نماذج اختبارات ماث وفيزكس ،، اتفضلوا :)

[جودْ]

//


السلام عليكم ي حلوين ..

اتمنى تكون سنه حلوه وخفيفه عليكم ي رب

وخاصه طلاب خطه أ ..

لأن موادها تقدروا تجيبوا فيها A+ بسهوله ان شاء الله ..

***


ندخل في الموضوع ..

انا عندي نماذج اختبارات للماث والفيزكس

دوري أول وثاني وفاينل

والله الاوراق مرا كثير .. وشايله هم كيف اصنفها لـ دوري أول وثاني وفاينل

* استفدت منها مرررررررررا كثييييييييييييييييييييييير

وصحباتي اللي صوروها مني برضو استفادوا منها كثير ..

هي طبعا نماذج حق الدفعات السابقه ..

* وفي منها محلول بخط اليد ، ومنها مأشر الجواب الصحيح بس ، ومنها مو محلول ..

( والاوراق مكتوب عليها وكذا ،، انا لما اخذتها جاتني مشخبطه ^^"

وفي كمان شخابيطي ، بس انتوا طبعا طنشوا أهم شي تقرأوا السؤال وتشوفوا الاختيارات )

---

ملاحظه / في اسئله في الماث ممكن تشوفوها شي غرررريب

مامر عليكم أبداً في الدراسه

طنشوها .. لأن كتبنا أتغيرت عن كتب الدفعات الثانيه

وانتوا رح تعرفوها بنفسكم لما تشوفوا السؤال



---

[ وفي ورقه فيها طريقه تحويل الوحدات في الفيزياء بطريقه سهله مررررا ،


تنحفظ بسرعه بدون تعب ..


طبعا أنتوا حرين اذا تبغوا تذاكروها ولا لا ]

---


---

كثير يقولولي بيعيها أو اعطيها بنت من قريباتي

وانا صراحه رفضت .. واتمنى من كل قلبي انه كل طلاب وطالبات التحضيري يستفيدوا منها

وما ابغى اعطيها بنت تستفيد منها لوحدها ..

فـ قولولي انتوا اش تقترحوا ؟!

انزلها لكم في مكتبه 2000 وانتوا تصوروها وتشتروها منهم

وبكذا يستفيدوا منها أولاد وبنات

اما اذا الاولاد وبنات الفروع الثانيه ( الفيصليه وغيرها ) مو حابين يشتروها !!

احطها بـ مكتبه خوارزم اللي في مبنى 7 في فرع الجامعه الرئيسي عند البنات طبعاً

//
*بمقابل ،، أنكم تدعولي بظهر الغيب ..



//

[جودْ]

محجوز مؤقتاً ..

رح أكتب لكم هنا

عدد النماذج لكل ماده ولكل اختبار ..

واسم الملزمه عشان تميزوها

أعتقد في كثييير نماذج اختبارات تنباع في المكتبات..

:)

[shahad5]

انا في الشرفيه وابغاها مره ماعندي فكره كيف حتجينا الاختبارات . .

[Amal Bakhsh]

اهليين

ممكن تحطيها في مكتبة 2000 احسن؟ عشان الكل يستفيد..بس قوليلنا ايش حتسمي الملزمات :)

[ReRe.H]

حطيها ف خوارزم < انانية p:
طيب اذا حطيتيها ف 2000 قولولنا وينها ذي المكتبة المصونة
وجزاك الله خيــــــــــــــــــــــــــــر
في موازين حسناتك ان شاء الله

[Amal Bakhsh]

انا اقولك فين مكتبة 2000

هي في السليمانية..تعرفي محل كارفور والبيك؟؟ هههههه لو تاخدي لفه من هناك راح تلاقي شارع كامل فيلو مكتبات وكده وبعدين تلاقي مكتبة صغيرة كده مكتوب عليها "قرطاسية 2000"

[حمني !]

والله مكتبة 2000 افضل رغم اني في عسفان بس باروح لهناك ان شاء الله دام فيها نماذج وكذا

[نص الملعب]

الله يسعدك يا شيخه
انا ما عندي مانع وين تنحط
متابعه الموضوع عشان اعرف ايش تتفقو بالاخير

جزاك الله خير و الله يوفقك

[ساعدوني رايكم يهمني]

الله يجزاك خير .. تساعدينا وتفكين ازمه ...

متابعه لكم ..

[L.a.m.a]

-

شكرًا لك وفعلًا محتاجينها :"
ما اتفقتوا للحين؟