هنــا نحاول حل مشكله الانجلــيش (بنات)

[طقوس ..~]

السلام عليكم

ان شاء الله دحين كل وحده روقت وارتاحت


والحمد لله على كل حال


راضين بـ قدر ربنا


بس مو معناته اننا نسكت ونكتف ايادينا



انا وريموو قررنا نرسل لمدير الجامعه


على الاقل . .نروح نراجع ورقنا ونقطع الشك باليقين



ايميل مدير الجامعه

almodyr@kau.edu.sa


واذا عندكـــم ايميلات مسؤولين ومسؤولات ثانيات حطوها هنا



/


قبل ماترسلو بقولكم شئ


اول شئ لازم الخطاب يكون رسمي .. ولما تخاطبي المدير او المسؤول تخاطبي بلغه الجمع

معاليكم .. حضرتكم.. والخ

تاني شئ خلونا نبتعد عن المطالبه بالعواطــف .. يعني نخليه رسمي ونوضح احنا اش نبغى بالضبط وبلاش نذكر همومنا ونبكي على الاطــلـآـ ل لانه احنا بنات وعواطفنا تكتب قبل عقلنا بـ إنتبهو لدي النقطه .. مااتوقع احلامنا تهم ــهم

ثالث شئ.. الايجاز ثم الايجاز ثم الايجاز لانهم مو فاضين لنا

يلا الله يشرح صدرونا .. وييسر امورنا ويحلل عقده من الستن.. يفقهو مطلبنا ياااارب


,

[طقوس ..~]

طلــب إعاده النظر


بسم الله الرحمـن الرحيــم


السلام عليــكم ورحمه الله وبركــاته


بعد التحيه .. معالي المدير:


بعـــد ان ضاقت بنا السبـــل فى ماده الانجليزي 102 (تحضيري مسار علمي) .. ..قررت ان ارسل لكـم .. وكـــلي ثقه انكـم لن ترضوا بالظلــم إن وقع . . و ستحلون لنا مشاكلــنا .
معالي المدير..نحن طـالبات السنه التحضيري قسم علمي .. اغلبنا لم يدرس بالخارج .. ولم يدخل ارقى المعاهــد ..
ولكــن ماده اللغه الانجليزيه لم تكن تسبب لنا مشكلــه اطلاقاً .. فنحن نتعلــم تدريجيا حسب مخطط وضعوه لنا فى دراستنا الثانويه .. و وضعتموه انتم لــنا فى دراستــنا الجامعيه ..
اتممنا اللإختبارات .. وتمت بحمد الله .. واعتقد ان الطـالب يتنبئ نسبياً بـمستواه من طريقه حلــه ..
رُصدت درجات ماده الانجليزي 102 .. راجعنا مركز اللغه وكــلنا امل بـ إقتناع يرضينا ..لـ تجيـب المسؤوله بأنه لا يسمح لنا بمراجعه ورقه الـأختبار.. بـحجه عدم وجود وقـت لذالكـ ..
لــــيرسم الأنجليزي بـ درجاته ملامح فشل غامــض
ولـــيرسم بـداخلنا اكبر علامه تعجـــب !
ونرى يا معاليكم اننـا قدمنـا مستوى اعلــى من مستوى الدرجات التي رُصدت مؤخراً
الخطأ وارد فى التظليــل .. والـ نتيجه مُعلـــنه .. والتسكـــين والـآحلام اقترب وقتـ فرزها .. وماحدث اثر سلبياً فى معدلاتنا ..وغير من ملــآمح توجهاتنا
؛

هـــل يحق لنا كطالبات تحضيري ان نطالـب بـ إعاده تصحيح او مراجعه اوراق اختباراتنا لـلـتأكد من الأخطاء
؟!
اتـــمني ان نجد عندكـم الحـــل الشافي .. والجـــواب المقنع .. واتمنى ان تأمرو بإعاده النظر فى كشف الدرجات و سوء احوالها

ابنتكـم


.



/


هذا اللى ارسلته

[مايلي]

روعه ياخوخه راح احاول ان شاء الله اكتب واحد

[Nymph love]

اسفة لاني ما قريت موضوعك كامل....

بس انا فعلا رسلت للمدير ...واعتقد انو كان جيد
واتمنى الرد يكون عند حسن ظن الجميع...

مع اني لااخفي عليكم انه لن يتم اي تغير...واعتقد انو الانجاز الوحيد الي رح نحصل علية هوا اننا قدرنا نوصل صوتنا الي المدير...
وحسبي الله ونعم الوكيل...
على فكرة...درجت الانقلش تبعي ما نزلت:(

[M!ss Mojy]

ايووه هاذا الي انا اقصده

يعني لمن الواحد يعترض يكون اعتراضه على شي محدد

عشان بجد تكون في نتيجه لصالحنا

وبجد اسلوبك رائع ياخوخه

وياليت اي احد يبغى يعترض يسوي زي خوخه

مو بس نعترض كذاااا والسلام

وان شاء الله يكون في رد ع رسالتك ياخوخه في اقرب وقت

[طقوس ..~]

يــــــاكريم



ياربـ بس


والله قادر يغير درجاتنا ونرفع المعدلات


بـــس اهم شئ

كلنا نرسل

كل وحده حاسه انه درجتها مشكوك فيها


ترسل


عشان مع كثره الطلــب


وايجاز المطلوب

ح نقدر

[حور الجـنان]

شوفوا الناس المروقين


اوكيه يا قمر


انسق الرسالة وارسلها باقرب وقت


..........................................

[جالكسي22]

حبيبتي والله ماحتلاقي اي رد

بس
الله معاكم

[Nymph love]

المشاركة الأصلية كتبت بواسطة جالكسي22 حبيبتي والله ماحتلاقي اي رد بس الله معاكم

اميين...:(

[طقوس ..~]

طيب


معليـــش حتى لو مالقينا رد



يصير اسمنا


سوينا اللى علينا


:)