س/قسم الاقتصاد والادارة

[asrar vib]

السلام عليكم

الصراحة مدري مكاني هنا مناسب او لا
بس ماعرفت فين احطو =/

بسأل للي عنده خبرة ياريت يساعدني (=
قسم الاقتصاد والادارة الدراسة فيه انجليزي او عربي ! .

[Memox]

أهلين / اسرآر


الدراسة لـ طلآب الأقسام الإدارية بً اللغة العربية
أما الاقسام المحددة لطلآب العلمي فـ هي بً الإنقلش


آتمنى لكك التوفيق

[stroob3ry]

بما انك مسار اداري الدراسه رح تكون بالعربي بس...
بعض المواد في قسم اداره الاعمال يمكن بحدود ثلاثه او اربعه مواد تقريبا يعني مو كثير تتطلب الدراسه باللغه الانجليزيه

لا تخافي حبيبتي وبالتوفيق

[asrar vib]

اهاا الحمدلله ريحتوني الله يريحكم ً

ستروبري ً بسألك
في بناات قالولي بما اني اداري رح اتعب بدا القسم لانو في مواد
زي الرياضيات والاحصاء وكذا ..

لو دخلت الكلية رح ادرس هالمواد ! !
انا متخوفة من هالشي بس =/

[stroob3ry]

شوفي خيتو اذا انتي ما بتواجهي مشاكل فالاستيعاب والفهم وهذا اهم شي لااااااا تسمعي لأحد

والموضوع بعد كذا يعتمد عـ الاستاذه أو الدكتوره اللي رح تاخذي الماده معاها ممكن هي اللي تسهلك إياها وتتعاون معاكي وممكن هي اللي تصعبها عليكي بـ أسلوب شرحها وتعاملها..وهذا فخ قد وقعت فيه بس الحمد الله مشيت اموري

فانتي ان شاء الله لمن ترتبي جدولك حاولي تاخذي فكره عن اللي بتاخذي الماده معاها اسألي والبنات ما بقصروا

واذا حابه اساعدك حسب خبرتي البسيطه ماعندي مشكله

[طيوفك]

ممم طيب الحين لو انقبلت في كلية الاقتصاد والادارة يصير كل التخصصات متااحة لي?


لانو لو مانقبلت ف القانون مابغى ادارة عامة😓

[bebo Hos]

وانا نفسي اعرف متى حيقولولنا اننا انقبلنا في دي الكليه ؟؟
وهل احنا نختار اي تخصص نبغاه في دي الكليه ؟؟

[الصوت الهادئ]

المشاركة الأصلية كتبت بواسطة طيوفك ممم طيب الحين لو انقبلت في كلية الاقتصاد والادارة يصير كل التخصصات متااحة لي? لانو لو مانقبلت ف القانون مابغى ادارة عامة😓

أتوقع هذا يرجع للمعدل كمان

[طيوفك]

ايهه بس مو معقولة انا داخلة حاطة رغبتي ف هالكليه عشان هالتخصص ، يصير لو ما انقبلت فية ماقدر أغير الكلية صح أدور أي تخصص ثاني بالكلية الاولى لانو رغبتي الثانية بكلية غير

[الصوت الهادئ]

ع حد علمي تقدري تغيري الكلية بس بعد ماتدرسي ترم ف الكلية الي انقبلتي فيها