مدخل إلى علم النفس. د. صباح الرفاعي ( إنتساب )

[بشائر منير]

السـلام عليكم

بدأت دورة السنترا وأنا ما حضرتها ولا المحاضرات السنترا المسجله فاضيه

فحابه لو سمحتوا أعرف أيش معانا من المقرر؟
وكيف حتجي الأسئله؟

وشكرا للعلم أنا أخدتها مادة حره

[miss-h.s]

الله يعينكـ ع اختياركـ ..

انا كمان عندي مشكلة في تسجيل المحاضرات تضيع عليا المباشرة وانا في الدوام وارجع اكل هوى
للآن فاقدة 7 محاضرات .. ما اقول غير الله يخارجنا


وأن شاء الله إذا عرفت المفردات برجع اكتبها

[إيمان بن سليم]

المقرر علينا 1-2-5-7-8-11 وهذا اللي تشرحه استاذة صباح
وبالنسبه للاسئله للان ماتكلمت معانا عن طريقتها مع انه في كل محاضرة نسالها عنها

والله يوفق الجميع

[miss-h.s]

المشاركة الأصلية كتبت بواسطة إيمان بن سليم المقرر علينا 1-2-5-7-8-11 وهذا اللي تشرحه استاذة صباح وبالنسبه للاسئله للان ماتكلمت معانا عن طريقتها مع انه في كل محاضرة نسالها عنها والله يوفق الجميع

الله يسعدكـ إيمان ويسهل لكـ دراستكـ واختباراتكـ يااااااااااااااااااااااااااااارب
والله كنت حايسة هونتي عليها الله يهون عليكي دنيا واخرة



بس يقولوا أ.صباح مغيرة المفردات مو نفس اللي نازلة من الجامعة وفي نفس الوقت يقولوا توحدت الاختبارات ؟!!!!!!!!!!!!!!!

[سعاد 2011]

الاختبار موحد وذاكري الفصول من الكتاب 1-2-5 7-8-11

وفيه شرح للفصول نفسها تحصليها في الاودس من المحاضرات المسجله

[بنتـ الجامعهـ]

تسلمي ياعسل والله انا كمان حايسه بس ابغى اسال
كيف الكتاب عشان انا معايا واحد وما ادري هل هو نفسه والالا

وشكرا

[بنتـ الجامعهـ]

الكتاب تغير والانفسه حقت الاعوام الماضيه

[بشائر منير]

miss-h.s الله يعيننا وأن شاء الله البنات يفيدونا ..

إيمان بن سليم و سعاد 2011 جزاكم الله خير يا ريت تدونا خبر باللي يسير معاكم أول بأول

[بشائر منير]

المشاركة الأصلية كتبت بواسطة بنتـ الجامعهـ الكتاب تغير والانفسه حقت الاعوام الماضيه

الكتاب مسارات إلى علم النفس لـِ د. زكريا أحمد الشربيني.. د. رشاد دمنهوري.. د. السيد مطحنة

[ركود]

عزيزاتي المحاضرات ماتسجلها الاستاذة واللحين محتارة من ناحية التاشير..؟