لعبو في جدولي :((

[smasim]

السلام عليكم

تخيلو ياناس لعبو في جدولي كنت مسجلة مع الدكتورة حنان الجشعم ودحين لقيتهم حاطيني مع هدى عبدالحميد كيف ؟؟؟ مااادري !!!

وانا واللهي اول مادة اضفتها بالجدول هيه اقتصاد جزئي عشان كلو بس اخليها مع الدكتورة حنان الجشعم ... يعني باللهي دحين ايش اسوي :((

[باور هورس]

اذا نفس الشعبة بس غيرو الأستاذة
او نقلوكم شعبة ثانية وقفلو الشعبة اللي سجلتي فيها

فهذي تصيررر في أحسن العوائل ههههههه

عادي شيء طبيعي تكرر معايه كثيررر
اروح المحاضره احصل واحد ثاني
وهيه تكون اول وآخر محاضره عنده
و على طووووول عالشؤون التعليمية تغيير شعب

وبما انك في المستوى الثالث
رح تشوفي العجايب
لازم يصيرر عندك مناعه


روحي اي مركز صحي


وقولي ابغا تطعيم ضد جامعة عزوز
طبعا لازم تقولي التخصص لان التطعيمات تختلف

[smasim]

همه كانهم بدلو بين الاستاذتين يعني الاوقات صارت غير صار وقت الدكتورة حنان يتعارض مع وقتي فحتى لو ابغى احول عندها لازم اغير كل الجدول ... فياليتها جات على انهم يغيرو الاستاذة ويخلوها نفس الوقت كانت حتسهل ...

الله يعين بس مالنا الا الصبر و الدعاء

[د/شهود]

سارت فيني السمستر الماضي بس الدكتورتين كانو كويسين
بس انا اخدت مع هدى خيري ازا كانت هيا نفسها هدى عبدالحميد دي كانها جوجل ناطق قاعد كنت اكتب الترجمه معاها وارجع البيت افهم نفسي وكانت الدوريين من التست بانك وتاني دوري جابت كم سؤال الاه اعلم من فين وماتعطي وجه للطالبات وازا كلمتيها ومن حسن حظك مسكت معاكي وكلمتك ثانيتين تلاقيها صفتك وشبكت مع وحده تانيه والماده بالنسبالي كانت مجهود شخصي


ومن جد باور هورس لازم ناخد دا التطعيم

[smasim]

واللهي مرا مقهورة لانو الاقتصاد اول مادة اضفتها عشان بس اضمن اكون عند حنان وشوفي دحين بس يرمو على كيفهم ....


حسبي الله ونعم الوكيل

[ms.pEePsi]

:@ يقهررر
الله يصلحهم بس .. حاولي تكلمي احد يقدر يبدلك او شي
بس ترا اطمنك الماده سهله وبالنسبالي كانت ممتعه كمان :d
يعني لا تخافي وبس حاولي كل محاضره بمحاضرتها اقري وافهمي واغلبو حتفهميه واي نقطه ما تفهميها روحيلها واذا مافهمتي منها روحي لحنان يرضو يشرحو للبنات الي مو معاهم :))
اهم شي اول باول :))
والله يوفقك ان شاءالله :)

[_Sora]

لااااااااا لييييييش كدااااااا :"(((((
طيب استنو دقيقة !!!
مرة مااا ينفع نحول ؟؟ شعبة د حنان تبدا 11 ل 12 و تلت
قبلها ب نص ساعة ._."

[نوونيتا]

وي الله ياخدددهم ياررب
ما جانا من ورا دي الجامعه غير ووجع الراس
حتا انا سار هدى عبدالحميد
انا غيرت جدولي كولو عشان الزفت الاقتصاد
وددحين غيروها
حسسسسبي اللله بسس

[яαพαғ]

الـلـه يستر من المحـآسبة لآيرموني لـَ د . بـآشنيني ..
دآم آلموضوع فيه رمي ..
الله يكون بـَ عونك أختي وإن شاء الله خيره ..

[حنآن ـآلكون]

حسسسسسبي الله فيهمم
مررررهه شيء يقهر :"(
بناات اش رايكم نروح نكلمهم يممكن فيه ححل