بالنسبه للتحويل الى اداري

[سديم الزهراني]

السلام عليكم ورحمه الله وبركاته
ابغى جواب كافي انا ابغى احول من مسار علمي الى اداري
هل في فرصه السنه هاذي والا الجاي ولو فيه شو المطلوب مني
ووين اروح احول ؟؟؟ علما باني بكليه الشرفيه
وجزيتم خيرا مقدما .

[سديم الزهراني]

افا محد يرد

[جيزان]

امممممممممممممم حبيبتي انا السنه الي فاتت كنت تحضيري بالشرفيه
وكنت ابغا احول بس بعد الترم الاول لانو معدلي ماعجبني كان تحت 3ونص واستخرت وارتحت وروحت المبنى الي جنب مبنى 3 تبع العماده وطلعت الدور الثاني عند داليا عرب وقلت لها على حكايتي قالت لي خلاص يصير تكتبي ورقه اخلاء طرف وتسحبي ملفك نهائيا من الجامعه وترجعي تختبري قدرات وتحصيلي مع دفعه 12 وتقدمي معاهم وتختاري مسار اداري ,,,,

طبعا وقتها كنت دوبي مخلصه من خطه أ وبدأت الترم الثاني في خطه ب وانا اسمع من االبنات انها صعبه و و و ,,,, وانتظرت للدوري الاول واختبرت احصاء وكيمياء واحياء ودرجاتي كانت مرررة عاليه احسن من خطه أ بكثيير وتراجعت عن الانسحاب فكرت انه حرام علمي وكرف الثانوي وكرف الترم الاول في خطه أ حرااام بعد هذا كللو احول وفعلا كملت والحمدالله طلع معدلي الفصلي للترم الثاني4.56 وفرحت كثيييييييير وارتفعت معنوياتي وحمدت ربي اني مااحولت

وعلى هالمعدل توقعت انه ادخل علوم طبيه لانها كانت رغبتي الاولى من اولى ثانوي بس للأسف الترم الاول خسف فيني كثير وشوفي كملت ودخلت احياء والحمدالله فتح فيه تخصصات جديده ومطلوبه يعني الدنيا ماراح توقف على شي

بليييييييييييييييييييييييييز ارجعي فكري حبيبتي والله كان تفكيري نفس تفكيرك وابغا احول ومااقدر و كللو انجش بس في الاخير غصب عنك راح تتعودي ,,, والله الحين مااعاد اعرف اذاكر مواد العربي لانه التحضيري من جد علمني كثير وراح تفهمي كلامي السنه الجايه وراح تتذكري ,,
وبعدين حولتي اداري وين تتخصي تربيه خاصه حرام والله عناء مررة مو حلو ,,, او اقتصاد او اداره فيه بس تخصص واحد للأدبي الي هوا اداره عامه والتخصصات الحلوة مثل ادارة الاعمال متاحه للعلمي فقط ,,,,, غيرهم تاريخ وجغرافيا ودراسات وفي الاخير تصيري مدرسه او بيت
الله يخليكي كملي وشوفي لحد اخرر الترم الثاني مااعجبتك درجاتك خلاص اسحبي وقتها وقدمي مع دفعه 13

الله يوفقك ياااااااااااااااارب ويكتب لك الي فيه الخير

بس على العموم اذا انتي مررررررررة مصرة على الادراي حولي من الحين عشان الترم الثاني تبدأي مع الادراي وراح يحتسب لكي الترم الاول,,, والترم الثاني راح يكون لكي الترم الاول من السنه الجايه يعني مع دفعه 13 وبعدها راح تتخصصي بس حطي في بالك انه التخصصات المطلوبه راح يكون فيها اكتفاء مثل تربيه خاصه يعني الله يعينك

واذا جلستي مثلي وبعد الترم الاول حبيتي تحولي ماافيه تحويل الا السنه الجايه الا اذا كان عندك واسطه قويييييييه

[BoOoDi =D]

ليه تحولي !!

حرآم عليكي و الله ..

انتي لو تبي تدخلي أي تخصصصص بيكون مفتوح قدامك لو انك علمي .. حتى لو غيرتي رأيك وقت اختيارات التخصص

لكن الأدبي تخصصاته محدوده و كلها موجوده بالعلمي

النقل اعتقد يبالك تعيدي السنه التحضيرية السنه الجاية من جديد .. و حرام سنه تضيع من عمرك

شدي حيلك .. و استخيري ربك قبل كل شي

موفقه ,,

[سديم الزهراني]

شكرا جزيلا لكم الله يوفقكم ويجزاكم كل خير مقصرتو.