همسة الى طلاب و طالبات خطة أ و ب

[ymosh]

بسم الله الرحمن الرحيم

الى جميع طلاب و طالبات السنة التحضيرية

.

.

انا اكتب هذا الموضوع لاني متفاجئة من رد فعلكم بخصوص موضوع التست بانك و الأحياء و اعتراض جميع طلاب خطة ب على هذا الفكرة بمنطق "لازم يكرفوا زي ماكرفنا, ينقصوا زي مانقصنا, هذا العدل ", صح ان ظلم المادة تتسهل لنصف الطلاب و النصف الاخر راحوا فيها وضاع مستقبلهم و درجاتهم , لكن اللي ابغى اقوله ان هذا شي ماصار لسة و احتمال بعيد انه حيصير مستحيل حيرجعوا التست بانك هما حذفوا التست بانك لسبب و مااعتقد حيرجعوا , وانتوا و لسة ماصار شي كلها اشاعات و اوراق, ظهر الحقد و العداوة و البغضاء من الخطتين أ و ب , اللي يقولوا ليش احنا اللي تعبنا و هما اللي يرتاحو و خطة أ يقولوا انتو حظكم و راحت عليكم , يريت تفكروا تفكير منطقي بعيدا عن العواطف و الحقد , هل تعتقدوا ان كل الناس درجاتهم نازلة في الاحياء ؟ صح الاغلب درجاتهم منخفضة لكن في كتير درجاتهم كاملة عشان كدا ماحيرجع التست بانك , صح ان مصعبيين المادة و كثروها لكن الجامعة لاحظوا ان تقريبا تلات ارباع الجامعة يبغوا تخصصات صحية و مافي مقاعد الناس كتروا لازم يعملوا تصفية , الطب كلها 200 مقعد عدد الطلاب اللي يبغوا طب فوق الالف, اللي ماقدر يمشي في الاحياء بسبب اللغة او بسبب ان مو فاهم الطريقة او ان المادة كثيرة , هل يعتقد ان بامكانه يمشي في الطب ؟ الطب حتى مو مصطلحات انجليزية مصطلحات لاتينية يعني كل واحد احسن يعرف مستواه من دحين , انا ما اوافق على هذي الفكرة المفروض كل واحد يدخل التخصص اللي هوا يبغاه لكن الجامعة يفكروا بهذي الطريقة , اللي يبغى يدخل هندسة او ادارة او انجليزي او حاسب او اي تخصص مايحتاج في الاحياء و يقول ان الاحياء ينزل معدله , مااعتقد ان في هذي التخصصات يحطوا دي المواد في الاعتبار يعني اهم شي كل واحد يشد حيله و يجيب الدرجة اللي يقدر عليها , هو مو تحطيم بس واقع مو كلنا حندخل التخصصات اللي نبغاها , و كلنا حنتعرض للظلم احنا لسة في بداية حياتنا لسة حنشوف انواع الظلم في وقت التسكين لما يبدأ شغل الواسطات , او في التوظيف , او في المعاملات او اي شي في حياتنا حتشوفوا الظلم هذا , يمكن الجامعة تهيئنا للتحطيم و تعدنا للحياة, لكن لازم نتوقع كل شي ولاتخلوا مادة واحدة تحطمكم لسة المجال مفتوح في 7 مواد غيرها بامكانكم تعوضوا درجاتكم , لكن اتركوا الحقد هذا , انا اول مرة اشوف حكاية " نفسي نفسي" لما دخلت الجامعة دوبني الاحظ دا الشي و كل واحد يفكر بنفسه لكن انا و الله و ربي شاهد مو عشان انا خطة أ دحين اقول دا الكلام لكن لو انا خطة ب و درجاتي ضاعت في الاحياء بسبب دا الظلم و ضاع حلمي بسببه , ماحاقول ان لازم كل الناس يصيرلهم نفس الشي عشان تكون الفرص متساوية , بالعكس حأحس فيهم , واذا هما ماجابوا درجات هذا الشي ماحيرفع درجاتي ولا حيقلل فرص دخولي للكلية اللي انا ابغاها لانو في الحالتين في اكتر من 200 طالب على الاقل حيجيبوا درجات عالية , ياريت كل واحد يترك الحقد و الحساسية و نطبق الدروس اللي لنا 12 سنة ناخذها مو معناه ان ماندرس دين دحين يعني ان نسينا ديننا و لا كل شي درسناه كان حبر على ورق انتهى اول ماخذنا الشهادات خلاص , و الدين مو صلاة وصيام و بس , الدين اخلاق يريت نطبقها في حياتنا العلمية , و اول شي نطبقة الحديث الشريف " لايؤمن احدكم حتى يحب لا خيه مايحب لنفسه " يريت كلامي يوصل و يريت الخطتين أ و ب يقدروا بعض , خطة ا يقدروا ان طلاب خطة ب انظلموا , وخطة ب يتمنوا الخير لطلاب خطة أ ,,, و شكرا لكم

[بترولي مآكل هوآ]

إن شاء الله ما يكون فيه بغضاء وحسد وكراهية !!
بس حسبي الله على قسم الأحياء همّ اللي شوشوا على الطلاب وما صار فيه شي واضح ،،
ف كل واحد صار يفتي من راسه ..

اما بالنسبة لأن طلاب خطة ب يبغون طلاب خطة أ يتمرمطوا ويتعبوا ويكرفوا في الأحياء مثل ما كرفنا ..
ما اظن الموضوع بالسطحية والأنانية هذي ..

يمكن الشخص اللي قال هالكلام ما وصله بالشكل المطلوب ،،،

الشيء اللي ننادي فيه هو العدل بين الخطتين ،، واتوقع الجامعة فيها من العقلانية اللي تضمن لطلاب الخطتين العدل التااااام .. ،،

بس أحيانا الحماس وضغط المذاكرة والكرف يخلي الشباب يتهورون ويقولون كلام ماودهم يقولونه ..

