هل تعلم ياطالب التعليم عن بعد بجامعة الملك عبدالعزيز....!

[ماليزي]

هل تعلم ياطالب التعليم عن بعد بجامعة الملك عبدالعزيز بأنك تخسر في ترم واحد مايخسره طالب جامعة الملك فيصل لأربع أترام متتالية.
جلست أنا وزميلي يدرس في جامعة الملك فيصل نحسب كم يخسر الواحد بالترم ولكم الحسبة.

- يدفع طالب جامعة الملك فيصل في الترم من 800 ريال إلى أقصى شي ومعقول 1700 ريال للترم الواحد ويشتري ملخصات من الجامعة يعني نقول 150 ريال اضافية يعني يصير المجموع اذا اخذنا الحد الأقصى للرسوم: 1700+150= 1850 ريال للترم.
نضرب العدد هذا بأربع أترام: 1850*4=7400 ريال
مع الأخذ بعين الإعتبار بأن طالب جامعة الملك فيصل يختبر في منطقته ويوفرون له الأقلام والماء في القاعة.

- يدفع طالب التعليم عن بعد بجامعة الملك عبدالعزيز في الترم الواحد 4000 ريال ومن ثم يذهب ليشتري الكتب لأن الدكتور لا يعترف بالملخصات فتكون قيمة الكتب حوالي اجمالاً 280 الى 350 ريال ومن ثم يذهب ليختبر في جدة فيستأجر بأقل شي 180 ريال ومن ثم يستأجر سيارة بأقل سعر وهو 60 ريال لليوم ولا أنسى تذاكر الطيران 580 ريال ذهاب واياب اذا فرضنا انه من الرياض لأن هالجامعة استرزقت من أهل الرياض مالم تسترزقة من مدن المملكة مجتمعة وبالتالي تكون الحسبة كالتالي:
180 ريال للايجار بـ 10 أيام على الأقل= 1800 ريال
60 ريال ايجار السيارة بـ 10 أيام = 600 ريال

المجموع الكلي: 4000 رسوم + 1800 ايجار + 600 ايجار سيارة + 350 كتب + 580 تذكرة = 7330 ريال وأن اتكلم عن الحد الأدنى بجامعة الملك عبدالعزيز في كل شي وبالإضافة الى ذلك حتى موية مايوفرونها ولا أقلام والمكيفات في الجامعة مرات ماتشتغل واذا اشتغلت مخلينها على اقل شي علشان الصرف.

ولكم الحكم في المقارنة: طالب جامعة الملك فيصل لسنتين يدفع ما إجماله= 7400 ريال.
يدفع طالب التعليم عن بعد بجامعة عبدالعزيز= 7330 ريال للترم الواحد فقط.

مع الملاحظة بأن الخدمات الالكترونية للجامعتين متساوية وقد تكون جامعة الملك فيصل تتفوق بشيء وهو انك اذا دقيت على القسم اللي انت تبعه يرد عليك رئيس القسم على طول وياخذ ملاحظتك أو شكواك أما بالنسبة لعبدالعزيز فترسل معاملة لأي شيء ول نفرض لإضافة مادة فأول مايجيك الرد بعد أسبوع يقولون لك راجع العمادة وانت في الرياض وبعد ماتشرحلهم انك من اهل الرياض ويستوعبون هذا الشي قد راح شهر ونص الآن وفي الأخير تطلع من المولد بلا حمص.
طبعاً بعد ماتطورو الجامعة الترم اللي راح خلو التسجيل عن طريق النت بس لعبو لعبه غير >> صار اللي يعرف أحد ينزلون له الجدول بدري علشان يضيف ويحذف على راحته وتتفاجأ انت ياللي نزل الجدول متأخر أسبوع لما تجي تضيف تلقى الشعب كلها فول ..طب كيف صارت فول وحنا بنفس اليوم منزلين جداولنا مامداها ... علامات الإستفها قليلة صح!!!