سؤال خاص لبنات التأهيلي ( الموازي)

[طالبة منتظمه]

السلام عليكم ورحمة الله وبركاته
كيفكم ي صبايا .. ان شاء الله بخير
المهم كان عندي سؤال دحين انا طالبة انتظام ولكن تأهيلي هل لما اتخصص عالطول اصير انتظام
انا سمعت انو لازم يكون معدلي فوق 3 والنص انا للاسف معدلي اقل من النص و غير كذا حاملة مادة
بس اخدتها صيفي و ان شاء الله معدلي يترفع
السؤال هنا هل ممكن اني احول انتظام بمكافاءة لما اتخصص و لا راح يحولوني انتساب لانو سمعت انو اللي اقل من 3 ونص دايركت يحولوه انتساب
بليز افيدوني و طمنوني الله يسعدكم و يوفقكم
و معليش لانو هرجي كتير :

[Waah Fdatek]

السلام عليكم ورحمة الله وبركاته

وعليك السلام ورحمة الله وبركاته ..

كيفكم ي صبايا .. ان شاء الله بخير

الحمد لله .. صباح الورد ..

المهم كان عندي سؤال دحين انا طالبة انتظام ولكن تأهيلي هل لما اتخصص عالطول اصير انتظام

يب .. على طول تصيري انتظام .. لأن النظام أيش يقول ؟؟ ..
أي طالبة تأهيلي بمجرد ما تتخصص تتحول انتظام ..وتصير تستلم مكافأة مثل باقي الطالبات ..

انا سمعت انو لازم يكون معدلي فوق 3 والنص انا للاسف معدلي اقل من النص و غير كذا حاملة مادة

أنا ما سمعت هذا الكلام .. مو معقولة يحددوا معدل معين عشان نستلم المكافأة أو عشان نصير انتظام ..
أصلا مافي في الجامعة كلها أي تخصص ندرسه تأهيلي ..
غير الطب (الموازي) .. غير كذا كل التخصصات ندرسها في الصباح ..
أما المكافأة مدري عن خبرها .. يمكن يكون كلامك صح ..
بس مين اللي قالك الكلام هذا ؟؟ .. انا مثلك تأهيلي .. بس ما سمعت هالكلام أبدا ..

بس اخدتها صيفي و ان شاء الله معدلي يترفع

شدي حيلك .. وارفعي معدلك .. لأنه هذي آخر فرصة لك ..

السؤال هنا هل ممكن اني احول انتظام بمكافاءة لما اتخصص و لا راح يحولوني انتساب لانو سمعت انو اللي اقل من 3 ونص دايركت يحولوه انتساب

يب تحولي انتظام بمكافأة .. أما عن انو يحولونا انتساب وهيكا .. ما ادري عنه ..
أنا ما وصلني كلام زي كذا ..
انا يوم الثلاثاء رايحة الشؤون وبسأل هناك ..
ولو عندي شي جديد .. جيت وقلتلك ..
بالتوفيق ..

بليز افيدوني و طمنوني الله يسعدكم و يوفقكم

اتمنى اكون افدتك بحاجه .. مع اني احس انه ما وراي سالفة ..

[طالبة منتظمه]

- جزالك الله خيرا

بس مين اللي قالك الكلام هذا ؟؟ .. انا مثلك تأهيلي .. بس ما سمعت هالكلام أبدا ..
- هالكلام سمعتو من وحده كانت تاهيلي و حولها انتساب بس هي ما قالتلي معدلها بالظبط بس قالت انو اقل من 3 ونص

انا يوم الثلاثاء رايحة الشؤون وبسأل هناك ..
ولو عندي شي جديد .. جيت وقلتلك .
- ياريت والله ي اختي.. و بس تعرفي اي شي قوليلي

[Dr.Aroma]

سلام

ايوا ا انا لما رحت للمؤتمر الي صار قبل فترة

قالوا انه طالبات التاهيلي يتحولوا دايركت على الانتظام بمكافاءه لو كان معدلها فوق ال3 وشيء
اما لو كان 2 راح تتحول للانتساب

والله اعلم

[طالبة منتظمه]

Dr.Aroma < ان شاء الله يكن كلامك صحيح

[# بيشش]

أنا كمان تأهيلي ،
وحامله مواد وإن شاء الله يترفع معدلي ومعدلك وما ندخل في هذي الحسابات الصعبة "(

خخخخيتو (وه فديتك) خبرينا إيش صار معاكِ "$

الله يوفق الجميع ~

[طالبة منتظمه]

( Waah Fdat) ها طمنينا ايش صار معاكي
رحتي اليوم و سألتي الشؤون

[ديمه البخاري]

بنات كم نسبه موزونه تاهيلي؟
انا نسبتي موزونه 78هل رح نتظام ولا ؟

[طالبة منتظمه]

ما اعتقد .. لانو قبلو الين 79
و اللي كان 79 ونص دخلوهم انتظام
اما الي اقل من 79 ونص و 79 سادة قبلوهم موازي
ان شاء الله دي السنة تنزل الين 78
هذا اللي انا اعرفو

[Waah Fdatek]

حبيباتي سوري ع التأخير ..
وكمان سوري لأني ما سألت في الشؤون ..
لكن يوم الأربعاء وصّيت وحده من صحباتي تسأل ..
راحت وسألت الاستاذة سميرة القحطاني ..
قالت أنو ما تدري عن هالكلام .. يمكن يكونوا نزلوا لوائح جديدة ..
لكن المتعارف عليه انو نتحول انتظام وبمكافأة ..
وكمان سألتها انو قد حصلت حاجه زي كذا ..
قالت الاستاذة انو ماقد صار حاجه زي كذا ..
لكن انا حسأل يوم السبت ..
ويارب يارب ما انسى ..
دوامي مررررة ضغط وما أصدق أطلع من المحاضرات واخلص ..
عشان اروح البيت ..

آسفه آسفه آسفه ..