حل اسئلة نموذج d في اختبار الكيمياء الفاينل

[الإعصار الأحمر]

اليوم كنت فاضي وقلت خليني احل الأسئلة حق نموذجي
الاسئلة الي يبغى يشوفها هنا
http://www.skaau.com/vb/showthread.php?t=70745


المهم ندخل في الموضوع

دي الاجوبة
بصراحة حليت كلها ما عدا سؤالين واحد طويل ويطفش والثاني بصراحة نسيت فكرتو

على فكرة في كم سؤال كان سهل
والبقية من متوسط لصعب لصعب جداً
وابو صعب جداً دا منو كثير :(

عشان اخلي نفسي من المسؤوليه دي الاسئلة حليتها بنفسي فممكن تكون صح وممكن تكون خطا

وبليز كل واحد يقول ماشاء الله << ماني ناقص واحد يصكني عين وراي احياء




1-
الجواب C
بالآلة :D

2-
دي سهلة من الجدول الجواب D
3-
دي تعتمد على قانون السرعة تساوي المسافة على الزمن
الزمن =المسافة على السرعة
السرعة هيه سرعة الضوء
المسافة نحولها ل m
الوقت يطلع 600 الي هو الجواب D

4-
الفكرة تعتمد على الرقم 0.62 دا عبارة عن نسبة جزيئات الرصاص في مليون جزيء من الدم
نقسم الرقم على مليون عشان نطلع نسبة جزيئات الرصاص في جزيء الدم
يطلع الرقم 2.7 في عشرة أس -7
تضرب الرقم في عدد جرامات الدم
يطلع الجواب D

5-
السؤال دا معطيك الكثافة والحجم ويبغى الكتلة
الحجم كيف تطلعو
الغاز موجود في كرة قطرها 16 CM يسير نصف القطر = 8
ومعطيك قانون حساب الحجم للكرة
طبق على القانون يطلعلك الناتج 2144.66 بال CM
طيب نعرف القانون الكثافة = الكتلة على الحجم
يعني الكتلة = الحجم في الكثافة
نحط الحجم والكثافة راح يطلعلك دا الناتج 48404.98
الوحدة هيه جرام ( شوف الكثافة ) المهم تقسم على 1000 يطلعلك 48.4
الي هو الجواب C

6-
دا سهل الجواب C
لأنو الوحيد الي عندو الأتوميك نمبر = 27 والماس نمبر = 27 +32 =59

7-
الفلور الأتوميك نمبر حق = 9
وبما انو اكتسب الكترون يعني عدد البروتونات =9 والالكترونات =10
يعني الجواب D

8-
الجواب D
لانك لو ضربت المركب الأول في 2 يعطيك الثاني

9-
دا السؤال سهل بس نقص عدد N من عدد P
الي يطلع مو صفر يعني النايترونات اعلى من البروتونات
الجواب B

10-
دا الي فهمت من واش المركب الي فيه عنصر من المجموعة A2
الجواب C لأن الكالسيوم موجود في المركب

11-
اول شيء نطلع مولات السكر بعدين نطلع مولات O بعدين نطلع عدد الذرات
المولات = الكتلة على الكتلة الجزيئية
الكتلة الجزيئية = 12*6 + 12+16*6
= 180
تطلع عدد المولات =0.025
عدد جزيئات O = 6
يسير عدد مولات O= 0.025*6
يطلع 0.15
نضربو في عدد افوجادرو
يطلع الجواب B

12-
دا سهل نضرب كل واحد في نسبتو ونجمعهم
يطلع الجواب A
اصلاً هو الواحد المعقول لأن الرقم لازم يكون بين 10 و11

13-
دا سهل المولات في افوجادرو
يطلع الجواب D

14-
دا نطلع كتلة N ونقسمها على كتلة المركب
يطلع الجواب C

15-
الجواب B
لأنو اكثر واحد يحتوي على مولات من Br ( طلع مولات Br في كل واحد وراح تعرف )

16-
دا سهل كل واحد اقسم نسبتو على كتلتو الجزيئية بعدين اقسمهم على اصغرهم
مولات C =3.667
مولات H=7.9
مولات N=1.121
مولات O=2.25
اصغر واحد N راح نقسم عليه يطلع
C=3
H=7
N=1
O=2
وزنهم الجزيئي =89
نقسم 178 على 89 يطلع 2
نضرب المركب في 2 يطلع الجواب C

17-
دي بالمقص أو مدري اش اسمو
المهم بضرب 0.973 في 2 عشان الكلور 2 مول
يطلع الجوب A

18-
اول شيء نطلع المولات = الكتلة على الكتلة الجزيئية
المولات = 0.045
الحجم عندنا بال ml فراح نقسم الحجم على 1000
يطلع الجواب B

19-
نحول CaF2لمولات
CaF2=0.087
انتاج HF النظري ( نضرب في 2 ) =0.174
نحول HF الي في السؤال الى مولات
يطلع =0.143
نقسمهم على بعض يطلع =82.18
اقرب جواب D

20-
دا بقانون التخفيف
الأول * الثاني قسمة الثالث
يطلع 631.25
هو يبغى الاضافة يعني الفرق
تنقص من الناتج 505
يطلع 126.25
الي هو D

21-
نقسم على 760
يطلع الجواب B

22-
يقلك الحجم نقص للثلث
عايدي اعتبر الحجم الأول =V والثاني يساوي ثلث V واحذف V مع بعض
يعني يسير 5.3*3
يطلع الجواب D

