غداً الساعة 8 صباحاً تجمعنا امام مكتب مدير الجامعة شخصياً

[odus]

اختبار معقد كالعادة


ولجنة المحاسبة تتمادى بتعجيز الاسئلة

كان من المفروض نتجمع اليوم بعد الاختبار

لكن الوقت كان مهو مناسب لان بعض الطلاب مشى بدري

وماكان فيه موعد ثابت واساساً مدير الجامعة غير متواجد بذلك الوقت



اتمنى ان اي شخص لديه القدره على الحضور للجامعة غداً الساعة 8 صباحاً امام مكتب مدير الجامعة شخصياً يكتب رده هنا

وياليت تشوفون لنا طريقة حتى نعرف بعض فيها

الموضوع لكن واتمنى مايبرد الموضوع ويكون على الفاضي مثل الموضوع الاول

[odus]

اما نكون اللي نبي والا عسانا مانكون


وين الرجال

انا بكره ماعندي اختبار لكن اروح علشان هالمادة اللي عقدتني

[odus]

بكره اذا اجتمع 100 طالب امام مكتب مدير الجامعة وطلبو الدخول عليه

اتوقع يتم استدعاء دكتور المادة واللجنة فوراً والتحقيق معهم

وان شاء الله ينعاد الاختبار او على الاقل يزودونا بالدرجات

[sharq]

السلام عليكم ورحمة الله وبركاته

والله شوف انا بتكلم وهذا مجرد رأي وإذا ما أعجبكم اتمنى تتقبلونه بروح طيبه وكريمه

أول شي أنا معيد بهالماده للمره الثالثه يعني حالي مثل حالكم ولا خريج بعد ؟؟

الحاجه الثانيه أنا أحس اجتماعاتكم وكلامكم وشوشرتكم هنا فالمنتدى هي اللي استدعت الدكتور للتحدي أكثر وأكثر ومثل ما شفتم اليوم بعيونكم طريقة الأسئله والسماح لك بأخذها واللي مكتوب من توضيح توزيع الدرجات ومن منطلق الشفافيه << يعني اللي بر اسه شي ويبي يشتكي يشتكي وأحسكم صعبتوا موقفنا وصار الموضوع انتقام من الطرفين وحرب نفسيه وفالأخير مالنا حجه عليه وخاصتن هالترم حاسب حساب لكل شيء وحاط في باله إنكم بتشتكون ..

أتمنى للجميع التوفيق والسداد وخلونا نحل الالأسئله ونشوف وش وضعنا من الآن هل ساقطين ولا ناجحين ونستفيد من بعض ونتعاون لين الله يفرجها من عنده ..

[odus]

اخوي شرق الدكتور المالكي من سنتين على الاقل واسئلته كل مالها تتعقد

يعني لا استقعد لنا ولا شيء

هذي طريقته من يوم عرفناه

وارجو عدم التحطيم

اذكر كان فيه اختبار مادة الاستثمار قبل سنتين الطلاب اشتكو وساعدوهم

لذا اتمنى عدم تحطيم الطلاب

يعني لو ماكتبنا الموضوع كان المالكي نجح الطلاب وحط لهم اسئلة سهله

الله يهديك بس

حسبي الله علي لجنة المحاسبة

[sulimannet1]

ي الله يا ربي نتوجه اليك انك تفكنا عقدة هذه الماده ونرتاح ونريح الي صار اليوم شي يفك المخ وربي يتعئ للك ان الاسئله مباشره وهي للاسف كل سوال فيه ترك ولفه
الشكوى لغير الله مذله لا الاجتماع بينفع ولا الاسئله حتجي سهله
احنا المشكله خريجين والله المره الرابعه
تعالو على قلب واحد نقول الدكتور بعد ما نتكل على الله قبل كل شي انه يشوف حالنا الي جاي من بعيد والي متغرب والي والي والي ...... الله يعلم بحالنا
نبغى نخلص يا دكتور
نبغى نتخرج
والله العظيم من عقدة الماده والله ما عاد قدرت اذاكرها والله لو اجلس 20 ترم ان هذه الماده خلاص قفل مخي منها مع العلم ان فيه مواد اصعب منها بكثير بس اش نصلح close close

[aloood]

odus انا بكره رايح للجامعه وبهذا الخصوص

اتمنى ان الجميع يحضر علشان نكون يد وحده مع بعض مو كلام منتديات نبي الصحيح نبي حل لمشاكل المحاسبة

[الفتـى الذهبـي]

الله يكون في عونكم مع اني الحمد لله عديتها من زمان وبدرجه حلوووووة بحكم الدعك اللي اشتغلت فية على نفسي

لكن انا اشهد انها اسئلة تعجيزية كل ترم لان مومعقول جيل ورا جيل وطلاب كل سنه جدد واكيد مستوياتهم مختلفة والاسئلة هي هي تعقيد وفرد عضلات ياخي فكونا ندهن اشنابكم ونعدي من الماده لكن كذا ماهي حالة والله وانا متأكد الدكتور اللي يحط الاسئلة ومسوي فيها فاهم لو نجيب درجاته في الجامعية تلقاه مترنح بين المقبول والجيد واذا غش جاب جيد جدا
وماجستيره ودكتوراته من جامعات عير معترف فيها عالمياً واكيد كلها جيد او مقبول مرتفع
والحين مسوي فيها ابو العريف واذا جات الدورة التأهلية مافي الا المصري هو اللي يشرح بامانه
راجع ..... لكم

[fagh3969]

السلام عليكم ورحمة الله
انا الحمد لله مذاكرها كويس لاني كنت خايف منها و مجلها الى هذا الترم (ترم تخرج بذن الله)
والحمد لله حليت بشكل جيد جدا

لـــكن

الاسئلة كان فيها لف ودروان و بعضها ما انتبهت له الا مع المراجعة
جلس بجانبي طالب يختبرها لمرة الخامسة وهو خريج وما عنده ذى الترم الا ذى المادة و الله حرام
الدكتور فيصل المالكي قال لنا في الدورة انا مش دكتور انا محاضر "ماجستير" و انا لا اتدخل بوضع الاسئلة

انا معاكم فان الاسئلة مع انها ذى الترم ابسط من السابق لكن فيها لف ودوران اكثر

[odus]

حسبي الله ونعم الوكيل