و أخيراً ،، أخبار جديدة عن إختبار تحديد المستــووى < يا تلحق يا ما تلحق

[د. أسامة]

بسم الله الرحمن الرحيم

الموقف الأول / الإسبـوع اللي فات راح إبن عمي ثامر لرئيس شعبة الإنجلش - مكتبة في مبنى 73 - و سـأله : هل الإختبارات النهائية للإنجلش بيكون موحد لكل المستويات ؟ ،

رد عليه الدكتور بقوله : لا ، بالنسبة للمستــوى 1 و 2 بيكـون إختبارهم مختلف و أسهل من المستويات الباقية .

يا جماعة و الله العظيم الخبر هذا وقـع كالصاقعـة على ثامر و انصدم , يعني هو قال لي بعظمة لسانـه : بأني ندمت لإني حليت على حسب مستواي ( مستوى ثامر في الإنجلش أعلى من المتوسط ) . و دار نقاش مطول بينه و بين الدكتــور ، و في الأخير قال الدكتــور : إنت إذا شديت حيلك مع الدكتــور ممكن يرفـعـك لمستــووى أعلى .
و بالطبـع إذا كان الدكتـور يقدر يعليك أكيد يقدر ينزلك ^_* ، يعني قرار عدم توحيد الإختبارات هذا يعتبر مصيبة كبيرة جداً للآســف حتى إني اليوم قابلت أحد دكاترة الإنجلش في الجامعة و قال لي : و الله إنها مشكلة كبيرة و مو لاقين لها حل .

و الطلاب كلهم بيطيحون مستواهم علشان يروحون للإختبار الأسهـل .

و أنا جاء في بالي حل جداً جميــل هو ][ إن الإختبارات تبقـى موحدة ، و يبقى المقرر موحد !! ، كييييييييييييف ؟؟ أنا أقولكــم : بالطبـع إللي مستواه 5 - إللى هو أعلى مستوى - إذا كان المنهج موحد لكل المستويات ما بيأخذ كل المنهج و بيأخذ أشياء تحدد له - من قبل شعبة الإنجلش - من المنهج ، و إللى مستواه 4 يأخذ أشياء أكثر من المستوى 5 من المنهج و هكذا ، و إللي مستواه 1 يأخذ كل المنهج ، و يكون كذا إللي مستواه 5 و 4 و 3 ما ينظلمون لإن بإمكانيته إن يقرأ المقرر كامل حتى إللي ما شرحه له الدكتــور على حسب مستواه ][ << زي سالفـة العلمي و الأدبي أيام الثانوية في منهج الأدب و النحـو ، حيث إن حقين العلمي يأخذون مواضيـع أقل من الأدبي إللي يأخذون كل المنهج

الموقف الثاني : اليوم قابلت أحد الدكاترة في الجامعة و تعشيت أنا و إياه سوى و دار بيني و بينه نقاش ، عن موضوع متى بتعلـن نتائج إختبار تحديد المستوى ؟ و إين سوف تعلــن النتائج في الأودس أم في غيره ؟

قال لي بالحرف الواحد : غداً كل طالب يتجـه إلى شعبته إللي داوم فيها الأسبـوع إللي فات , و يمر عليكم شخص و معاه ورقة فيها أسماء المتواجدين في الشعبة و نتيجة أختبار تحديد المستوى ، و على إثرها يوجهكـم إلى القاعات .

و كمان قال لي بعض الأشياء الأخرى : زي إن ورقـة إختبارك ما يصححها الدكتـور حقك و إنما يصححها دكتور آخر ، و كمان في البرزنتيشن يقيمونك دكاترة غير اللي درسـوووك و يعطونك درجـتك من عشرة .

و أنا و الله ما حبيــت أكتــم إللي أملكــه من الأخبار و أقتصرها على نفسي ، و أنا قلبي مفتـوح للجميـع أي سؤال أنا جاهز ، أي إستفسار أنا جاهز ، و أي شخص يملك أي معلومة لا يبخل بها علينا و جزاكم الله خير

معلومة على الطاير ^_^ : ][ تم إختيار كتب Northstar من بين عدة مقررات لتدريس الإنجلش ، و السبب هو إن كتب Northstar لا يوجد بها أي إرتباط بأي دين و تقريباً هي موجهه للشرق الأوسـط ، و لكن المقررات الأخرى تحتـوي على بعض الجمل الخارجة عن ديننا الإسلامي زي : أنا كنت في الكيسـة أو أنا شربت الخمر و غيرها كثير ][ .

وشكراً