سؤال عن السنة التحضرية

[بنت المدينة ....]

السلام عليكم ....
ممكن أسأل عن السنة التحضرية صعبه ولا لأ؟؟؟؟
أنا طالبة في جامعة طيبة قسم علوم أغذية المستوي الثاني و إمكن أحول للجامعة عندكم في المستوي الثالث وقالوا لازم تدرسي السنة التحضريه فأبغا رأيكم

وشكرا...

[بنت المدينة ....]

لو سمحتوا ممكن أحد يرد عليا بلييييز
لأني من جد ضايعة ومني عارفة أش أسوي..

[Dr.joody]

هلا فيك أختي..
شوفي أكيد تبين تحضيري علمي ..
تدرسين خطتين ..
خطة أ,,.
فيها فيزياء ..رياضيات..مهارات إتصال..حاسب..انجلش..
هذي بترم..
الترم الاخر خطة ب..
تدرسين كيمياء ..أحياء ..إحصاء..إنجلش..
طبعا مو شرط خطة أ تكون الترم الاول ممكن العكس حسب مايحطوك..

الدراسة كلها إنجلش ماعدا الحاسب والاتصال ..بس الكل يقول سهلة..واعرف الكثير مو مرة بالانجلش وجابوا معدلات حلوة..

هذا اللي أقدر أٌفيدك فيه..
وتبين أي شي أنا حآآآَضرة..
الله يوفقك وييسرلك..

[اكوس نفرر]

اول شي . احب اقلك راح تشوفي تبآين كبييير في الردود ..

نآس بتحطممك لابعد درجة .. ونآس بالعكس حيفرحوكي

نظآم السنه 3 اختبآرآت لكل مآده

دوري اول 30 د .. دوري ثآني 30 د .. نهآئي 40

يعني كلو بشطآرتك :)

انا من وجهة نظري .. اتوقعها اسهل سنةة في الجآمعه .. بس برضو في نفس الوقت تتعبي شويتين

ومررره مو صعب انك تعديها بمعدل فوق الـ 4.50

[بنت المدينة ....]

مشكووورره ....الله يوفقكم ياااارب
بس أنا خايفة لأنو دراستي في جامعة طيبة حلوة وكويسة ونسبتي كانت مره كويسة
وأنا بقيلي ثلاث سنين وأتخرج
أما أذا نقلت فحأدرس سنة تحضيرية وأربع سنين أخرى عشان كدة خايفة ويمكن أنقل غصبن عني فأبغا أطمن ....
طيب كيف الدكاترة عندكم؟؟؟؟؟؟؟؟؟؟

[طبيب القلوب]

الدكاترة ما عندك أحد ،، الله يخلي المدرسين الخصوصيين العباقرة ،، أمثال جمال السعدي و أشرف بركات ،، بس عشان ما أحطمك ،، الاستفادة من الدكاترة محدووودة فلازم تشدي حيلك من الملخصات و الاختبارات السابقة ،، الانجلش حيجيب لك الاكتئاب من ناحية وحدة ،، ساعاته كثيييرة و تجيب المرض ،، بواقع 3 ساعات في اليوم على أقل تقدير ،، أماا الgrammar و غيره فهي سهلة جداً ،، و الله يوفقك أختي و يسهل لك ،، و أهلاً و سهلاً بك في جامعة المؤسس (:

[بنت المدينة ....]

مشكووورره من قلبي الله يعطيكم العافية ويوفقكم ياااااااااارب
ويكتبلي اللي فيه الخير

اللهم أمين

[Miss-ShoSho]

والله احس صعب تتركي خلاص ما بقيلك شي كثير
حاولي انك تكملي هناك

الله يعينك لو جيتي هناااا
وراكي مشوار طويل ...... الله يعين ويساعد
بس التحضيري اسهل سنه في الجامعه // التخصص اصعب منه بكثير

[S.Bn]

انا من وجهة نظري .. اتوقعها اسهل سنةة في الجآمعه .. بس برضو في نفس الوقت تتعبي شويتين

ومررره مو صعب انك تعديها بمعدل فوق الـ 4.50 [/quote]

انا نفس كلامك

[بنت المدينة ....]

مشكووووووورررررين يا جماعة
جزاكم الله ألف خير وبالتوفيق ياااااااااااارب
وأدعولي ربنا يكتبلي اللي فيه الخير...