ظــــاهــرة الغــش اثــــنــاء الاختبارات ؟!.

[الشرق]

السلام عليكم ورحمة الله وبركاته

اليوم بتكلم عن موقف صار لي في اختبار التخطيط الاستراتيجي

الله يهديهم الشباب اللي عني يمين وشمال اثنين بس يوشوشون لبعض مثل مايقول المراقب وش وش وشوشو وش والكل سامعهم هههههههه والثاني ما شاء الله كانه رادار يلف حول نفسه والمضحك اذا شاف فرصه ينط برقبته الا هو على الطاولة اللي عندي هههههههههههههه وين يا ابو الشباب صح المراقبين متساهلين بس مو بالطريقة هذي لا ويقول لو سمحت طلع الوقة شوي ياعيني

والاخ مو مكتفي باجابة او اثنين يبي يشف الورقة كلها هههههه المشكلة المراقب فاكرني اغش معهم وبعدين ابي اسألك وش استفدت في الاخير المراقب قطع ورقت الاجابة الخاصة فيك لما سلمتها لانه شاف غشك يعني لو حاولت يمكن على الاقل تنجح بدل الاعتماد الكلي على الغش ، جاي مافتحت الكتاب يااخي مشكلتك مو مشكلتي ، الشباب هنا من البارح ما قصروا ملخصات واسئلة ومراجعات.

الله يهديهم والله لخبطوني وماركزت حتى حلي ماراجعته.

بعض الشباب هداهم الله يظن ان زميلة ملزوم انه يغششه ويتناسى حديث الرسول صلى الله عليه وسلم عن الغش ..

[ابو رتال]

والله اني اعاني من هالمشكله والموت يحرجونك من يوم تجلس عساك مذاكر

[معاذ]

هههههههه


الله يهدي الجميع

[loving]

المشكله لو الموضوع بذوق عادي لكن بقلت ادب

ودايم مايجي بجنبك واحد يسلم عليك .. شوي تبي قلم هههههه ...شوي والله المراقب هذا عله ... <<<يسترسل بالكلام معاك

شوي هاه مذاكر زين


لاتنسى خويك والله ما فتحته جاي من مشوار بعيد وطريق وعندي ماده ثانيه شوي ويبكي


ترد عاد انت عليه والله انا مثلك عساك مذاكر انت ههههههههههههههه يبرد وججه ويلتفت للي يمينه خخخخخخخ


ولا تلقى لك قروب كلهم بشقه واحد وينتشرون وراى بعض ولا بالجنب ويجي المراقب ويقول صف مليان وصف فاضي <<<<تخرب الخطه ههههههههه


والله انواع الافلام

[ana-a7la-wa7d]

انا مثلك وراي واحد وجنبي واحد اشغلوووني ياخي توكل على الله وحل حسب مذاكرتك والله ما يضيع تعبك وحط ببالك من غشنا فليس منا مشكور على الموضوع بصراحه

[ابو اسامه 106]

الحل سهل جدا ً

اذا ما تبغى شوشره

ولا تبغى وش وش وشو وش وش

اجلس قدام اول صف قدام المراقب

انواع الراحه والهدوء

تحياتي لك

[ع ـبدالعزيز]

أقسم بالله إن فيه واحد حسبي الله عليه بس
وصلت معه إلى درجة إنه يلعن ويقول كلام مدري وش يحس فيه
متخلف مدري كيف إن الجامعة تقبل مثل هالناس
يعني شين وقوي عين اشغلني في نفسي وأبلشني >> وكسر ظهري >> هذه لحالها فاصل مهاري خخخ
في الأخير طلبت أنا من المراقب يغير مكاني
أبغى أركز في الإختبار وأخلص من مشاكل مثل هالعينه ..

ولا قبل الاختبار كان يقول وش الماده خخخخ من جد شي يضحك

وعلى كل حال الله يوفق الجميع ويستر على الجميع ..

[الشرق]

مشكورين اخواني على تفاعلكم

ابو اسامة انا اجلس قريب من الصف الامامي لكن مش في اول صف. ومشكور على التنبيه.

فعلا بعض العالم لزقه والا انا لو كان هادئ وما يضيع تركيزي ماهمني المعلومة اللي بياخذها مني.

عبدالعزيز الله يعينكم هذولي العينة يبغى لهم تخطيط استراتيجي بعيد المدى هههههههههههه

[Turki_1985]

يا كثرهم...
انا اليوم جالس واحد جنبي يسألني و احنا نعبي نموذج الأجوبه
ايش اسم الماده الي احنا فيها....
لووووووووول...
هذا ان دل دل على ان الدعوه اي كلام الحبيب جاي مع ربعه قالوله ان في اختبارات و بجده و كلنا بنروح جروب و هو يلا معاهم ..
و الي يقهر ان الأشكال هذي كثير من المرات تمشي امووووورهم ...
ههههههههههههههههه

[الشرق]

تركي من جدكم انتم يسألون اش المادة اللي عندهم ؟؟ يمكن يمزح

هذا اخذها تمشيه لجده ههههههههه