لكل الي يقولون ضاع مستقبلي بعد اختبار الاحياء .. تعالو ابغاكم فـ كلمه راس

[ATJ]

بسم الله الرحمن الرحيم


السلام عليكم ورحمه الله وبركاته


ما كتبت هالموضوع الا بعد ما شفت حاله بعض الاعضاء المزريه بعد اختبار الاحياء


و كأن الدنيا انتهت على اختبار و يااااااليته نهائي عشان نقول ممكن مافي فرصه نعوض لا عندنا ميد تيرم ثاني و فاينال .. يعني معانا 70 درجه بإذن الله


بكل امانه انا نتائج اجتماع الطلاب مع العميد ما فرحتي كثير بالذات انهم الغو التست بانك .. جداً تحطمت


لكن لما شفت مكتوب ( 2. بالنسبة للاختبآر الدوري الآول .. قآل أنه رآح يرفعون الدرجآآت .. بس ينتظرو الدرجآت تنزل وبعدهآ راح يقررو معدل الرفع .. ممكن يكون 15 - 10 درجآت .. يعني الككل بيأخذ درجة حلوة .. فوق 25 ! ) تحمست و تفائلت خير .. بما ان طلاب كثير نازله درجاتهم فـ اتوقع متوسط درجات الطلاب بين 15 لـ 20 من 30 يعني حتى لو زودونا 5 درجات نعمه والله .. انا اتمنى يزودونا اكثر والله بس ناخذ اسوء الاحتمالات ..


طبعاً نقول مثلآ انا جبت 15 و اعطوني 5 درجات .. يعني صرت 20 من 30


عاد انا ذحين خلاص فهمت نظام ماده الاحياء يصير ( نو تست بانك , نو اشاعات , نو مصادر اخرى ) السلايدات فقط .. حتى لو نزلو 120 سؤال ثانيه ما باذاكرها الا بعد ما اخلص السلايدات و احفظها تمام

وقت الاختبار معانا حق ما كان في وقت كافي نحفظ السلايدات كلها لأننا اعتمدنا يكون في تست بانك مثل الدفعات الي قبل نذاكر الاسئله قبل الاختبار بكم يوم و نجيب الفل مارك ..تساهلنا فـ المادة والله


بس ذحين احنا لسه فـ بدايه الطريق .. يصير بإذن الله من بعد الحج نذاكر اول بـ اول الاحياء .. صدقوني ممكن محد يكره الاحياء زيي >< .. لكن مجبور اذاكرها .. انا مو داخل الجامعه عشان العب !


ايوه و نرجع لـ موضوع النفسيات الي يقولو خلاااااااااص مستقبلي ضاااع خلاااص باسحب عن الجامعه < ابدأ انا مو منهم هع


افتحو الاودس حقكم .. و ادخلو على احسب معدلك تجريبياً .. احنا لسه ذحين فـ اول المشوار .. قولو انا مثلآ نقصت 10 درجات فـ الاحياء حلو لأني جبت 20 .. و قولو باشد حيلي قد ما اقدر و الاختبارات الجايه الميد ترم الثاني + الفاينال نقصت 5 درجات بس < المفروض ما انقص لأني عرفت لعبه ماده الاحياء كيف .. المهم يصير اخذت 85 من 100 تمام كذا


ول نتخيل المواد كلها كذا :


أحياء 85 زي ما قلنا ..
كيمياء 85
انقليش 90
احصاء 85


و على فكره انا جالس احسب اسوء الاحتمالات يعني بإذن الله بنجيب اكثر من كذا .. توقعو المعدل كم ! .. 4.55 ! ممكن بنظر بعض الطلاب مو عالي يعني ما بيدخلني الطب مثلآ او شي زي كذا


بس ع الاقل مو ذاك المعدل الي ما يدخلني تخصص محترم ! فهمتو يا نفسيات :@ < محد يقصد نفسه ><


ع العموم هـ الكلام كان بقلبي و حاولت اقوله .. معليش ع الاطاله و الاسلوب المدري كيف جاي ><" .. بس اهم شي وصلت المعلومه و اي احد بعد كذا بيقول ضاااااع مستقبلي .. بسحببب عن الجامعه باقتله حتى لو كان ميت :@


يلا عاد شدو حيلكم فـ الاختبارات الجايه و فالكم التوفيق ان شاء الله


شحطه : ممكن الموضوع مكانه مو هنا بس النفسيات كثرو فهالقسم :@ .. ايوه صح بالله كيف العنوان مو اجرامي نياهاهااهااا هع