بنات متى تنزل اسماء الاستاذات وكيف اختار الشعب ؟؟

[مآب القرشي]

السلام عليكم ورحمة الله وبركاتة
بنات متى تنزل اسماء الاستاذات وكيف اختارهم من الاودس
بالله ساعدوني وابا الطريقة بالتفصيل
الله يجزاكم خير يارب

[جوريه حربيه]

المشاركة الأصلية كتبت بواسطة مآب القرشي السلام عليكم ورحمة الله وبركاتة بنات متى تنزل اسماء الاستاذات وكيف اختارهم من الاودس بالله ساعدوني وابا الطريقة بالتفصيل الله يجزاكم خير يارب

اهلين مآب صباح الجوري يا عسل ,, متى تنزل حلم نتمنى تحقيقه قريبا ..
كيف تغيري الشعبه وتختاري استاذاتكـ ,,
شوفي يا قمر ,, لنفرض انكـ فمادة شعبة 3 وانتي تبغي استاذه نوره الحمودي مثلاً ,, وشعبتها 2
تروحي لخانة الحذف والاضافة ... بعدين موافقه وبعدها تحذفي الماده من كلمة حذف عند كل ماده تختاري ماده وحده مو كلها .. وترجعي تضيفي الماده مره ثانيه ولماتجيك الشعب تختاري 2 على مثالنا .. وبعدها تنفيد وحتضاف على طول للجدول ,, وهذه صوره لتوضح الصوره اكثر,,

[قيتارة ألم]

متى تنزل اسماء الاستاذات الله العالم بس اعتقد انها ماراح تنزل
وكيف تختاريهم
من قائمه الشعب تحطي الرمز للماده
ثم تختاري سنه ٢٠١٢
ثم تختاري الفصل الاول
ثم تضغطي استعلام
وشوفي بالجهه اليمين رقم الاستاذه
اي استاذه تبينها تشوفي كم رقمها ومتى محاظرتها من الساعه لساعه
وثم روحي لحذف واضافه وضيفي الماده وثم قارني بعد ماتضيفي الماده هل رقم الاستاذه نفس رقم الماده الي نزلتيها بجدولك
واذا مافهمتي اشرحلك بالصور بس هنا في موضوع شرح طريقه الحذف والاضافه وبالصور كمان اجيبلك الموضوع انتطري
وموفقه ياعسل

[قيتارة ألم]

بعد ماكتبت لقيت الاخت جوريه شارحه لك يالله موفقه ياعسل وشكرا لجوريه ماتقصر

[sara_2009]

الله المستعان متى بتنزل اسماء استاذات الشعب

[جامعية كول]

على الامل البعيد

[غروب الشمس]

بناااااااااااااات كيف ااضفتو مادة اسيا ققالولي لازم اروح لمياده عشان اضيفها

[مآب القرشي]

جورية خاصة وكل الحلووووات عامة
الله لايحرمني منكم يارب
جوووووووجو وحشتني يانور المنتدى النت فصل عندي يومين وقلقلت على اخبارك اسال الله العظيم رب العرش العظيم يسهل كل امورك ويشرح صدرك واشوفك متخرجة بامتياز يادكتورتي الحلوووووة
فديتك ويجزاك الله خيررررررررررررر

[تباشير الصباح]

احس مافهمت اجباري اختار الشعبة والاستاذة

[زنبقة الياقوت]

نزل بعض اسماء الساتذه في العربي والثقافه بس مع اني سمعت
إن الاسئله موحده في هاذي المادتين