استفسار بالنسبة لدكاترة الصيفي=)

[بيشووو،،]

السلآم عليكم و رحمة الله و بركاته ،،

ان شاء الله ح آخد صيفي بيولوجيا جزيئية و مايكرو ...

و هدي المادتين تعتبر مهمة للتخصص بعد كدا ان شاءالله ..

لكن جزيئية نازلة مع .. د.سماح نور
و مايكرو مع د.ماجدة << ما سمعت عنها قبل كدا

فايش رأيكم خصوصا د. سماح مين جربت و اخدت معاها ..؟


شككككككككككرا مقدما

[shdoonee]

انا اخدت معاها امن وسلامة كان كلو مقاإاإلي واعرف بنات كانوا معاها ف المايكرو ويقولوا اسئلتها مقاإاإالي بصراحة انا ماكانت تعجبني ف توزيع الدرجات كل شي عليه درجة كاملة لو في استاذة ثانية روحي عندها او الله يعينك :-x

[Doody khaled]

انصحك لا تخادي مع سماح توزيع درجاتها مو حلو وتختبر دوري اول ونهائي بس
والمايكرو سمعت انو في الصيف حيكون مع دكتوره نجاح او دكتوره سماح

[Syreenaa]

ماكرو في الصيف مع مين ماجدة ولا نجاح ؟
جزيئية لا تاخديها مع سماح ...
سماح توزيعها للدرجات سيء و غير كدا تختبر نصفي و نهائي بس و نشاط
افتكر مررة سوت اختبار تحسين عليه 5 درجات بس مرة وحده ..
جزيئية أحسن دكتورة تعطيها صباح لنجاوي مررة كويسة
حتى لو تاخديها في الترم العادي الدكتورة دي كويسسسة الين بس ...
بس انتي برضو اسألي و اللي فيه الخير ان شاء الله تاخديه 3>

[رفيعة الذوق]

سلاااااااام بناااات
ابغاكم تفيدوني عن د/ ماجده لان مايكرو نزلت معاها ابغى اسال عن شرحها اسلوبها توزيع الدرجات
الله يسعدكم ردوا ضرووري

[اسفنج بوب]

ياصبايا فتح معكم الحذف والإضافة عن طريق الإودس

[rose99]

اعتقد اذا مو غلطانة الجزيئية متعارضة مع المايكرو والحيوان ناسية

اذا تبغي الجزيئية في الصيف اظن موجودة في فرع الفيصلية تقدري تاخديها عندهم ونزل عندهم النبات

حاليا في المستوى الرابع ياتاخذي الجزيئية لحالها ولا مايكرو وحيوان مع بعض

الله يسهل

[دروووووووب]

السلام عليكم ورحمة الله وبركاته ..
زميلاتي وعزيزاتي .. انا حاااسه نفسي ضااايعه وعندي استفسارات وتساؤلات بعدد شعر راسي بس بحااااااول اختصرها على قد ما اقدر عشان ترددوون علي ومايمر موضوعي مرور الكرام من غير رد ..
مع العلم اني في (أمسسسسسسسسس )الحاجه لردودكم لانه من شان هيك لجأت لكم
المهم .. انا كيميا حيوي والمفرووض السنه الجاية تخرج لو كنت ماشيه على الخطه وطبعاا عشان اتخرج السنه الجاية لازم اكون مضغوووطه مع العم انه باقيلي (طبيه وتحليليه ومايكرو وطاقه وغيرعضوي والبحث والتدريب ) وكمان 13 ساعه اختياري و4 ساعات حررره يعني مجموع الساعات اللي باقيتلي 37 ساعه ولو قسمناها على ترمين .. ترم 18 وترم 19 //فهل يمددولي 19 عشان اتخرج .. او اني اشيل ساعتين اللي هي التدريب وانزله الصيف الجاي لوحده واتخرج في الصيف ؟؟
ينفع اتخرج في الصيف ولا يفوت علي التسجيل في مجالات مابعد التخرج واضطر انتظرللسنه اللي بعدها سنه كااامله ؟؟..نظرااا لاني افكر اشغل نفسي بعد التخرج واقدم في كل المجالات اللممكنه سواءا دراسة ماجستير او وظيفه في مصانع وغيره
ووالله العظيم مو عارفه وين راسي من رجلي ماني داريه اااخد صيفي وطبعاا حايكون مررره مممل بالنسبالي لانه كمان في (سفرة صغيرة) مع الاهل واخاف اتاخر وارجع القاهم نزلوني حرمان مع العلم لو اخدت صيفي يا انزل اختياري سموم وامراض..وهدا مو اكدي.. او انزل التدريب لوحده لوكنت اقدر ابداء اتدرب في رمضان اوا على نص شهر ثمنيه اكون رجعت من سفري

[دروووووووب]

بليييييييييييز الله يخليكم افيدوني بالدات اللي قد تدربووو صيفي ؟؟؟؟ فكككووو ازمتي الله يفرج عنكم ؟؟

[بيو كيميائية ^_^]

ماجدة سمعت يمدحوها

دروب افضل تاخذي الحين صيفي وتخلصي مثلا سموم وامراض وهرمون هذه 6 ساعات لو لسة ماخلصتي ثقافة خذيها كمان واخلصي من 8 ساعات اضغطي نفسك هالصيفية وبعدين ارتاحي
العام انا اخذت صيفي وكنت في رمضان لوحدي لكن ترم التخرج تفرغت للبحث وكنت مو مرة شايلة هم بسبب ضغط المواد لان ماعندي ضغط مواد واختبارات
والافضل تتخرجي الترم الثاني عشان لا تفوتك التقديمات
والترم الجاي ياتاخذي طبية وغير عضوي او تحليلي ابد لا تجمعي بين طبية وتحليلة
أنت عندك ايميلي؟؟ إذا احتجتي شيء رسلي لي بالتوفيق:)
صح ترم التخرج تقدري تاخذي اكثر من 18