تحذير لكل من ستقوم بأخذ مادة مقدمه في العلوم أبعدي عن دكتوره ...

[حيــث الهــدوء]

نصحية لوجه الله في مادة مقدمه في العلوم الطبيعيه ..

أنصح الطالبات بالإبتعاد عن الدكتوره الهام باعيسى .. رغم ترشيح البعض لها إلى أنها للأسف شرحها غير مرضي ولا منصف للمادة بالإضافه إلى صعوبة اسئلة اختباراتها وعن تجربه شخصيه والله على ما اقول شهيد

انصح بالدكتورة ساميه كوسه كثير من الطالبات لهذا الترم مدحن اسئلتها وسهولتها وشرحها ايضاً رائع

هذا فقط لكل من استفسرت عن افضل عضو هيئة تدريس لهذه الماده

( ولحد يطيح طيحتي .. أنا يوم سمعت ان الاسئله موحده اخترت شعبة الهام لانها تناسب جدولي وحضرت شوي معاها ولمن شفت انها ماتعرف تشرح حضرت مع ساميه .. ولكن توهقت يوم الاختبارات يوم قالو لآخر لحظه أن الاسئله طلعت مو موحده مثل ماخبرونا خلال السنترا وصارت كل دكتوره تحط اسئلتها .... ) ولحد يسألني وش انصدمنا من اسئلة الهام حتى ماتطالع فيك ولا تساعدك .... ما اقول غير حسبي الله ونعم الوكيل بس

[&AMAL&]

الله يعطيك العافية
انا لسى ما اخذتها باخذها السمستر الجاي اخر ترم لي إن شاء الله

[شوشو ..]

انا اخذتها من اكرام الترم اللي فات تجننن ماشاءالله بشرحها واسئلتها وتساعد البنات ماقصرت معانا الله يسعدها يارب

[جووانه]

انا من ناحيتي ما احوب هالمادة احسها صعبة من كلام البنات لها
افكر اخدها في اخير سمستر لي :(

[miss-busy]

يا الله


يعني طلعت الأسئلة غير موحده ؟؟؟؟؟


والله مشكلة


الله يختار لنا الخيرة فيها

[شـوكـولاته]

انا مع بسمه كانت مررره أوك الأسئله وتقريبا كأنها معلومات عامه

[بنوته...]

انا كمانا مع بسمه هيا اوك في الاسئلة بس في الشرح لا
وعموما المادة مرررررررررررررررررررر مو حلوه يعني ازا اخدتيها مع اي احد هيا مو حلوة المادة
وكمان استازة بسمة حطت سؤال والله ولاااااا وحدة عرفت تحلو لمن طلعنا من الكلاس اتجمعنا عليها يمكن 15 بنت نسالها عن دا السؤال انو اجابتو الاختيارات الاربعه غلط قالت لنا مو فاكره الاسئلة والتصحيح كمبيوتر يعني ازا غلطت بالاجابه الله يعيننا
واللي كان معاها يتزكر سؤال في المولارية وجابت بالمليلتر المفروض انو نحولو لتر نقسم على الف لكن مايطلع الجواب الا لمن تضربيه عشان تختاري اجابه سارو البنات بعضهم حلو بدون تحويل للتر وبعضهم ضربو وبعدينا طلعو الاجابه بس كلو كلو غلط مافي ولا اختيار صح

قود لاك

[شدندن]

.,. .,.


.,. جزآكِ الله خير .,.

.

[عنيد الفكر]

لماذا يطالبون اصحاب الشهادات العليا بإحلال الاجانب في الجامعات السعودية و استبدالهم بالسعوديين .

والله يا شباب انا من الترم هذا تحطمت و كرهت شي اسمه دكتور سعودي . اخذت ثلاث مواد عند الدكتور حسن الشهري و الدكتور زياد ملياني و كلها معقده و من بين السطور و لف بالاسئلة يعني مثل اللي يقول تبطي تنجح . حتى لو جيت تبي تراجع ورقة الامتحان تحس انه يقول ليش تراجع وراي . شباب اللي حملوا مواد انتظروا لحد ما يجي دكتور مثل مطحنة او قطب او الشربيني علشان تنجحون وضعنا مزري للغاية في ظل وجود الدكتور السعودي للاسف .

[محلل شخصيات]

الشكر موصول لصاحبة الموضوع على التنبيه ^_^
لكن ملاحظة أتمنى تأخذوها بعين الإعتبار :
- يجب تجنب طرح الجمل التي تحمل في طياتها (المادة صعبة) ، (المادة مو حلوهـ) .
النتيجة : تأثير سلبي على من لم يجتاز هذه المادة بعد ليس الكل ولكن الغالبية العظمي ستعاني بسبب هذه العبارات .

أفضل أن يقال بدلاً من هذا أن المادة (تحتاج لجهد وتركيز) ، (المادة تحتاج وقت بسبب إحترائها على الكيمياء والفيزياء وعلم الفلك ... إلخ) ^_^
مجرد ملاحظة من اراد العمل بها فجزاهـ الله خيراً ومن لم يرد فله حرية التعبير ^_^