الفيزيآآ الزيزآآآ..

[It`s me]

السلام عليكم..

بليـز يا عالم..يا شعب..يا خلق..
ابا رابط..ا اي شئ
عن ملخص الفزفز للدكتور أشرف بركات..ولد عمي يقول الملخص مرآآ جيــد

ودونت طنــاش

[funtoon]

صباح الليل :)

انا رديت بس عشان كلمة " دونت طنآش" خخخ
--
السمستر اللي فات انا اخدت الفيزيا ،، وماكنت امسك غير الكتاب والحمدلله امتياز
< يعني دي نصيحتي لا تشتتي نفسك
--
وان شالله الباقيين يفيدوكي

[It`s me]

يعني بلا أشرف بلا بطيــخ !!

وسانكس لانك احترمتي مشاعري

[funtoon]

لا على حسب ،، كتابك انتي مأشرتو كل محاضرة بيومها وللا لا
خخخ مو لدي الدرجة ،، بس يعني ازا كنتي عارفة ايش فـ الكتاب ،، مارح تحتاجي إكسترا

بس ترا للأمانة انا وحده دفرة ،، يعني لا تاخدي بكلامي ،،،
ازا قالك الملخص كويس وكدا وانتي تحتاجي اتوكلي يختي وزاكري الملخصات

لاكن ارجع واقول الكتاب يكفي ،، شامل وواضح


والله ينور عليكي ويسهلك دربك

[طالبة مستجدة]

انا عندي الملازمه حق اشرف بركات

بس مني عارفه اذا كر منها ولالا احس انو راح اكثر على نفسي مذاكره

..؟؟

[funtoon]

تمام عليكي مستجدة

وترا مارح يخرج عن الكتاب ،، فلا تزودي على نفسك
--
اللا ازا كان يشرحلك الاشياء اللي مو فاهمتها وشرحو حلو استفيدي منو
يعني كنوع من التغطية بس

[It`s me]

اللله يوفــقـنـآآآآآآ ..

[نهوله]

الله يعين ماني عارفه كيف حذاكر دي الماده الغبيه وكمان عندي اختبارحاسب عملي بكرا واهم شي ابغى اناااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااام

[NONO_88]

ملازم اشرف بركات سمعت انها ماتفيد لا تشتوا نفسكم ذاكروا من ملخص الاستاذه والكتاب وسمعت انو الاسئله تجي نفس اللي في الكتاب مايغيروا أرقام كمان
بالتوفيق

[Bo0oZy]

انا صراحة حزاكر من ملزمة اشرف بركات ...

لانو دكتورنا الله يهديه ،،،

والكتاب صعب ويطلع العين ويجيب الحول خخخخخ


لكن مهم انو بعد ما تخلص ملزمة اشرف بركات تشوف الكتاب ،، وتحل تمارينه .. لانو زي ما قالت الاخت فن تون انو الاختبار ما حيخرج عن الكتاب .. بس اللي زي حالاتي .. يزاكر من ملزمة اشرف بركات احسنلو لانها شاملة المنهج وموضحة ومبسطة ،،،


والله يوفق الجميع انا بنااااااام وبقوم الليل ازاكر وبكرة ان شاء الله كمان


بالتوفيق جميعا ً