هل من مجيب لسؤالي !!

[وزاره الداخليه]

السلام عليكم ورحمه الله وبركاته
عندي استفسار صغنون
انا قبلت بكليه العلوم فرع الفيصليه
بس ابغى اعرف متى اختار القسم في الكليه وهل اروح الجامعه ولا عن طريق الاودس ومتى وكيف !!
بليييييييييييز افيدوني لاني شوي وبطق

[fatoom sweety]

up up

[بنووتة كيوت]

اذا مانزل لك ف الاودس روحي اول يوم الشؤون واختاري ..

[دافئ الإحساس]

واختيارك للتخصص

سيكون ع حسب المعدل

وبعض التخصصات يطلبو بمعدل كعين لكلي تخصص

زي الكيميا الحيوية للبنات

طالبين انو ما يقل عن 3.50

بالتوفيق

[وزاره الداخليه]

المشاركة الأصلية كتبت بواسطة دافئ الإحساس واختيارك للتخصص سيكون ع حسب المعدل وبعض التخصصات يطلبو بمعدل كعين لكلي تخصص زي الكيميا الحيوية للبنات طالبين انو ما يقل عن 3.50 بالتوفيق

كماان معدل يااهو ارحمونا قدرات وتحضيري وموزونه وش باقي كمان
اعطونا ملفاتنا واحسن لنا من العذاب هذا

...
يسلموو اخووي على ردك بس ابغى اعرف متى طيب اختار
هو بدايه السنه ولا اروح لهم دحين ولا ايش

..

يسلموو فطووم ,, وبنوته على ردكم

[دافئ الإحساس]

الموزونة يا اختي

بس في تسكينكم

اما المعدلات في التخصصات لكلي قسم

وبالنسبه لاختيارك للتخص سيكون اول سنة إن شاء الله

دراسية

بالتوفيق

وازا تحبي تعرفي عن كلي تخصص كم يطلبو

تعالي منتدى قسم كلية العلوم

[وزاره الداخليه]

المشاركة الأصلية كتبت بواسطة دافئ الإحساس الموزونة يا اختي بس في تسكينكم ايوه عارفه بس حرام والله قهر اما المعدلات في التخصصات لكلي قسم وبالنسبه لاختيارك للتخص سيكون اول سنة إن شاء الله دراسية بالتوفيق امين يارب والجميع وازا تحبي تعرفي عن كلي تخصص كم يطلبو تعالي منتدى قسم كلية العلوم ايوه يالليت لاني محتاره ايش ادخل كمان لانه مو رغبتي علووم بي الحمدالله على كل حال حظي منسدح

يعطيك الف عافيه

[دافئ الإحساس]

امين وياكي يارب

بس لا تقولي حظي منسدح

لنو ربنا ما ينسى عبدو ابدن ابدن

وخلي ايمانك بربك قوي

وهادي دنيا بس

يعني الواحد يفعل بالاسباب

والتوفيق من ربنا

لكن الفوز الحقيقي وهيا الفوز بالجنة وبس

انا لمن ما انقبلت الطب ولا علوم طبية تطبيقية

صحيح انقهرت وسار اللي سار معايا

ودحين يمديني احول تقنية مختبرات

بس انا اللي مابا

وصحيح قسمي مالو وظايف اكيدة

لكن انا ما افكر في دا كلو

عارفه لي؟؟

لنو الواحد لمن يشوف انو ميولو فين

واش اللي يحبو ويشوف نفسو في الشي اللي يحبو

واللي يعشقو صعب يخرج منو

انا مستعد احول واتخرج اخصائي مختبرات

بس انا مابا لدا الكلام

مو عشين مافيا ادرس 4 سنوات في المختبرات

بس عشين عرفت انو ربنا كاتبلي الخير في قسمي

و ع فكره قسمي اللي هوا كيميا حيوية

التخصصات فيلو في الماستر

جدا كتيييييييره جدا جدا

يعني اقدر اسير معيد ودكتور في الجامعه

او ادخل حتى ارامكو

يعني في اشياء بتسير ونحنا ما بنحس فيها بالمره

وربنا اكيد لمن يكتب للبني ادم

انو ما يدخل المكان الفلاني

او اي شي

الا انو اكيد في خيير لو اكتر لمن يروح مكان غيرو

فلا تتحطمي او تقولي خلاص مستقبلي ضاع

وتبكي وتنهاري ومن دا الكلام

كلو مكتوب عند ربنا

وطول ما انتي بتصلي صلاتك في وقتها

ومؤمنة بالله وبتستغفري ربك في كلي وقت

ربنا محا ينساكي

وخلي اعتمادك بربنا سبحانو قوي

لنو مالنا غيرو سبحانو

اهم شي رضى ربنا

ورضى اهلك عليكي وبس

وماعليكي من اللي يقولك لا تدخلي هنا او هنا

لنو ربنا اللي يوفق العبد

فا انتي ازا ما اتسهلك معاكي الكليات الطبية

لازم تعرفي انو هادي خيره من ربك

بالتوفيق

ان شاء الله تكوني فهمتي مقصدي في كلي كلمة

قلتها

بس شوفي يا اختي

صدقيني طووول ما انتي ايمانك بالله قوي

محا تفكري ولا في اي شي في هادي الدنيا

لنو انتي واثقة انو ربنا معاكي في كلي خطوة بتسويها

في هادي الدنيا

بالتوفيق يارب لكي ولكل المسلمين

[وزاره الداخليه]

ونعم بالله من جد ربنا مارح ينسى احد
تسلم ياخوي بجد ريحتني وعلى قولتك يمكن خيره لي
..
بس انا ودي صراحه في قسم ما يكون فيه تشريح حشرات لاني اكرها واخاف منها
غير الماث والفيزياء

وابغى اعرف انت كيمياء حيوي فيها تشريح ولا لا ؟؟

[دافئ الإحساس]

الاحياء الدقيقة فيها حشرات وكده

لكن عندنا الكيميا الحيوي

فقط عن جسم الانسان

ما يخرج منو

وقسم جدا رائع

بالتوفيق