صـح آنو الصيدلة مالها مستقبل !!!

[راكان القرشي]

السلآم عليكم ..

صح آنو الصيدلة مالها مستقبل ..؟؟
يعني ادرس آدرس واخرتها مختبرات وكلها كيمية وادوية ودراسة معقدة ..!!؟
وفرق كبير بينها وبين كليات الطب..!! والدليل النسب الي نزلت على الجدول اليوم ..!!

ولا لها مستقبل ..؟؟

فقط انا بستفسر ووالله مو قصدي التقليل من الكلية .. لانو في واحد من اصحابي انقبل فيها .. ومحآآتر ممكن يسحب او يحول قسم آخر..

[sultanooh]

في اليوم الارشادي عميد الصيدلة قال حالياً يكون فقط يكتب روشتة ادوية فقط لكن في المستقبل حيكون الصيدلي له دور مهم في اشياء اخرى

خارج السعودية الصيدلة مستقبلها قوووي لكن في السعودية مو مرة

[بيو كيميائية ^_^]

وعليكم السلامـ

ههه مين طلع هالإشاعة بالعكس لها مستقبل كبير

زوج بنت عمتي خريج صيدلة والحين توظف في آرامكو

ويقدر يعمل أدوية ويكتشف علاجات وأشياء كثيرة

[فتوووح]

في اليوم الارشادي

يوم الارشادي هذاك طلع كله كذب في كذب بس الحمدالله

[قدرات+90]

ممكن من بعد اذن صااحب المموضووع اتلقف شووي

خارج السعودية الصيدلة مستقبلها قوووي لكن في السعودية مو مرة
ليش او يش الفرق ^^^^^^

[MeeNo92]

المشاركة الأصلية كتبت بواسطة قدرات+90 ممكن من بعد اذن صااحب المموضووع اتلقف شووي خارج السعودية الصيدلة مستقبلها قوووي لكن في السعودية مو مرة ليش او يش الفرق ^^^^^^

احد الأسباب انو زي ما قلت في ردي عندهم رتبة الدكتور الصيدلي

اللي هوا انو الطبيب ما يقدر يوصف دوا للمريض بدون ما يكون الصيدلي شاف المريض ووافق عليه

يمكن سلطان عندو اسباب ثانية, بس هذا اللي اعرفو

[roosh]

ممم شوف ياسيدي انا اخويا كان يبغا طب بس صاحب بابا قالو ادخل pharm D وهوه استخار ربو ودخل دحين اخويا ماشالله خلص والسنه الجايه حيكون امتياز هوه تخصص اصعب من الطب لانهم يدرسو مواد طب نسبيا ومواد صيدله وحسابات الادويه << لو اتكلمت محا اخلص ههه
المهم التخصص دا لي مستقبل سواء في شركات الادويه او تسير طبيب صيدلاني ( يعني الدكتور مايوصف دوا اللا بعد ماياخد منك الموافقه) ممكن كمان اختراع الادويه زي تخصص سرطانيات وغيرو
في حاجه اخيره الصيدله مليانه لاتيني << كنت اضحك على اخويا وهو يتكلم
ازا في شي كمان قولي وانا حجاوبك

[MeeNo92]

الصيدلة من اهم التخصصات الطبية

مين يسوي الأدوية غير الصيادلة؟

وبعدين التخصص اللي في الجامعة pharm.D

اللي هوا دكتور صيدلة

وهوا زي ما قال سلطان حاليا مافي رتبة دكتور صيدلة في سلم الوظائف في السعودية

بس في المستقبل حيكون في

وزي ما قالت بيوكيميائية آرامكو تطلبهم.. والبعثات الخارجية في منها للصيدلة.. معناتو الدولة تبغاهم.

طمن صاحبك مستقبلها كويس ان شاء الله

[Majed7]

الواحد لو ياخذ فارم دي من الجامعه .. فيه تخصص يدرسه ( صيدلة إكلينيكية ) سنتين تقريبا في أمريكا :)

التخصص هذا نادر هنا .. ومستقبله جدا ممتاز - على كلام المرشد الطلابي في السنة التحضيرية بجامعة الملك سعود - .

[سمسم2010]

هههههههههه ضحكتني مـــــــــــــــــرهـ ليه مالها مستقبل من قال ؟؟!!

بعدين اذا ما تعرف شئ عن التخصص لا تحكم علييه من مجرد صعوبة التخصص ,,

واللي قالوا مالها مستقبل في السعودية مااحد عارف ايش حيصير في المستقبل ,,