خلصت كل المواد السهلة... وباقي كل الصعبه... ورطان . نصيحتكم أخواني الله يوفقكم

[Alsarraj]

بسم الله الرحمن الرحيم.
والله يا شباب أنا ماأدري كيف كنت بأفكر ... لكن الآن لازم أواجه الواقع

معظم المواد الباقية صعبة . وحتى مني عارف أختار مواد لهذا الترم . ونفسيتي تعبانه من هذا الموضوع

ودي أكتبلكم إيش باقي لي... وياليت النصح من أخواني. إذا أحد يقدر يقسمها لي ..

13 مادة ... و2 إختيارية

stat111 الا حصاء للتخصصات النظرية
bus345استثمار
bus471اتفاقيات منظمة التجارة العالمي
bus401 ادارة المشاريع الصغيرة
acct101مبادىءالمحاسبة
econ101مبادىءالاقتصاد الجزئي
bus304 النوع اجتماعى وت. موارد بشرية (1)
econ102مبادىءالاقتصاد الكلي
bus322 بحوث العمليات
bus448 مالية دولية
econ204 تحليل كمي
acct102مبادىءالمحاسبة 2
bus495 بحث وتدريب (ادارة اعمال دولية)


+ 2 إختيارية

كيف أقسمها على ترمين + ترم صيفي ؟ أتوقع جدا صعب . ممكن أزود ترم ثالث إضافة إلى الصيفي وأمري لله

فزعتكم الله يوفقكم

[املي في الحياه]

لاتشيل هم اخوي والله سهله المواد بس يعني لازم تاخد اول شي مبادي محاسبه عشان تقدر تاخد محاسبه 2
وكمان الاحصاء لازم تاخده عشان اتوقع تحليل كمي متطلبه الاحصاء تحليل كمي لاتاخده الحين لانه مره كثير
وكمان اقتصاد جزيى عشان تقدر تاخد اقتصاد كلي
لازم تظغط على نفسك وتاخد الاساسيات اقتصاد جزئي ومحاسبه 1 والاحصاء وخد الاتفاقيه ماده يمدحونها ونوع اجتماعي عشان تنوع حفظ وفهم بس انت مره غلطان كدا يعني تركت الاساسيات المهمه بس لاتشيل هم ربي يسهل توكل على ربك

[Alsarraj]

شكرا على الدعم المعنوي ..
طيب إيش إقتراحك في هذا الترم ؟
ما ودي آخذ محاسبة ... أتوقع إنها أصعب. حآخذ إحصاء
و إيش غيره ؟ أنا بآخذ رأي الجميع وخاصة إلي أخذوا المواد .. لأنه لازم أرسى على بر الإختبارات قربت :(

وجزاكم الله خير

[yesyes]

والله يا اخوي ( تبغى الكلام الصحيح ....وإلا ولد عمه ....!!؟ ) موادك مافيه إلا مادتين تقدر تسميها ( فوق المتوسط ....يعني كمان مو صعبه بس اقل من كلمة صعبه ...يعني مواد يبغالها تركيز وجهد مو اكثر من كذا ....فقط ماعندك الا مادتين اللي هي بحوث عمليات / وتحليل كمي )

...........

أما بقية موادك ....تقدر تسميها مواد ( معدل ....يعني مواد ترفع فيها المعدل مو تسميها صعبه )
على سبيل المثال ....:
مادة النوع الاجتماعي ....هذه ساعه واحده فقط ...ومنهجها من ( 8 سنوات هو ..هو ...ماتغير ...ونفس الأسئلة بتكرر من 8 سنوات تقريبا ....يعني مادة تضمن 95 فيها وانت مغمض ما يبغالها اي مجهود ...)