إن شاء الله النفوس طيبة وحبايب .. وان صار شي في الماضي ف نقول حصل خير ،،

[شمعة الإيمان]

لكن لاتنسين ياعزيزتي

قول الله عز وجل على لسان رسوله عليه الصلاة والسلام:( ياعبادى اني حرمت الظلم على نفسي ، وجعلته بينكم محرما ، فلا تظالموا ...إلخ الحديث القدسي)

:) .. كل مافعلوه هو المطالبة بالعدل وكان بعيدا كل البعد عن الحقد والكراهية وزي ماذكر اخوي بترولي من الضغوطات اللي جتهم الواحد مو عارف يعبر

أشكرك على كلامك الجميل وحآسه بشعورك ^^

[yaa rbb]

صح لسسآإنكك...
هآآد الححكي المزبؤؤؤط...
بعديين كل وآآحد يسؤؤي اللي علييه و يججتهد و البآقي ع الله...

بث سؤآأل يسدح نفسه بالنسسبه لي ,, اش يعني test bank ‎‏ اللي مقوميين الدنياا عليييه؟؟<<<برآأإآأإ
جد والله اش هواا؟؟

[كارولينا ر]

من متى الكلام كاان ززي الفعل
طبيعي اي اححد ف خطة أ حيشووف الكلام الي انقال مبدا انو حقد وححسد لانو تبو دا الشي لمصلحتكم
, لاكن احناا مجرررد طلبنا ب ( العدل ) فققققققط
وكلامك دا الي كان 10 سطور كان يمديكي تلخصيه ف سطر واحد

[M!SS Lara]

اولا .. مستحيل حيخلو ناس في ترم تدرس من السلايدات ، وناس في الترم التاني تدرس من تست بانك ..
انا عني انا خطة أ ، ومتحمسه ادرس الاحياء ده الي قوم الدنيا,,,

بالنسبة لكلامي ده اوجهه لخطة ب ,,
امكن انتو الحين انظلمتو بالاحياء لانو احنا حنستفيد من تجربتكم ..

بس انتو بالترم التاني حتدرسو : حاسب ومهارات اتصال وفيزياء وماث وبس..

ومهارات اتصال وحاسب ، هذي الي يدرسها كويس يحل وهو مغمض عيونه والـ a+ مضمونه فيها ..

الماث صح طويلة ، لكنها سهله وكلها اخذناها في الثانوي ..
والفيزياء حلوه لانو هي بس قوانين وتطبيق ,,
وغير كده في كل دوري اول وتاني قي الفزياء والماث ، في 3 اسألة زيادة ..
يعني شئ حلو انك تدخل الاختبار وفي 3 اسأله زياده لو حليتها كلها صح تحتفظلك لحتى الفاينال ..


يعني بإختصار خطه ألف حلوووه وسهله وانتو حتتفرغو ليها اكتر لانو مافي انجليزي .. وحتى لو في فبرضو سهله ,,

وفقنا الله جميعا

[MISSPINK2022]

المشاركة الأصلية كتبت بواسطة m!ss lara اولا .. مستحيل حيخلو ناس في ترم تدرس من السلايدات ، وناس في الترم التاني تدرس من تست بانك .. انا عني انا خطة أ ، ومتحمسه ادرس الاحياء ده الي قوم الدنيا,,, بالنسبة لكلامي ده اوجهه لخطة ب ,, امكن انتو الحين انظلمتو بالاحياء لانو احنا حنستفيد من تجربتكم .. بس انتو بالترم التاني حتدرسو : حاسب ومهارات اتصال وفيزياء وماث وبس.. ومهارات اتصال وحاسب ، هذي الي يدرسها كويس يحل وهو مغمض عيونه والـ a+ مضمونه فيها .. الماث صح طويلة ، لكنها سهله وكلها اخذناها في الثانوي .. والفيزياء حلوه لانو هي بس قوانين وتطبيق ,, وغير كده في كل دوري اول وتاني قي الفزياء والماث ، في 3 اسألة زيادة .. يعني شئ حلو انك تدخل الاختبار وفي 3 اسأله زياده لو حليتها كلها صح تحتفظلك لحتى الفاينال .. يعني بإختصار خطه ألف حلوووه وسهله وانتو حتتفرغو ليها اكتر لانو مافي انجليزي .. وحتى لو في فبرضو سهله ,, وفقنا الله جميعا

+1
معااكي في كل كلمة قولتيها انا كمان خطة أ ومتحمسة ادرس احياء
الله يوفقك الجميع.....

[abu talal 2012]

اولاً السلام عليكم..
>>>منفذ فكرة ارجاع التست بانك<<<
.
انا لما نفذت هالفكرة.فكرت ان طلاب خطة ب بيعترضوا (وهذا من حقهم) وبيقولوا لازم تعدلوا بيننا..اوك معكم حق
..
لكن اين العدل بين جيلنا(بدون تست بانك) والجيل السابق(بـــالتست بانك) والاسبق وهكذا.واحتمال يرجع التست بانك العام المقبل(احتمال),,,ايش ذنب طالب بأن يحرم من الطب(طالب ممتاز ومجتهد) بحجة رسوب الطالب في مادة الاحياء...والادهى والامر هو دخول طالب لكلية الطب(طالب كسول) بنسبة مرتفعة في مادة الاحياء(وهو عمره ما فك الكتاب,,,,,بالحظ) ..
..
اذاً كل اللي يتمناه طلاب خطة أ ان يتم ارجاع التست بانك لهم مع رفع معدلات خطة ب للاحياء((بونص)).وهذا من حق طلاب خطة ب.



.