أنا أدبي .. ينفع أحول لقسم علمي في الإدارة والاقتصاد ؟؟؟

[glitter]

السلام عليكم ورحمة الله وبركاته
أنا مسار إداري في المستوى الثالث ..
سمعت إنو أقدر أحول لتخصص في الإدارة والاقتصاد مسار علمي ( نظم معلومات إدارية - إدارة أعمال - اقتصاد - محاسبة - إدارة مستشفيات - تمويل - تسويق - موارد بشرية ) بس بشروط ..
1 - فهل هذا الكلام صحيح ولا لاء ؟
2 - وإذا صحيح إش الشروط ؟
3 - وإيش تنصحوني أدخل وحدة من هاذي التخصصات ؟ مع العلم إني ما أعرف عنها ولا شي بس بس أساميها تحمس ومحتارة إيش أدخل فيهم ..
4 - وإش المعدلات المطلوبة والشروط لكل وحدة منهم ؟
5 - و على إيش تعتمد هادي المواد ( حفظ / فهم )
6 - وهل فيها رياضيات ومواد كمية ؟ ( ترى إذا فيها اختصروا علي وعلى نفسكم الموضوع من بدري وقولولي عشان أغير رأيي لأني شاردة من الرياضيات وما صدقت أخلص منو في التحضيري بس إذا ما فيها مو تكذبوا علي عشان ما تضطروا تجاوبوا على باقي الأسئلة )
سامحوني لأني طولتها عليكم .. وشكرا

[أحلى دلووعه]

ايوا فيها رياضيات

[بنت العسكري]

لا ما تقدري تحولي!!! خلاص الغوا ذا النظام..انا رحت بنفسي سألت لاني ابغى احول قانون(و انا مسار علمي)
قالوا لي ما عاد ينفع!!! كل واحد في مساره...اووووف مرررررة انقهرت
و كمان ارسلت لـــ أ.د/حسام العنقري و قال ابدا لا يمكن

[خالد الدمام]

في رياضيات واحصاء وتحليل كمي وما ادراك ما التحليل الكمي وبحوث عمليات واداره عمليات وماليه شركات هذي تعتبر مواد علميه

[glitter]

لا إذا على كذا هونت وبقوووة
مشكورين ويعطيكم العافية
بس بنت العسكري تقدري تحولي من مسار علمي لإداري وتدخلي قانون .. أعرف وحدة سوت كذا وماشيةوبالنسبة لسؤالي ترى أنا ما سألت إلا وأنا سامعة بنات معايا العام في التحضيري يبغوا يدخلو إدارة أعمال ونظم معلومات وهم مسار إداري وسألوا كلية الإدارة وقالولهم النظام موجود بس هاذي السنة ما قابلتهم ولا أدري إش وضعهم عشان كذا حبيت أسأل وأنا أساسا حابة أدخل وحدة من هاذي التخصصات من زمان لو ما اتغير النظام