ناديتها..يافلانه..~ردت علي بصوت خشن~ اسمي"خالد"

[أنثى المفاجآت]

~السلام عليكم ورحمة الله وبركااااااااااته~

^
^
^
^


"ناديتها ..يافلانه..ردت علي بصووت خشــــــن اسمي"خالــــــــــــــــــــــــــــــد"




هذا اللي حصل وهذا اللي انصدمت فيه قبل اياام بالجامعه ..


اكيد فهمتووووووا الحين..


بصريح العباااااااااره ..

اخواتنااااااااااا صــــــاروا شباااااااااااااااااااااااااااااااااب..!!!


امتلت الجامعه بمثل هالاشكاال واللي نطلق عليهم مسمى"البوي"

هذولا هم اللي لما نمر بجنبهم نتقزز منهم و نحس برهبه وخووف ومانصدق نتعداهم ..

حالهم بصدق صاارت تدمع له العين..


والله يااخواتي لو مو انا في جامعة بنات كان صدقت ان هالآدميه ولد..

والله هالاشكال بدت تكثر عندنا بالجامعه بشكل مخيييييييف..

.وقبل ماتكلم بالموضوع ..

خلوني اقولكم وش سالفة "خالد"وهاذي نقطه من بحر من سوالف " البوياات"


"كنت في جامعتي هذاك اليوم وانا ماشيه ورايحه لقاعتي مرت "بنت "ولاحظوا اني قلت بنت..
مرت هالبنت بجنبي .. ماباليت لاني متعوده ع مثل هالمناظر بالجامعه وكملت طريقي ..التفتت علي صديقتي اللي كانت معي وقالت لي"شفتي هالبنت "هزيت رااسي باسف " بدون ماتكلم لاني عارفه اني راح اسمع مصيبه جديده عن هالبنات لانهم الحديث الدسم في الجامعه..

كملت صديقتي وقالت :"تدرين ان اللي تناديها باسمهاا تقلب الدنيا عليه وتدخل المسكينه اللي غلطت وذكرت اسمها في هوشه مايفكها الا اللي معها .."

انا كنت امشي وانا اسمع السالفه ولما قالت لي هالكلام وقفت فجأه ..

وقلت :يعني وش تبيهم يسمونها ؟؟!!!

قالت: "خـــــــــــــــــــــالد"


انا لما سمعت اللي سمعته صدقوووني وقفت مفهيه وجلست اطالع في صديقتي..

تصدقون ماستحقرت هالبنت ومثيلاتها مثل كل مره لكن رحمتهم واشفقت ع حالهم..


المسكينه تبي تقنع نفسها واللي حولهاا انهااااا شااااااااااااب ..


والمشكله انها نهاية الدوااااااام ترجع بنت غصب عنهااااا !!

لانها بكل بساطه تاخذ عبايتها من صندووق العبايااات وتلبسهاااا وتطلع وهي مستاااااااااءه ومنقهرررره..

وتشوفونهم لما يلبسوون عبايتهم كيف يحاولون يتخبووووون من طيحة الوجه ..

وهذا ولا شي من اللي نسمعه لكن جبت لكم نبذه من سيرتهم المعطره "اسال الله لهم الهدايه والصلاح وان يعافيهم ولايبتلينا"

والله شي يضيق الصدر..

ويااخواات انا ماطرحت الموضوع كذا سوالف عنهم ..

انا طرحته نبي العلااج لمثل هالفئه وابي الاسباب اللي خلت البنت تقلب هيئتها وتتشبه بهيئة الرجل..

ظاهره بجد كثررت بشكل مايتصور..
يمكن تكون وحده منكم عندها صديقه او قريبه "بويه"وتهتدي البنت بعد الله سبحانه وتعالى على يدكم ..

وهذا الاسئله اللي في بالي الان واتمنى تجاوبون عليها اذا ماعليكم كلافه. ..

- ماهي الاسباب التي تدعوا الفتاة للتشبه بالرجل؟

- كيف التعامل مع الفئه؟

- علاج المشكله..؟

واختم كلامي بحديث عن المصطفى -صلى الله عليه وسلم_"لعن الله المتشبهين من الرجال بالنساء والمتشبهات من النساء بالرجال"


وقال بابي هو وامي"ثلاثه لايدخلون الجنه ابدا..الديوث ,والرجله من النساء ,وشارب الخمر,
قالوا يارسول الله :اما مدمن الخمر فقد
عرفناه فما الديوث؟ قال الذي لايبالي من دخل على اهله قلنا: فما الرجله من النساء ؟
قال: التي تتشبه بالرجال ) رواه الطبراني


تحيـــــــــــــاتي لكــــــم..

اختكم \أنثى المفاجآت..

