تحويل من كلية العلوم الى الكليات الصحية

[sss6538]

اول شي .. السلام عليكم ..
بدوون مقدمات...
انا طالبة كيمياء حيوي مستوى رابع , فاتني التحويل من النت ف رحت العمادة و اتمرمطت يومين رايحة راجعة و أخييرا اليوم اعطوني استمارة تحويل و طلبوا مني اطبع لهم النسبة الموزونة من الاودس حقي و ورتني ورقة حقت بنت فيها درجات كل الاترام و بعدين في النهاية :النسبة .. الموهيم انا دورت في الاودس عن دا الشي ما لقييت و ابا اعرف لو فيه وحدة عندها نفس وضعي ايش سار معاها ؟


و لحد يقولي افتحي >متابعة طلب التحويل< .. لأنو فتحتها و مالقيت شي بس مكتوب : "لا يوجد فصل دراسي متاح" ((يااا ربييييي ح ابكي)) انا جايبة معدل و ضيعت سنة من حياتي عشان دا الشي !!

ياااا رب يوفق اللي تساعدني (لازم بكرا اجيبها)

[hary]

الله يوفقك وتتحولي
انا نفس الشئ مستوى رابع وفاتني التحويل في النت وان شاء الله بكره اروح ياليت تقوليلي فين رحتي بالضبط في اي غرفة وعند مين

[hary]

وايش قالولك تسوي وايش الاوراق الي تطبعيها استنى ردك

الامل عطر الحياة

[sss6538]

المشاركة الأصلية كتبت بواسطة hary وايش قالولك تسوي وايش الاوراق الي تطبعيها استنى ردك الامل عطر الحياة

والله ما ادري اش اقولك بعد التعب دا و كلل شي لما وصلت البيت اكتشفت ان الورقة اللي ادوني هيا ل بنات التحضيري و يبوني اطبع معاها نتايج طلبات التسكين حقت التحضيري عشان كدا ما لقيتها ف الاودس
و اللي يقهر اكترر شي اني جبت معدل عالي و تعبت و اخرتها كدا

[بنوتة كيوتة]

والله ياقلبي انا زيك توني خلصت تحضيري جايبة معدل عالي ودخلوني كلية علوم بالسليمانية
بس رحت اليوم العمادة خلوني اطبع الدرجة الموزونة حقتي وطلبت تحويل من كلية العلوم الى كلية العلوم الطبية التطبيقية وان شاءالله خير قالولي تابعي من الموقع من ايقونة متابعة طلب التحويل -.-

[dr.imey]

ولله دي الجامعة نظامها غغغبي

انا زيك مستوى رابع كيميا حيوي

وفاتني حق النت احسب لنا موعد لوحدنا ف الصيف

ورحتلهم اول ماخلصت اختبارات

اول ماخش العمادة الف يسار اول غرفة على يساري

قالولي انو التحويل اللي فتح في النت مانزل فيه خيار تحويل الى الكليات الصحية

واخدت رقمي الجامعي واسمي ورقم جوالي وقالتلي خلاص انتظري التحويل عالاوديس

ودحين ف الاودس لقيتهم كاتبين مافي مقاعد على اساس نسبتي الموزونة حق التحضيري مو معدلي العام

والله العالم اش هرجتهم