بلييييز ساعدوني

[princess of romans]

السلام عليكم ورحمة الله وبركاته

انا طالبه بآخر سنه في ادارة اعمال دوليه

ومااخدت ولا ماده حره ولا اختياري
فيريت الي عنده خلفيه عن مواد سهله يفيدني لاني بحوسه مع الجدول
مو عارفه ايش اخذ

الله يسعدكم الي يقدر يكتبلي الرمز تبع الماده عشان اقدر اضيفها بسرعه

جدولي صار كله بريكات وشعب التخصص مجبره اخدها مو فاتحين الا شعبه لكل ماده


ولكم جزيل الشكر

[غـنـى]

اختياري

اقتصاد دولي econ 230
تحليل احصائي econ 205
اخلاقيات عمل pad 201 بس لا تاخدي مع ابتسام حلواني

حرة

مصادر معلومات is 221
صحة نفسية hed 424


بالتوفيق

[princess of romans]

يعطيكي الف عافيه غنى
بس انا طفشت من مواد التمارين زي الاقتصاد والتحليل
الله يستر وماادبس فيها

تسلمي

[غـنـى]

انتي كويسة بالحفظ اكثر او بالحل والتمارين

انا هذه الي اخدتها لاني ما اجب الحفظ دي كانت اسهل عليا
اذا بدك مواد حفظ في

علوم سياسية ps 101
نظام سياسي وسعودي ps 111
ادارة مبيعات bus 416

[princess of romans]

تسلميلي يارب
ماقصرتي غنى

[مًًنٍتٍهًىُ آلًرٍقــًٍـًہ]

علوم سياسية ps 101
نظام سياسي وسعودي ps 111
BUS 335 تخطيط وتنميه موارد بشريه انا لمن اخدتها كان نفس الكتاب حق الموارد البشريه وفي فصول اخدناها في الموارد كمان ترجعي تاخديها في التخطيط والتنميه

هدي سهله وحلوه بس النظام يقولوا اسهل انا عن نفسي اخدت العلوم

وبالنسبه للحره
HIST 341 الدوله العثمانيه خديها مع اماني الغازي راح تجيبي اي بلس وانتي مغمضه
الدكتوره مره اخلاق وطيوبه واسئلتها متنوعه وتاخد بمفهومك
ولو لقيتي معاها اي ماده خدي الدكتوره جده ممتازه

بالتوفيق