الاحصاء ( مادة 99% تعتمد على الأله .....يعني اغلب الاسئلة تقدر تحلها من الألة ...قليل من الأسئلة اللي راح تبذل فيها مجهود في الحل ...يعني تذاكرة قبل الاختبار بــ اسبوع كفاية وتضمن الامتياز في جيبك ....مادة جدا جدا جدا واضحه ما فيها لا لف ولا دوران )

الاقتصاد الجزئي ( مادة كمان ما فيها اي صعوبة )
الاقتصاد الكلي اسهل مادة من بين كل المواد ......( لها كتاب فقط 50 صفحه ) وفي نفس الكتاب يوجد ( 1000 نموذج اسئلة .....يعني 50 صفحة ...وكل صفحة جايب لك في الكتاب الاسئلة المحتملة عليها نظريا وعملياً لا ..وكمان تلاقي الاسئلة محلولة ....يعني مادة بالمختصر المفيد تدخلها وانت بنسبة 90% متوقع الاسئلة اللي راح تجيك ....)

الاستثمار .... كمان مو صعبة لكن انصحك تبحث عن ملخص لواحد من الشباب تلاقيه 7 صفحات فقط ....جامع فيها كل قوانين الاستثمار جدا جدا جدا جدا مفيدة وتختصر عليك الوقت .....والجانب النظري حاول تبحث عن النماذج القديمة ....غالبا الدكتور يكرر الاسئلة


بس .....والله يوفقك

[خوخه 2009]

اهم شي تآخذ متطلبات المواد

عشان ما تتورط في الاترام الجايه

موووفق يارب ..

[d7om_1]

أفضل شي أنك تخفف الساعات وتأخذ أترام زياده عشان المعدل
لكن إذا كنت ناوي ترمين + صيفي بعطيك أقتراحي
الترم الأول
أحصاء
محاسبه 101
أقتصاد جزئي
أتفاقيات منظمة التجارة العالمية
إدارة مشاريع صغيره
النوع الإجتماعي
ولازم تبداء من الآن وإذا أنت موظف لازم تأخذ أجازه قبل الأختبارات عشان تكثف الدروووس
الترم الثاني
تحليل كمي .. متطلب لبحوث العمليات
أقتصاد كلي
مالية دولية
بحث وتدريب
مادتين أختيارية
الترم الصيفي
أستثمار
بحوث العلميات
محاسبة 102

والأفضل زيادة الأترام
شكلك ما تحب المواد العملية ولهذا السبب أجلتها كلها
بسيطه أن شاء الله والمواد اللي تشوفها صعبة خذ مدرس فيها وتصير معك سهله
موفق أن شاء الله

[Alsarraj]

جزاكم الله خير على ردودكم
أنا وكلت أمري لله... وقررت إني أزود ترم.
يعني هذا الترم و وإللي بعده والصيفي وكمان واحد

رسيت على هذي الخطه .. أعطوني رأيكم

(للتوضيح) أنا عندي 13 مادة ... وإثنين إختيارية يعني إجمالا 15

ورتبتهم كالآتي :

هذا الترم-
stat111 الا حصاء للتخصصات النظرية
bus471اتفاقيات منظمة التجارة العالمي
bus401 ادارة المشاريع الصغيرة
free (إختيارية )
---------------

الترم الثاني -
ACCT101مبادىءالمحاسبة
ECON101مبادىءالاقتصاد الجزئي
BUS495 بحث وتدريب (ادارة اعمال دولية)
FREE(إختيارية)
--------------

الصيفي -
econ204 تحليل كمي
bus322 بحوث العمليات
bus448 مالية دولية
---------------

الترم الأخير ( بإذن الله ) -
acct102مبادىءالمحاسبة 2
econ102مبادىءالاقتصاد الكلي
bus345 استثمار
BUS304 النوع اجتماعى وت. موارد بشرية (1)
___________________

يا ليت رأيكم في الترتيب وكمان إذا عندكم خلفية عن المواد الإختيارية يا ليت تقولولي أسهل مادتين .. أنا أخذت أول 2 حرة إللي هيا الإقناع والرأي العام.. بس ماعندي خلفيه عن المواد الاختيارية