قصتي مع التسكين :)

[SoSoooo B]

السلام عليكم ورحمة الله وبركاته

زي ماتعرفوا قبل كم يوم نزل التسكين
ماكنت اتوقع اني اتخصص حاسب كان طموحي علوم طبية تطبيقية ولمن لقيت نتيجة الفرز لقيت نفسي اتخصصت حاسب في دا الوقت حسيت نفسي زي المصدومة
وكلمت ماما وبابا بس كنت حاسة نفسي في حالة صدمة بس بابا الله يعطيه العافية مرة اقنعني في التخصص دا وقالي كتيرين ناس يتمنوا يتخصصوا حاسب مررة فرح انو اتخصصت حاسب لانو هو مررةيحب وكان نفسوا اني اتخصص حاسب
اقتنعت شوية بس باباالله يعطيه العافية كان قاعد يتكلم معايا وعن تخصصات الحاسب وقد ايش هيا مهمة ومو بس انو فرومات للجهاز بس انو ليه طبيقات كتيرة زي هو اللي يحرك المركبات الفضائية وتقريبا اللي يدرس حاسب يكون انسان غير يمديه يعتمد على نفسوا ويعمل شغلو بنفسوا فا بس اتحمست مررة كتير يعني الحمد الله مررة ارتحت للحاسب مع انو بابا كان رايح العمادةعشان يرضيني بكرة بس اقتنعت وقلت له لا تروح خلاااااص
والله كتبت دا الموضوع اول شي عشان في بنات كتيرين سمعتهم يبغوا يحولوا من الحاسب واقولهم ترا الحاسب مررة مهم وماراح تحسوا باهميته الا بعد ماتتدرسو


وكلمة اخيرة : من وجهة نظري لازم الكل يتخصص في مجالات مختلفة عشان الدولة يكون فيها انجازات
انتم اتخيلوا معايا كلنا مثلا اتخصصنا طب او هندسة او..الخ ماراح يكون تتطور للدولة نفسها ماراح يكون في انجازات
وشكرا لكم والله يوفق الجميع يارب
ايوة صح كمان ابغا اشكر كل من ساعدني من صحابتي خاصة حبيبت قلبي د/ هديل

[No_0ne]

كلامك صح تخصص الحاسب ممتاز و حلو بس يبالو رغبه لانه مو سهل اصلان ما في شي سهل ...
بس الي بيدخله عن رغبه هيبدع فيه ...
و الله يوفقك في تخصصك :)

[hadeel a]

ما شاء الله تبارك الله .
كلاميك عين العقل .
I am so Proud of you
الله يوفقيك يا رب .
ياريت كلنا نفكر زيك يا سوسو .

[THE HILL]

ي عسل صحباتي نسبهم 98 - 97 و ما شاء الله الحاسب رغبه اولى :)

وبالفعل تخصص ممتاز جداا وخصوصا ان مجالاته كثييرة ..



الله يوفقكـ يارب وخصوصا انك اقتنعتي وان شاء الله تبدعي فيه ^^

[SoSoooo B]

المشاركة الأصلية كتبت بواسطة no_0ne كلامك صح تخصص الحاسب ممتاز و حلو بس يبالو رغبه لانه مو سهل اصلان ما في شي سهل ... بس الي بيدخله عن رغبه هيبدع فيه ... و الله يوفقك في تخصصك :)

ايوة ياقمر كلامك صح 100%
اميييييييين يارب
الله يوفقك يارب ونشوفك احسن دكتورة

المشاركة الأصلية كتبت بواسطة hadeel a ما شاء الله تبارك الله . كلاميك عين العقل . i am so proud of you الله يوفقيك يا رب . ياريت كلنا نفكر زيك يا سوسو .

تسلمي ياقلبي
الله يوفقك يارب واشوفك احسن دكتورة اسنان
احبك يا صحابتي ومررة شكرا انك كنتي معايا اول باول الله يخليكي ليا يارب

[••Cute Girl]

::


الله يوفقك حبيبتيَ ..

والحمد لله إنك اقتنعتي فيه ،/ :)


،’

[MeeNo92]

من جد تخصص الحااسب مرررة مهم ومرة تخصص حلو

وأنا اصلا امي كانت تقلي خليكي من الطب وادخلي حاسب بلا طب وهم ودراسة طويلة وفي النهاية طبيبة عامة p:

بس انا اعشق الطب والجرااحة والأشيااء هدي فقلت لا الا ابغى طب

اصلا مافي تخصص ماهو مهم, ومن جد كلامك عين العقل

الله يوفقك يا قلبي

اللي يدخل تخصص وهوا مقتنع في راح يببببدع في بشكل مو طبيعي

الله يوفقك

[SoSoooo B]

المشاركة الأصلية كتبت بواسطة the hill ي عسل صحباتي نسبهم 98 - 97 و ما شاء الله الحاسب رغبه اولى :) وبالفعل تخصص ممتاز جداا وخصوصا ان مجالاته كثييرة .. الله يوفقكـ يارب وخصوصا انك اقتنعتي وان شاء الله تبدعي فيه ^^

ايوة عارفة ياحياتي انو تخصص مررة حلو
بس كان نفسي في علوم طبية اكتر بس خلااص دحين حسيت انو الحاسب ينفع لي اكتر
مرة شكرا على مرورك الحلو وان شاء الله اشوفك احسن دكتورة يارب

[SoSoooo B]

المشاركة الأصلية كتبت بواسطة ••cute girl :: الله يوفقك حبيبتيَ .. والحمد لله إنك اقتنعتي فيه ،/ :) ،’

واياكي ياقمر
شاكرة لكي مرورك الحلو

المشاركة الأصلية كتبت بواسطة meeno92 من جد تخصص الحااسب مرررة مهم ومرة تخصص حلو وأنا اصلا امي كانت تقلي خليكي من الطب وادخلي حاسب بلا طب وهم ودراسة طويلة وفي النهاية طبيبة عامة p: بس انا اعشق الطب والجرااحة والأشيااء هدي فقلت لا الا ابغى طب اصلا مافي تخصص ماهو مهم, ومن جد كلامك عين العقل الله يوفقك يا قلبي اللي يدخل تخصص وهوا مقتنع في راح يببببدع في بشكل مو طبيعي الله يوفقك

والله كلامك صح 100%
مرة شاكرة لكي مرورك الحلو اللي زي صاحبتوا
الله يوفقك يارب ونشوفك دكتورة قد الدونيااا

[AM00NA]

مآشاءالله آلله يسسعدك يآرب ..

الحآسب من افضل الكليآت طبعاً ولا تحسبوها انها سهله لا والله
قريبـتي حآسب و انهد حيلها بس طبعاً مع الجد والاجتهاد كل شي يتيسر^_^ ..
وفيها برممجه وتصميم مواقع وشبكات مره روعـه صرآحه ,,
وآلله يـوفقك يآرب