:: استفسار بخصوص طلاب السنة التحضيرية علمي تحويل ::

[Foda_Tibby]

السلام عليكم

كيفكم اعضاء المنتدى؟

انا من طلاب السنة التحضيرية المسار العلمي

بس ابغى استفسر لو ابغى أحول السنة الجاية مع بداية الترم إدارة و اقتصاد

أقدر ولا لأ

وهل حيعادلوا المواد اللي درستها ؟

ياريت لو في أحد يقدر يجاوبني ومشكورين :)

^^

[Karella]

انا ما اظن كنت ابغي ادخل زيك بس قالولي اللي علمي علمي مايقدر يحول للاسف

[wow.]

انا سمعت انك تقدر بس بعد ماتدرس ترم او سنه وتجيب معدل

[Swεεŧ AŋGзL]

انا مااعرف اذا انتو الاولاد مثلنا بالتحويل ولا لا !!!

بس انا صحبتي كدا تبى كلية غير العلمية

قالوا لها تختار اي كلية والسنة الجاية أول ماتبدأ تروح لهم وتطلب تحويل لأي كلية ,, بس طبعا بحسب المعدل

[Foda_Tibby]

مشكورين أولاً

واااااااااو بالنسبة للنظام القديم يقدروا يحولوا بعد سنة من كلية العلوم للإدارة و الاقتصاد بدون اي معدل مطلوب لأنك جاية من علوم

كاريلا هما قصدهم بين الترمين ماتقدري اما اذا السنة كلها برضوا لأ فهذا كلام مرررررة لأ

اما ادرس سنة كمااااان واحول مررررررة لأ

<<<<< محطم

موفقين ان شاء الله يارب ومشكورين تاني

^^

[υикиσωи]

الي قالوه في الاسبوع الارشادي حق التسكين لما سألوهم دا السؤال ..


قالولها بعد ترم يمديكي تحولي ازا جبتي معدل عالي ..

[سيده ملعقه]

في لقاء عميده شطر الطالبات قالت انه العلمي يمديهم يحولوا بس بعد مايدرسوا سنه او ترم ويعادلوا لهم المواد بس من الادبي للعلمي مايمدي ماادري اذا الاولاد زينا ولالا

[أحلا من الحلا]

انا الي سمعتو من البنات انو يقدرو يحولو السنة الي تجي اذاكانت الطالبة ناجحة في كل المواد
والله اعلم اذا كان هادا الكلام صحيح ولا لأ واذا انتو كنتو انتو زينا أصلا ولا لأ

[Foda_Tibby]

ان شاء الله خير يارب

بس الاقرب انهم راح يعادلوا خاصة الاحصاء و الحاسب والماث و الانجليزي الاتنين ومهارات الاتصال دي كلها مواد عامة بالادارة و الاقتصاد وكمان احنا بناخدها اصعب بما انها انجليزي عدا الحاسب و المهارات عربي وبيدرسوا نفسها بالسنة العامة حقتهم


دا كل اللي اعرفوا من االلي اعرفهم ونشوف ان شاء الله

^^