طالبة جديده واحتاج المساعده ...

[OM WATEEEN]

السلام عليكم ورحمة الله بنات
كيفكم .. انا ام وتين ... من الرياض
وانا توي سجلت جديدة بالمنتدى ... وبصراحه ابي اسجل عن بعد ..
انا سجلت و جاني رقم طلب و دخلته و طبعت صفحة البيانات بس جتني 3 اوراق يعني ثلاث صفحات ..
و طبعتها ..
طيب وش الاوراق الباقيه .. وانا خريجة 1425 .. كيف اختم على صورة من شهادتي الاصل ..
وكيف اختار التخصص ...
صراحه ماعرفت كيف اطبع باقي اوراقي و اكملها .. ولازم ارسلها لهم هالايام ولا كيف ...
اليوم تاريخ 15 \8\1433 ..
و اتمنى ادخل مع بنات قروب و نساعد بعض

بليز ساعدوني بنات لا تخلوني ...

[حمودي اتصالات]

اول شي بالتوفيق ان شاء الله ويتم قبولك اختي

وثانيا بخصوص الاوراق حاولي ترجعي تطبيعها ثاني لجل تكتمل معاكي
وتحطي هل اوراق بملف واحد وترسليها عبر مكتب الدي اتش ال
وهيا

نوذج بيانات الطالب
نموذج الارسالية
تعهد احضار اصل الثانوية
تعهد جامعة بلا تدخين
تعهد الالتحاق بالبرنامج

هذي الاوراق اللي تنطبع معاكي

وترفقي معاها

صورتين شخصية لك
صورة مصدقة من شهادة الثانوية العامة
صورة من بطاقتك الشخصية او كرت العائلة


اما التصديق
فيكون عن طريق الوزارة بس صوري شهادتك وتكون صورة واضحة ووديها الوزارة يصدقولك هيا ونتي واقفة
وخدي الاصل معاكي من باب الاحتياط


اما التخصص لسة بدري اختي لان بالاول تخلصي 26 ساعة تحضيري وبعدين لكل حادث حديث

وموفقة ان شاء الله
ورقة بياناتك

[ريم ريم ريم]

هل فيك ام وتين
انا تقريبااااا مثل سنتك في التخرج من الثانويه
وانا من الرياض

مثل ماقلك اخ حمود ماقصرررر

اما من ناحية تختيم الورقه
روحي رئاسة التربيه والتعليم الي في الرياض ...الي قريبه من مبنى التلفزيون ...
مبنى التلفزيون على يسارك ...والرئاسه تتقدمي 3 مباني تلقينها على يدك اليمين ...
الوزاره +الرئاسه كلها مبنى واحد.. روحي الرئاسه الدور الرابع

دوامهم من الساعه 8 صباح حتى الساعه 1 ونص ينتهي ماتلقين احد
روحي بدري ..وان شالله تلقين الي راح يساعدك بتختيمهااااا
اتوقع الى تختمهاااا اسمها الجوهره
وان شالله راح نساعد بعض

[OM WATEEEN]

يعطيكم الف عافيه ...

اخ حمود ماقصرت والله ...

و اختي ريم .. ماقصرتي والله ...

ان شا الله اني ابروح الايام الجاية باذن الله ...