23-
دا سهل الجواب C

24-
حسب قانون افوجادرو
يطلع الجواب A

25-
دا تستخدم القانون الي فيه الحجم والضغط والحرارة
يقلك الضغط نزل للثلث ودرجة الحرارة نزلت للنص
من القانون تحوس شويه في يطلع في النهاية انك راح تضرب 10 في (3 قسمة 2 ( الناتج هو الجواب D

26-
من قانون افوجادرو
اول شيء نطلع المولات نقسم الكتلة على الكتلة الجزيئية
=2.95
يطلع الحجم =66.04
اقرب جواب C

27-
دا نستخدم القانون الي فيه جذر ال R نستخدم الثانية الي بالجول
يطلع الجواب D

28-
دا الي فهمتو من السؤال انو الغازين في علبتين وفكيتهم على بعض
اول شيء نطلع مولات كل من المادتين من قانون افوجادرو
He=0.047
Ne=0.545
دحين راح نطلع ضغطهم بعد ما انفتحو على بعض
اول شيء عندنا الحجم ثابت الي هو حجمهم مع بعض =4.6
الحرارة ثابته =289
الاشياء المتغيرة
المولات والضغط
يطلع He=0.242
اقرب جواب C
ما يحتاج نشوف التاني الا للتأكيد

29-
في قانون يقول
E=hv
هو طالب الانرجي
يطلع الجواب C

30-
دا من قانون
Y=h/mv
بس اول شيء السرعة نحولها ل m/s
يطلع 15.556
ايضاً الكتلة نخليها ب Kg

المهم بعد ما نحطهم في القانون يطلع جواب الجواب دا نضربو في 10 أس 9 عشان التحويل لنانو متر
المهم الجواب يطلع A

31-
دا الجواب A

32-
بصراحة ناس دا السؤال اش كانت فكرتو

33-
يطلع A
لأن الثالث عكس الرابع

34-
دا السؤال هو يبغى الطول الموجي للضوء الي يأين ذرة واحدة من K
اول شيء راح نحسب للمول الواحد
حسب القانون الي يقول E=hv
والقانون c=yv
الفركونسي راح يكون 6.32 في عشرة اس 38
الطول الموجي راح يكون 4.75 في عشرة اس -31
دا للمول الواحد فقط
راح نضرب على عدد افوجادرو عشان نطلع للذرة الواحدة
راح يطلع الجواب B

35-
اول شيء نحسب Kc راح يطلع =0.082
بقعدين حسب قانون المساوة بينهم راح تكون دلتا N =-2
راح تكون مع التقريب الجواب C

36-
دا السؤال طويل بس سهل يعتمد على طريقة الجدول

37-
الجواب B
سيس تكون لمن يكونو زيا داني الارنب :P

38-
الجواب C
اتوقع سهل

39-
الجواب D
لأنك تقدر تحط الكلور في اربعة مواضع
تكون رقم 1 أو 2 أو 3 أو 4
5و 6 و7 كلها راح تكون 1 و 2 و3

40-
الجواب A
لان البار يكونو عكس بعض

[υикиσωи]

ما شالله تبارك الله عليك ...

ربي يحميك ..

:)

[ultraviolet]

ما شالله عليك لا قوة الا بالله
إن شاء الله يكون حلك صح " مع اني اصلن ما شفت الاسئلة " .. بل انا متاكدة انو صح باين عليك واحد موثوق فيه

ربي يحفظك و تجيب الفل مارك إن شاء الله و كل الاولاد و البنات " و ازا مرررررررررة a + "
اقل من كدا إن شاء الله ما تعرفوه و لا تشمو ريحته ياااا رب

[البادي]

ماشاء الله عليك يا الإعصار الأحمر ومشكوووور وما قصرت ويمكن إذا تبغى تتأكد من اجوبتك تروح موضوعي يقولون حلو كل الأسئلة أنا مدري لسا ما شفت

[υикиσωи]

<<< خخخخخخخخخخخ

امااا صدقت ...!

ما حلينا ولا نص سؤال ...
هي هي هي هي

[البادي]

المشاركة الأصلية كتبت بواسطة υикиσωи <<< خخخخخخخخخخخ امااا صدقت ...! ما حلينا ولا نص سؤال ... هي هي هي هي

[M!ss Mojy]

ماشاء الله تبارك الله ربي يحفظــــــــــــــــــــك

انا من يوم شفت اسئلتكم هاذي جاني مغــــص هع

الله يبعد عننا اسئله زي كذا ...

[بيو كيميائية ^_^]

ماشاء الله عليك ربي يحميك من العين وإن شاء الله الفل مارك

تصدقوا سؤال 34 نفس طريقة حلي بس أنا ماسويت حق ذرة وحدة ماضربت في عدد افوجادروا
يعني حلي كان ناقص

[SoOoMa1990]

المشاركة الأصلية كتبت بواسطة الإعصار الأحمر 34- دا السؤال هو يبغى الطول الموجي للضوء الي يأين ذرة واحدة من k اول شيء راح نحسب للمول الواحد حسب القانون الي يقول e=hv والقانون c=yv الفركونسي راح يكون 6.32 في عشرة اس 38 الطول الموجي راح يكون 4.75 في عشرة اس -31 دا للمول الواحد فقط راح نضرب على عدد افوجادرو عشان نطلع للذرة الواحدة راح يطلع الجواب b

والله انك ملك .. ما شاء الله علييييييييييييك ...
مررة ما جااات على باااااالي .. طيب سؤال 32 حاول تفتكر فكرتوو لو سمحت ..

[SoOoMa1990]

كأني عرفتك .. انتا مو في شعبة c2 اللي في الكيمياء .. يدرسك الجعيد ؟؟
وفي القرامرر .. يدرسك داكا اللي يتكلم بسرعة .. خخخخخ