تعليم عن بعد موارد بشرية طالبات

[كل الأمل]

السلام عليكم و رحمة الله و بركاته
هل يوجد امكانية للدراسة عن بعد او انتساب في قسم الموارد البشرية للطالبات
علما اني في الرياض
اريد التفاصيل
جزاكم الله كل خير و وفقكم
اعتذر اذا كان القسم غير مناسب
اذا كان القسم غير مناسب
أرجو نقل الموضوع و عدم حذفه

[Hessah_S]

وعليكم السلام
هلا اختي التسجيل بيفتح نهاية الشهر هذا او شهر 8 وقتها بيكون واضح كل الاقسام المطروحه تقدرين تسجلين عادي ماعندك مشكله وتقدرين تختبرين بالرياض ولا يحتاج حتى تسافرين لجده
بس ماني فاهمه بالضبط هل تبغين معلومات عن القسم او القبول بشكل عام

[كل الأمل]

كنت ابي اعرف هل يقبلون البنات انتساب او تعليم عن بعد بقسم الموارد البشريه

و هل فيه تعليم عن بعد الي اقدر احمل المحاضرات اون لاين و يكون فيه درجات مشاركه
مو بس اختبار زي الانتساب
ابي كل التفاصيل
الله يجزاكم خير

[Hessah_S]

ايه يقبلون عادي
بالنسبة للتعليم عن بعد فيه نظام اسمه سنترا تدخلين عليه وتحضرين المحاضره اونلاين مع الدكتوره او تقدرين تشوفينها خلال اسبوع واحد عشان ماينحسب لك غياب لكن بتظل بالنظام لنهاية الترم والحضور عليه درجه طبعاً بس زي ما قلت لك مو شرط بنفس الساعه المهم مايمر اسبوع ما شفتيها
درجات التعليم عن بعد كذا تقسيمها 70 للنهائي و 30 لاعمال السنه الثلاثين هذي تتقسم على واجبات واختبارات و مشاركات يعني كانك طالبة انتظام تقريبا بس اون لاين
اختبارين دوريين و اربع واجبات و مشاركات مع بعض المواضيع اللي تطلب الدكتوره منك تشاركين فيها
صدقيني الثلاثين هذي بيدك طالما تختبرين الدوري و تحلين الواجبات اضمني انك بتجيبيها كامله

الله يسهل لك ويوفقك والقبول بيفتح بشهر 8

[كل الأمل]

هلا وغلا
هل فيه فرق بين الانتساب و التعليم عن بعد من ناحية أهمية الشهادة؟
و يفتح التسجيل شهر 8 قصدك بالميلادي او الهجري ؟

[Hessah_S]

سؤالك الاول جاوبوه كثير بالمنتدى ماقدر اقولك فيه فرق او لا من ناحية الاعتماد
و 8 بالهجري تابعي الرابط تبع التسجيل
http://admissions.kau.edu.sa/
بالتوفيق