ماهي صوره الغلاف f بسلوك تنظيمي حسبنا الله ونعم الوكيل

[ابو صالح16]

السلام عليكم ورحمه الله وبركاته

والله ياخوان الواحد مايدري وش يقول بس الحمدلله على كل حال صدمه وعساها تعدي كرهونا بحياتنا والله الواحد ماعاد له خلق يداوم انواع الاستفزاز

ولا هذا سؤال يجي بأختبار انا جاوبت على هالسؤال وبالصدفه قالولي الاخوان اجابتك صحيحه
اااه بس اللي هذا اول ماده وش بيصير على الخمس الباقيه الله يستر حسبي الله عليك يالخالدي

سديت نفسي وش خليت لسيء الذكر المزجاجي ونظريه التنظيم اللي هذي حملتها ابصم بالمليون راح احمل نظريه التنظيم للمره الثانيه حسبنا الله ونعم الوكيل بس كثر ماني منغث اقسم بالله اني مستانس لأخواني ببحوث وعمليات واني قمت اناقز يوم دريت ان العالم عدو الماده وانا توي مااخذتها يازين فرحتكم وعسى دوم الافراح لكم والله يوفقنا باللي جاي معليش طولت عليكم بس مجرد فضفضه

[مباشر]

انا معك بعد اخووووي ولا تحزن ان شاء الله نأخذها صيفي ونعديها

[عيوني حزينه]

كان الله بعونك اخوي ابو صالح ولا تيأس فلا يأس مع الحياة وان شاء الله تعوضها وما تدري الخير وين كاتبه الله لك الله يوفقك

[ثنائيات]

الله يسهل اموركم لاتضيق صدوركم ان شاء الله تعدونها الفصل القادم

[اما عاد انا بدرس]

الله يعوضك خير في باقي المواد
وان شالله تفرحنا بنجاحك فيها

الطاسه ضايعه فالجامعه واناخوك
للاسف ندرس فالجامعه عن الاخلاقيات
وهم لايملكون اخلاقيات المهنه

واحد يقول لك المقرر كامل معك
والثاني يقول لا فيه محذوف
وحنا ضايعين بينهم

لا والي يقولك ذاكر الكتاب كامل
يجيب لك 90% من الاسئله من الباب الاول والثاني !!
قمة النجاسه والحقد لكن ربك فوقهم

[كاتب العدل]

تكلمت مع الدكتور الخالدي بخصوص هذا السوال الغلاف والسوال الثاني الي يقول رتب الفصول قلت يادكتور وش فايدته للطالب قال اجل لاتاخذ من ملخصات السودانية الي انتم ياطلاب الانتساب تسون ملخص احسن منهم حرام عليكم
قلتلة احترم وجهة نظرك يادكتور

[control]

صل على رسو الله يا ابو صالح وان شاء الله ربي يعوضك خير وياما في هذي الجامعة يكون الطالب متأكد
من حله وينصدم برسوبه وياما سمعنا عن ناس مو متوقع النجاح ولا هو في باله وينجح ،،،

أنا أذكر لك قصة واحد من الاخوان أعرفه عز المعرفة قال انا كنت ابي اغيب عن الاختبار لأني ما ذاكرت ولا أدري وش محتواها ، قام قال في نفسه بدال ما أجلس أقل شي أحضر عشان اخذ الاسئلة واعرف طريقتها يعني حاملها حاملها ما فيها كلام ، والله ويقول الآدمي يوم طلعت النتايج إلا وانا ناجح ،،، أنا أقصد يابو صالح خل أملك برب العباد سبحانه ولا تبصم ولا شي قوووول ياااااااارب وانسى موضوعها ،،،

أسأل الله أن يوفقك وييسر لك أمرك وما تشوف رسوب في هذا الترم ولا اللي بعدها ،،،

[ابو صالح16]

لاهنتو اخواني على الردود وشاكر لكم على مشاعركم الطيبه اللي تدل على منبع اصلكم والله يوفق الجميع

[ابو صالح16]

المشاركة الأصلية كتبت بواسطة كاتب العدل تكلمت مع الدكتور الخالدي بخصوص هذا السوال الغلاف والسوال الثاني الي يقول رتب الفصول قلت يادكتور وش فايدته للطالب قال اجل لاتاخذ من ملخصات السودانية الي انتم ياطلاب الانتساب تسون ملخص احسن منهم حرام عليكم قلتلة احترم وجهة نظرك يادكتور

طيب ياخي كان سألته بعباطه هذا السؤال معنا بالمنهج هذا كتاب نظريه التنظيم معي من سنتين وانا انقل فيه وهذا اختباري الثاني فيه والله يجيب العواقب سليمه مانفعني بشي ثلاث ارباع المواد اللي راحت معتمد على الله ثم هالمنتدى والوجيه اللي شرواك ونماذج سابقه ولانزلت عن 77 الحمدلله بس هذولا فسقو ويبون دراهم من ظهورنا حتى حاسدين العالم ياخي ربي ارزقني وارزق مني

[طالب مجتهد 5556]

الله يعينك اخوي

بس ترى ياشباب لا تكبرو الموضوع السوال حق الغلاف عليه درجة وحدة
وسوال الفصل عليه درجة وحدة يعني هذي الدرجتين اللي رسبتنا خلينا منطقيين شويه