ظاهره منتشره في المجتمع

[صقر الشمال]

السلام عليكم ورحمه الله وبركااته
صباحكم,؛؛؛؛؛؛؛ مسائكم
جميعاً
اسعد الله صباحكم اخواني وخواتي في الاجواء الماطره جعلها امطار خير وبركه
اللهم أأأأمين يارب
اخواني الكرام قبل طرح موضوعي الجميع مع تطورات التقنيه الحديثه وهذا شي جميل لكن يكون العكس !! شي من الغرابه (( ظاهر ه البلاك بيري))
انتشر في الاونه الاخيره بشكل فضيع نعم مع التطور لكن هل يعقل ان يجلس الواحد مع هذي الخدمه طول الوقت بدون فائده الي متي الي متي 000 كلنجالس كـ المهوم بحاله والله العظيم ماطرحت هذا الموضوع مبالغ فيه لاوالله لكن من اشياء نشوفها امام الاعين والكل منا شاهدها عا الواقع
نعم سبب الحوادث من هذي الخدمه سبب الطلاق سبب الرسوب سبب الانحراف
سبب المشاكل الاسر منها ! تجد كل واحد همه الشاغل هذي الظاهره لو تكلمه يرد عليك ولا يعرف من انت حتي البعض وصل به الامر انو يطلع للبحر ويرجع للبيت ولا يعرف متي رد للبيت اوبعض الاسر تطلع وكلن ماسك هذي الخدمه ويالله
الي متي العقول تصحي الي متي يكفي النوم في سبات
اسمحولي عا الاطاله لكن من شي بخاطري حبيت ان اكتبه ووضح الواقع في مجتمعناهذي الضاهر كيف نحل او نقضي عليها او نحد منها ,, وماهي الطرق
اتمني من الجميع اعطاء رايه ووجهه نظره بهذي الخدمه او الظاهره المنتشره في المجتمع


اخوكم
صقر الشمال \ الحر الشمالي

[حياتي كلها الله]

وعليكم السلام


موضوع راائع وضاهرة تعم المجتمع

بداية أسمحلي اشكرك اخوي صقر الشمال

البلاك بيري لا نستطيع منعه في المجتمع فالتطور مطلب لكل الشعوب وخاصة في عالم التكنولوجيا.

يأتي الدور على التربية.

نسأل أنفسنا بداية هل الفتاة بعمر 12 سنه بحاجة الى البلاك بيري.

ليس فقط الفتاة لأي شخص نريد اعطاؤه البلاك بيري هل هو بحاجه اليه؟؟

أم فقط تقليد أعمى او مباهاه أمام الناس اولادي معاهم بلاك بيري.

حسناً النتائج السلبية للبلاك بيري نسأل أنفسنا ماهي؟؟

هل اولادنا عند اعطاؤهم البلاك بيري لن يؤثر على اخلاقهم هل لدينا الثقه الكامله بالمجتمع حتى نسمح لهم بذلك.

هل وصل اولادنا لحد الأدمان على البلاك بيري.

ولكن الحاجة اذا هو بحاجة له ام لا ام فقط ترفيه؟؟

[قاهر المتكبرين]

كلامك سليم تماماً ، أنا عندي بلاك بيري لكن الحمدلله مني مصاب بالتوحد مثل معظم مالكيه ، وأكثر ما يرفع الضغط لما تخرج مع خويك وتبى تهرج معاه تلاقيه قاعد عليه ويقلك "اممـ .. هممـ .. معاك معاك .. اش كمان" عاد هنا نفسي أعطيه باللي في رجلي .. والبلاك بيري لتحت سن الـ16 أو 17 خطأ كبير جداً جداً ..

لكن من المبالغة القول بأنه سبب الطلاق والانحراف والرسوب!! هو أحد الأسباب لكنه سبب واهي ولا يستحق الذكر إلى جانب الأسباب الأخرى .. أما كونه سبب في الحوادث فهذه أؤيدك بشدة ..

[سملّق :)]

أسكت ي رجال

الحين الناس تطوروا

طلع لهم جلكسي وواتس اب وايفون واي بااد ( ابو قديييم انت بعد على البلاك بيري )

لا وبعد كل ماله الوضع يزيد

قسم الجلسات الحين مع الشباب ماهي زي زمان !!

زمان كنا كل واحد يسأل عن الثاني ونزور بعض .. الحين خلاص الواتس اب والبلاك بيري

صار كل واحد كنه جالس مع خويه 24 ساعة

مافي داعي نتقابل ولا نتكي مع بعض :(


ابشرك مالي في التقنيـة هذي ابد ابد ابد ،، وانا من المحاربين لها

ولا اعرف لها نهائيا ً < مررره غشيم

والجوال عندي : اهم شيء يرسل ويستقبل ( ولاهو شرط انه يكون افخم موديل )

خلاص جوال يقول الووووووو وانتهينــــــــا


هذا اللي عندي وسلامتك :)

[رفيقي كتاب ربي]

من الظهر كان ودي ارد ع هالموضوع لكني انشغلت بـ طلعت اليوم
.
.
انا م كنت مؤيده للبلاك ابدا ابدا ابدا

لكن مع مرور الايام بدآت اقتنع فييه .. وكلمت اهلي ع اني اشتريلي واحد
بس كان قلبي شوي قابضني عليه .. م ادري بس م ارتحت له كثير
.
.
ومره كلمت صديقتي اني راح اشتري لي واحد بعد السنه التحضيريه
انصدمت كاني قلت لها بقتل احد ..!
قالت ليه لا دخيلك طلبتك م تشتريه .. لو ايش يسير وما بقي الا هوه جوال لا تشتريه

.
اهلي في البدايه م اعجبتهم الفكره .. لانو مافي احد في اسرتي عنده .. وبس يسمعو من الناس
بس في الاخير بدوآو يقتنعو من محاولاتي .. كنت احاول فعلا بس كنت اتمنى انهم م يوافقو ابدا
اذا الجالكسي وهوه جالكسي ادمنته كيف البلاك ..؟
معروف عني مدمنه (تقنيه) .. واذا اشتريت لي بلاك .. عارفه اني راح اضيع
.
.
انا والله دايم اتعب من حكايته خاصه اذا جلست اسولف مع صحبتي م احس الا وهيه تضحك
ارجع في كلامي (قلت شي يضحك.؟؟؟؟) الا والاقي البلاك بإيدها ..
سرت طبعا بعدها امسك البلاك تبعدها واخلص هرجتي وبعد م اخلص بكيفها :d
.
هوه احلا مافي البلاك خدمته ولا هو من جنبها ترا الجلكسي تبعي اطلق منه :p

.
.
ويعطيك العافيه ع الطرح :)

[اوطان]

اللهم لك الحمد

اكرهه كره العمى