[سنسونا]

أول شي أشكرك جزيل الشكر على طرحك لهذا الموضوع

اليوم وأنا أنتظر الطالبات يخرجوا من القاعة على أساس يجي دورنا وندخل
قاعده أتفرج في اللي رايحة واللي جاية ومو من عادتي أقعد أتفرج لأني على طول بعد ماأخلص طيران على البيت :)
وشفت بنت الله يشفيها لابسة ثوب بس لونه أسود
بصراحة انا ماخفت لأني شفت كثير ومو أول موقف يصير
لكن هذي البنت حزنتني لأنه فعلا جسمها زي الأولاد
فياريت المسؤولين في الجامعه يتعاونوا معاهم ويدخلوهم عيادات نفسية داخل الجامعه
عجبتني كلمة بوية هههههههه
تسلمي وشكرا مره ثانية
اللهم عافنا مما ابتلاهم به

[مزون عابرة]

مسآء الخيرٍ
ظآهره طفحت على السطح بكل جرأه ,,
انا اليوم كنت أتكلم مع أختي إني شفت بنت معي بالمحاضره كأنها ولد واقف
سألتها وين أهلها ما يشوفو بنتهم ,,,؟

لو تعمقنا نلاقي اسباب كثيره لل( بويآت)..
ممكن تكون مرض سلوكي ,, خلقي ,, فسيولوجي جنسي
التربية السآذجه في الطفولة الغير واعية غير ملتصقة بواقع الفطرة
تلاقي البنت من الصغر تعودت ان أهلها ينآدونها ب (أحمد ) مثلا ..فكبرت وهي أحمد!
او انها تربت في بيت كله شباب ,, وكان هناك فارق في معاملة البنت عن الشاب , بالتالي عشان تحصل على الي تبغاه وعلى نفس المعاملة وتثبت وجودها وتعوض أي مقص بدآخلها, لازم تصير (شاب) ولا تقدر تتعامل برقه وأنوثه
فقدان المثل الاعلى في البيت ,, وفقدان التوجيه
بعض الأهالي للأسف ما ربو بنآتهم فتلاقو البنت ربت نفسها بنفسها لكن كيف ؟
فتجد علاقة أو كتاباً أو مجلة وفكراً منحرفاً. كذلك ضعف الإيمان الذي يؤثر في ذات الشخصية في البيت خاصة.
احيانا التقليد يلعب دورٍ بين الصديقات

كيفيه التعامل معهم .؟ مهما قالو نآدونا ب( خالد ولااحمد وو) ما نسمع لهم
ننآديهم بأسمآآئهم الانثويه , الايحاء لهم انهم فئه منبوذه
التعامل بشده معهم من قبل الاداره في الجامعه او المدرسه
مشآركه الاداره اولياء الامور للوقوف على مشكله بنآتهم
اذا كانت الحاله مستفحله العلاج النفسي كفيل بعمل نقطه تحول في شخصيه وحياه الفتآه بإذن الله

والله المستعاان

[تـفـاااحـه]

المشاركة الأصلية كتبت بواسطة سنسونا أول شي أشكرك جزيل الشكر على طرحك لهذا الموضوع اليوم وأنا أنتظر الطالبات يخرجوا من القاعة على أساس يجي دورنا وندخل قاعده أتفرج في اللي رايحة واللي جاية ومو من عادتي أقعد أتفرج لأني على طول بعد ماأخلص طيران على البيت :) وشفت بنت الله يشفيها لابسة ثوب بس لونه أسود بصراحة انا ماخفت لأني شفت كثير ومو أول موقف يصير لكن هذي البنت حزنتني لأنه فعلا جسمها زي الأولاد فياريت المسؤولين في الجامعه يتعاونوا معاهم ويدخلوهم عيادات نفسية داخل الجامعه عجبتني كلمة بوية هههههههه تسلمي وشكرا مره ثانية اللهم عافنا مما ابتلاهم به

سنوسا
عادى ترا تعودنا انا مثلك
باول سمستر لمن شفتها انصعقت حبتين
وصارتلنا مواقف كثيره معها
وبعدين تعودنا
حتى مره كنا بالقاعه انا وصحبتى ومعانا بنت نعرفها بس بدى الماده وجالسين نتكلم عنها المهم واحنا بنص جلستنا البنت قالتلنها حتى انا نفس حالتها وراح اراجع المستشفى قريب عشات اتاكدبس
والله والله لو تدورو عليا انا وصحبتى تنحنا في بعض ومن الصدمه ما قدرنا نتكلم
ما انقذنا الا دخول الاستاذه وبداية المحاضره بس عن جد ابدا ما كان باين عليها
طيب هيا ليش تبغى تسوي فنفسها كده من حالتها النفسيه ولا من اعجابها بالبنت ولا من ايش مدري ؟؟؟
ومن بعدها ما شفنا البنت ولا كلمنها

بس ما نقول الا الله يهدي شباب وبنات المسلمين