نقاط مهمه جدا لطلاب خطة ب (الرجاء الدخول من الجميع)

[قاهر الاحزان]

اولا انا خطة ب علمي , وابغا ادخل كلية علوم الحاسب باذن الله

طبعا درجاتي زي الزفت في كل المواد , كلها بين ال15 وال16 سواء بالاختبارات الاولى او الثانيه !!

المطلوب والمهم لي وللطلاب الي زي حالتي

1- طبعا انا سمعت عن انو في بونص وزيادات ووو إلخ , و انا بصراحة افكر اكمل السنه هذه في العلمي بخطتها ب و أ , لكن لا سمح لو خلصت السنه وما انقبلت في كلية علوم الحاسب , هل استطيع ان اعيد السنه التحضيرية كمسار (إداري) ؟ وكيف يكون ذلك ؟

2-بماذا تنصحوني , هل ابقى في المسار العلمي واكمله ؟! , ام انسحب من الآن واذهب للمسار الاداري بنهاية هذا الترم ؟!

3- ماهي التخصصات المتاحة من المسار الاداري في (كلية الادارة والاقتصاد) , ما اعلمه ان هناك 3 تخصصات فقط للمسار (الاداري) من (كلية (الادارة) والاقتصاد!!!!!) , القانون والسياسه وانظمة اداريه , وهناك اخبار تقول بانه تمت اضافة تخصصات (ادارة الاعمال و الموارد البشريه اليهم)

[نقطة انتهى]

وربي جيت ع الجرح

انا ماعندي ولا درجة فوق العشرين انت عارف !!

اعطيت خبر لأهلي انوححمل الكيميا لأني متأكدة تخيل جايبة في الاول 11 والتاني مدري بس قلبي يقول 15
والأحياء الاول 15 والتاني اخس والعن لس ماشفتها بس ماحليت اكيد
والاحصاء الاول 16 والتاني 19
الانجلش فل مارك حمدالله << الشي الوحيد اللي مبرد قلبها

انا بس ابغ انجح حتى لو كلها اجيب 60 يعني درجة النجاح وبس
انا بدخل ادب انجليزي ماعندي طموح

شوف يا قاهر بما اننا في الهوا سوا ودرجاتنا حلوة :p
لا تحول اداري وكمل ولاسمح الله ماخشيت حاسب ادخل اي قسسسم يقبلك

انجليش حلو امممم علم نفس كمان حلو
يعني مو لازم تدخل حاجة علمية
وفي نفس الوقت مو لازم تحول اداري عشان تخش اي قسم
غير كده لمن تحول اداري حتدرسها صيفي

ياابويا قلك صيفي الواحد يبغ يتمشى ويسافر ولا يدرس
عييييييييييييييييييييييييييييييييييييييييييييييييي ييييييييييييييييييييييش حياآاآاآاآاآاآاتك بمرها وحلاوتها
خد الدرجة السيئة وانسى وفكر انك تجيب درجة حلوة
اتعلم مني
شايف كيف درجاتي كويسة عشان كده بنصحك خخخ

خااااااااااااااااااااارج الموضوع ..

برنامج وليد الفراج بدأ على ام بي سي اكشن ومحمد نوووووووووووووور حيجلس مارح يروح الجيش القطري :):):)


نرجع لصلب الموضوع ..

شوف يا اخويا ادارة واقتصاد قسم غبي وبايخ واهبل ومال امو داعي عند البنات
مدري كيف الاولاد
اختي متخرجة موارد بشرية وجالسة في البيت
بنت خالتي ادارة اعمال وجالسة في البيت
بنت خالتي التانية ادارة اعمال برضو وجالسة في البيت
صحبة اختي محاسبة وتشتغل كول سنتر

مدري انتو الاولاد اكيد غير

ادخل ادب انجليزي اكيد البداية حتكون صعبة بس فاايدة مهي طبيعية
لحياتك العملية والعلمية تستفيد منها اكيد هادي لغة تانية متمكن منها بيدك
غير كده دحين كل الوظايف تقولهم انجلش يحطوك على راسهم
حتى الفراش يشوفو سيرتو الزاتية فيها انجلش ولا لا :p

انا ماابغ احطمك بس حاسب يطلبو معدل قوي اكيد انت قدها بس لا تاخد امل كبير
يعني مو عشان درجاتك
اصلن شي طبيعي الواحد ما يتأمل عشان لا يتحطم

اما هرجة تعيد تدرس تحضيري
لييييييييييييييييييييييييش يا ابويا :(:(:(:(:(
ناااااقص انت يا دووووووب الواحد يبغ يتخرج وانت تقول ابغ اعيدها وربي انها سنة غبية

وأخيرن
ترا احنا خطة ب لازم نتنكد واكيد المعدل حيكون تافه
حنكمل خطة أ ومواد اسهل ودرجات احلى ومعدل أعلى ومعنويات مرتفعة :)

والترم الجاي بشرني بدرجاتك وحتشوف انها كويسة ان شاء الله

[AtheerAlamri]

^اوم التحطيـم :|


شوف انت باقي بيدك 40 درجة من كل مادة .. وتأكد مية بالمية انك اذا قلت "صعب ... ما اقدر .. كيف اجيبها..الخ
انك مسسستحيل تجيبها ..
لكن لو قلت انا اقدر بتجيبها بكل سهولة
وبعدين اللي يبغى الشي من جد .. يلآحقه ويهلك نفسه عشانه
انا انصحك تشد حيــــلك من جد وتبدأ تذاكر اول بأول بحيث انك تقدر تجيب الاربعين ووتنجح
والترم الثاني الموااد جدا سهلة بالنسبة لخطة (ب)
شد حيلك من البداية لسى قدامك مشوار وقدامك اختبارات الفاينال والترم الثاني
يمديك تدخل التخصص هذا
وانسى الدرجات اللي راحت وفكر بالجاي
لسى باقي في فرصة
كمل مسار علمي لسسى يمديـــك
واستخيـر عشان ترتاح


وتأكد ان بداية كل نجاح الفشل

[dr.abdullah9]

انا صرتخة ما انصحك تغير للادبي
ولا كن ادا غيرت للادبي في تخصصات كثير حلوة في الادبي
مثلا :محاسبه , او قانون ...