كتب خطة ب للبيع ... بسعر الجملة هههههه

[dr.6amo0o7]

السلام عليكم ورحمة الله و بركاته ....
أنا سجلت في جامعة الملك عبدالعزيز في بداية السنة و درست فيها اسبوعين و طبعا اشتريت كل الكتب اللي طلبوها الدكاترة عربي و انجليزي كلفتني 650 ريال و بعدين نقلت من الجامعة
والكتب جدييييييييييييدة و مرمية في الدولاب و ما استفدت منها

فقلت أعرضها للبيع اللي يبغى يشتريها طبعا ما راح ابيعوا اياها بسعرها .. لا زي ما قلتلكم بسعر الجملة ههههههههههههههههه

اللي جاد يراسلني عالخاص
dr.m.qary@hotmail.com

[M!ss Mojy]

هههههههههههههههههههه ماشاء الله مخك تجاري

انا احييك الصراحه

وان شاء الله تلاقي مشتري للبضاعه ...

انا عن نفسي اتفقت مع صدقتي من بدايه الترم انو نتبادل الكتب

[dr.6amo0o7]

ما اشوف أحد رد ........ أقفل المزاد خلاص
يالله بسرعة ترى الفترة محدودة هههههههههه

[Nymph love]

المشاركة الأصلية كتبت بواسطة dr.6amo0o7 ما اشوف أحد رد ........ أقفل المزاد خلاص يالله بسرعة ترى الفترة محدودة هههههههههه

لالالالا كلة الا زعلك اخوي...
انا رح افتتح المزاد....10 ريال
مين يزيد...
هههههه ...ان شاء الله تلاقي مشتري مناسب

[طقوس ..~]

20

>>رح تنضرب
ههههههههههههههههههههههه



الله يوفقك يادكتور
استنى عليهم شويه ورح يجوك

خصوصا انه بضاعتك جديده ونظيفه
>>تسوى اعلان

[huda tur]

انا للاسف عندي الكتب لو عندك كتب خطا الف كان اشتريتها منك
يلاا انا ارفع المزاااد الى 500 مين يزيد
هههه

[dr.6amo0o7]

طــــيب اتريقوا على كيفكم ... أصلا أنا الغلطان إني عرضتها هنا
أنــا كنت أبغى أعرضها في منتدى جامعة اكسفورد <<< مصدق نفسي

يالله استنى أحد يقلي ابغى اشتري و لا ترى على طول على اكسفورد

[dr.6amo0o7]

[ro0onee_roon]

والله ياعزيزي انا خطة ب زيك ماينفع
مو؟؟؟

[Mr AbDuLLaH]

أنا ودي أشتري بس السعر كم .؟!
ترا اتكلم جد
+_+