة دقيقة ماشاء الله بس عسل يعني حترتاحي حتحسي زي كانها اختك الكبيرة
وابتعدي عن شادين لانها مررة ماهي كويسة
واستاذة ريم فطاني حلوة في الرايتنغ بس لازم تشدي حيلك وتبينيلها اهتمامك بالمادة
والله لايضيع اجرك ان شاء الله
وفي استاذة حنان جبر ومايا طيبين م رة وحلوين الله يوفقهك
السؤال الثالث

وش نصايحكم للمبتدئين ؟؟

نمي نفسك في الكلمات وحاولي لا تمر كلمة ماعرفتيها
عشان كدا في مادة القراءة يعطونا كلمات كتييييييييييييييرة
يعني نفسك نفسك طوري نفسك في اللغة قد ماتقدري
والله يوفقك

[NaRa]

حبيباتي والله مدري وش أقوول لكم و ربي ما قصرتم

والله و يوفقكم و ينولكم اللي في بالكم قولوا امين ,, و لا يحرمني منكم


أختي نور العمر ,, قلتي فية مواقع انجليزي ياليت تعطيني اسمها أو رااابط

أذا ما عليك كلاااااااااافة

تحياتي لكم

[أزرق]

الله يوفقك لازم يكون عندك طول نفس ويكون انتي حابه هالتخصص لغتيك لازم انتي طوريها وتعتمدي على نفسك
ولايهمك التحطيم واتوقعي معدلك ينزل اقل شي النصف
بالنسبه للاستادات يختلف اللي تناسبك مو شرط تناسب غيرك يعني حاولي تجربي بنفسك:)
دعواتك

[مني يغار الورد]

الله يوفقك بجد إستفدت أنا كمان والله ييسر اللي فيه الخير

[nour al3mr]

المشاركة الأصلية كتبت بواسطة NaRa حبيباتي والله مدري وش أقوول لكم و ربي ما قصرتم والله و يوفقكم و ينولكم اللي في بالكم قولوا امين ,, و لا يحرمني منكم أختي نور العمر ,, قلتي فية مواقع انجليزي ياليت تعطيني اسمها أو رااابط أذا ما عليك كلاااااااااافة تحياتي لكم

هلا والله حبيبتي لا كلافه ولا شيء اخدمك من عيوني
هذي مجموعه من الروابط ان شاء الله تفيدك ...

http://majdah.maktoob.com/vb/redirec...r-english.com/

http://www.esl-lab.com/

http://www.english4arab.net/vb/showthread.php?t=1743

http://www.manythings.org/

http://www.learnenglish.org.uk/

http://www.englishclub.com/learn-english.htm

http://www.bbc.co.uk/arabic/arabic_elt/index.shtml

http://esl.about.com/blbeginner.htm

http://www.english4arab.net/

http://www.languageguide.org/english/ar/

هذي مجموعه وان شاء الله اي مواقع اضافيه راح احاول احطها ..
ربي يوفقك وجميع الطلبة والطالبات و يرشد الجميع الى ما فيه خير وصلاح..
دمتي بخير ..