ايقاف تصنيف الانتساب / طالبات

[ضحكتها غير]

السلام عليكم

هنا راح يكون تجمعنا طالبات اللي رافضين القرار اللي نزل بمنعنا من التصنيف
و راح اجمع اسماء الطالبات عشان الديوان ياليت نسساعد بعض ونتعاون عشان
م يروح تعبنا بالهوا السنين اللي درسناها ...



اللي تبغى تنضم لنا ترسل لي الاسم و هل هي متخرجة او ع وشك التخرج او طالبة لسا

و ان شاء الله م يضيع حق وراه مطالب ...

[انور عسيري]

بارك الله فيكي اختي ,
هذا مانتمناه من الطالبات وأن نقف سويا
ولاتنسين أن إدارة الجامعة هي المسؤوله أولا
بعد اكتمال تجمعكم أتمنى أن تخصصوا مجموعة من الطالبات الساكنات بمدينة جدة أن يذهبوا لمدير الجامعة كما سيفعل الطلاب بإذن الله

وهذي أوقات زيارة مدير الجامعة

[~*~ ملكة الليل ~*~]

حسبي الله ونعم الوكيل

[فراشة شتاء]

للاسف لسة فيه ناس جاهلة ..
الترم دا بطبق تدريب 2 عند اخصائية نفسية ولما فتحت معاها الموضوع لقيتها بتقولي:
(كذا افضل لاني اشوف الانتساب غير مؤهلين ومو مدربين كويس
افضل قرار هوا الغاء الانتساب من علم النفس تماما ويخلوهم مدرسين فقط )
انا بس ندمت اني بتدرب عند وحده بالعقلية دي
مو كأن جامعات امريكا واوروبا تعطي الماستر والدكتوراه بالمراسلة الان
العالم يتقدم وهما يطلعو قرارات تعسفية علشان مايخلقو اماكن عمل للخريجين الجدد
حسبي الله ونعم الوكيل

والان هوا حل من اتنين :
يايعفو دفعتنا من القرار "الغير مسؤول " دا
يايطالبونا بمدة تدريب اطول " تدريب الهيئة بعد التخرج" يكون 6 او 9 شهور مثلا
علشان يتأكدو من كفائتنا وقدرتنا على العمل مثل خريجين الانتظام بل افضل كمان

لكن بالطريقة دي كذا بيرمونا في الشارع
ومجهود سنوات هايطير بسبب "قرارهم الغير مدروس من البداية ماكانو يفتحو انتساب اصلا "
لان جامعة عبد العزيز الى الان لا حس ولا خبر ولا كأن الامر يعنيها
ولا كأنها اخذت من الانتساب مئات الآلاف بل ملايين في السنين الي فاتت

طالبات الغربية بليز نتواصل علشان نشوف مين هاتجمع معلوماتنا
وهما متعودين نشتكي ونتظلم يومين وننسى علشان كذا ماصارو يهتمو
لكن المرة دي بالذات لازم نستمر ومانيأس ابدا حتى لو اخذ الموضوع شهور

[سوري نيوتن اناسر الجاذبيه]

آه ياقلب لاتحزززززن انا معااااااااكم ولا راح نسكت ابدا ابدا واللي تبغوه انا حسويه معاكم

[تشاتشا 7]

وانا معكم ارفض اي قرار يضر بوضعنا كطالبات انتساب
(مدري الي فاهمته ان التصنيف يفيد بالوظائف الصحيه فقط وهي مجال انا لا ارغب فيه)
ومع كذى انا معكم بالي تامرون عليه اهم شي نكون كلنا يد وحدة ونقدر نوصل صوتنا للمسؤلين

[إرسم نفسك]

المشاركة الأصلية كتبت بواسطة ضحكتها غير السلام عليكم هنا راح يكون تجمعنا طالبات اللي رافضين القرار اللي نزل بمنعنا من التصنيف و راح اجمع اسماء الطالبات عشان الديوان ياليت نسساعد بعض ونتعاون عشان م يروح تعبنا بالهوا السنين اللي درسناها ... اللي تبغى تنضم لنا ترسل لي الاسم و هل هي متخرجة او ع وشك التخرج او طالبة لسا و ان شاء الله م يضيع حق وراه مطالب ...

بارك الله في جهودك


مجموعة الفيس بوك اللي أرسلته لك لا بأس به وهم بإنتظارك

ولا يهون البقية وكلما كان العدد أكثر كان ذا تأثير أكبر

والأخوات اللي بيلتحقون معك بإمكانهم الإنضمام لهم

[ضحكتها غير]

يعطيكم العافيه جميعا و ان شاء الله ربي بيكون معانا


اخوي ارسم نفسك يعطيك العافيه و ان شاء الله اللي رسلو ليا اسماءهم راخ اخبرهم ع القروب

وكمان في عندي قروب ع الواتس اللي حابه تنضاف معانا مجمعين الطالبات اللي رافضين القرار

اللي بتنضم معانا ترسل ليا رسالة ..

الله يكون بعوننا و يسهل علينا ...

[dr.nora]

معاااكم معاااكم ..

[ضحكتها غير]

ربي يوفقنا جميعا